قصة كاملة حصرية

اقتراحات الاصدقاء ده.
ده موقف موقف تاني حصل لجارتي..
من حوالي ٩ سنين سكنت في بيت جديد
بعد ايام جاتلي جارتي اللي قصادي ومعاها بنتها متجوزة بنتها صغيرة وحلوة ويبان عليها انها عايشة مبسوطة ماديا
اول ماشفت البنت اللي كان اسمها بسمة
فجأة سرحت وكأني غوصت في ذكرى او مشهد كده زي ما يكون بتفرج على فيلم 
شفت بسمة انها مطلقة عشان قصة خېانة!!.
تفاصيل تانية ملهاش لزمة المهم اني شوفتها مطلقة بسبب خېانة زوجية..
بعدين عرفت ان بسمة عندها بنتين
ومتجوزة عن حب وجوزها طاير بيها وان مافيش اي حاجة تدل ان فيه مشاكل في حياتها بحكم اني خالطت جارتي المهم بقى ان بسمة بعد حوالي تلات سنين اتطلقت!!..
أيوة والسبب اقسم بالله كان علشان خېانة زوجية!
جوزها رجع من الشغل لقى معاها واحد ومن صډمته منطقش وطلقها واداها كل حقوقها في المحكمة حفاظا على سمعة بناته عرفت ازاي كل ده.
ببساطة لأنه بعدها بسنة وشهور اتجوز بنت عمي!.. رغم انه مافيش ولا اي صلة ولا سابق معرفة أصلا..
وهي الي حكت لي على اللي هو عمله مع بسمة مراته الاولى وعرفتني قصة الخېانة!.
وقتها وهي بتحكي انا افتكرت احساسي اول مرة شوفت بسمة..
موضوع مرعب مش كده.
عارفه ده كويس ومتأكدة وصدقوني أنا اوقات كتير بخاف من نفسي وعلى نفسي برضه..
نرجع تاني للحكايات اللي ملهاش تفسير..
السبت اللي فات كنت في المستشفى بقيس الضغط
دخلت واحدة المستشفى وجت سلمت عليا ماشوفتهاش من اكتر من ١٤ سنة هي جارتنا وساكنة جنب بيت اهلي مش دي المشكلة.. عادي الحمدلله معارفي كتير.. المرعب هنا اني قبلها بيوم كنت بتكلم عنها وافتكرت ان هي اللي حطتلي الحنة وانا عروسة.. وحلمت بيها كمان! 
مكنتش اعرف اصلا ايه اللي خلاني افتكرها او عرفت تاني يوم بعد ما شوفتها جاية تسلم عليا!!.
هي اصلا مش ساكنة في المنطقة دي هي جت زيارة لبيت اخوها وللصدفة حست بمغص وجت المستشفى وهناك تقابلنا!.
مرة في سنة ٢٠١٤ 
صحيت مڤزوعة كأن عندي ضيق تنفس بنهج ومش عارفه اخد نفسي 
وده بسبب اني شوفت كابوس
شوفت اني مريضة ودخلوني العمليات وقالولي ان عندي
مشكلة ف قلبي ولازم عملية فورا 
الدكتور اللي هيعملي العملية _صديق مصري معرفة اسمه احمد_ 
شوفته ماسك مشرط بقوة وفتح صدري لقيتني صحيت مړعوپة ومڤزوعة مش قادرة اوصف الشعور كأني حسيت بالمشرط بيشق صدري بجد..
مافيش اسبوع اكتشفت ان ابني واللي اسمه أحمد بالمناسبة وعنده سنتين.. عنده مشكلة ف القلب ولازم ليه عملية فورا في القلب!.
وفعلا جرينا ف الورق وربنا سهل وعملنا عملية قلب مفتوح في العاصمة..
موقف تاني سنة ٢٠١٦ صحيت برضه مڤزوعة بعد ما شوفت اني باولد وبيعملولي حاجة اسمها كشط الكشط ده بيعملوه لما يحصل اجهاض ويخافوا من تعفن مخلفاته وكده..
الكشط حاجة مرعبة بتحصل من غير بينج 
المهم حلمت انهم بيعملولي كده وصحيت لقيت نفسي بعرق وبنهج من الړعب
مافيش يومين وحصلي حاډثة في البيت واتحرقت وروحت المستشفى ولقيت نفسي نايمة بنفس الوضع على نفس السرير اقسم بالله وبيعملولي كشط للحروق بيزيلوا الجلد المحروق من بطني ورجلي!.
مواقف كتير بنفس التفاصيل المرعبة انا اخترت كام موقف حصل معايا ومش هيبقوا اخر حاجة هشاركه معاكم بكرة هحكي عن موضوع بيحصل عندنا في الجزائر وفي اغلب مناطق شمال إفريقيا وهو موضوع التصفيح 
اعتقد ممكن كتير مايكونوش سمعوا عنه هحكيه بإستفاضة ان شاء الله بكرة في نفس الموعد.
تمت.