فرح

الجميل اللي خليتيني اقضيه مع اولادي. ....
فرح.. دا واجبي حضرتك وانا اللي انبسطت مع الاولاد ووجود حضرتك وان شاء الله اللي جاي احلي
تصبح علي خير 
عابد وانتي من اهله
فرح اطلع بقي اناام لاني هلكت النهارده اي ينعم الاولاد اشقياا بس جمال وانا حبيتهم قوي
عابد... يا عثمان.. فنجال القهوه بتاعي بعد ازنك وتعالي عايزك

عثمان حاضر ساعدتك
اوضه فرح.... الباب بيخبط
هو انتي 
دعاء اه انا يااختي اومال هيكون مين عابد بيه مثلا
فرح اي داا في ايه ايه الكلام داا وعابد بيه هيجي اوضتي ويخبط عليا ليه دلوقتي 
دعاء اي في ايه قلبتيها دراما ليه هو انتي تطولي اصلا
فرح اطول ونص كمان... انتي مش شايفه الحلاوه
دعاء شايفه يا اختي مهو حلاوتك دي اللي وقعته وخلت عابد بيه صاحب القصور والشركات اللي اجدعها رجاله بشنبات تعمله الف حساب.. يقعد يلعب معاكي انتي والاولاد
فرح اهو قولتيها بيلعب مع الاولاد مش معاياا ودا حقه طبعا 
دعاء حقه مقولناش حاجه ... بس يا بختك ويا هناكي لو وقع في حبك تبقي طاقه القدر انفتحتلك
فرح هو حلو ومز وكل حاجه بس انا فين وهو فين دا انا ياادوب موظفه عنده او بالمعني الاصح مربيه للاولاد
دعاء هو انتي مفكره انك لما تكوني بتربي اولاد عابد الانصاري... دي حاجه قليله..... يوه دا في الاف يتمنوو يشتغلوو مكانك وهو طبعاا مش بيختار اي حد وخلاص... المهم انك تكملي بقي والاولاد يحبوكي لان لو الاولاد اشتكوو منك... هيشوف غيرك ودا اللي بيحصل ديما
فرح ربنا يستر بقي
دعاء المهم سيبك يلا احكيلي قصتك انتي منين وايه اللي حصل معاكي وايه اللي بهدلك كده وفين اهلك
فرح ياااه دا حوار كبير قوي وانا بصراحه عايزه انام مش قادره
دعاء فيش الكلام داا هتحكيلي يعني هتحكيلي
فرح هحكيلك بس مش الليله
دعاء لاء الليله ويلا احكي 
فرح عارفاكي عنيده ومش هتسكتي. بصي ياستي انا هحكي لحد ما اقع منك فالنوم ولو نمت مش تصحيني
دعاء ماشي... يلا
فرح بصي بقي انا كنت زي اي بنت عايشه مع اهلها ومبسوطين.... انا وحيده امي وابوياا والحمد لله كنا مرتاحين معانا ارض وبيت كبير يعني مش مبسطوين قوي بس احنا من غيرناا وكنا عايشين ومبسوطين
ابويا ليه اتنين اخوات.... ماشين غلط وهو كان قاطع علاقته بيهم مع اننا في بلد واحده ومكناش لينا صله بيهم
لحد ما جه اليوم اللي قلب حياتي ودمرني حرفياا
دعاء ايه اللي حصل
فرح... تخيلي كده تصحي من النوم علي تليفون بيقولك البقاء لله
دعاء... خبر مش حلو خالص ومش في وقته
فرح الاپشع من كده بقي..... لما سالت في مين
دعاء ايوه صح مين اللي ماټ
فرح.... ابويا وامي وهما راجعين من مشوار في بلد جمبنا سمعتي عن حاډث القطر اللي كانت من سنه
دعاء اه دي كانت حاډثه كبيره وراح فيها ناس كتير... 
فرح اهو اهلي من ضمن الناس اللي راحت دي
وحرفياا كنت بمۏت مش قادره استحمل ولا عارفه اعيش ولا قادره اصدق.....
دعاء يااحببتي ربنا يرحمهم انا اسفه.....
فرح يارب ياقلبي المهم بقي اللي جاي داا اپشع حاجه ممكن تتخيليها
دعاء ايه تاني
فرح... طبعا انتي فاكره اني قولتلك اني ليا اتنين عمامي بس منعرفش عنهم حاجه
دعاء اه
فرح لقيتهم بقي عاملين عزا كبير وواقفين ومراتتهم واولادهم معاهم بياخدوو العزا لاني مليش اصلا حد غيرهم بعد ماما وبابا
وقولت يمكن حالهم اتصلح وجايبن يقفوو جمب بنت اخوهم الوحيده
دعاء طب كويس اهوو لسه فيهم خير...
فرح انا قولت زيك كده برضواا... لحد ما جه عمي الكببر بيمضيني علي ورق وحاجات كده علشان اعلام الوراثه
وانا مكنتش مركزه قوي ولا عارفه ايه اللي بيحصل... 
واكتشفت بعدها انه بيمضيني ع عقد بيع وشړا للارض والبيت
دعاء يالهوي هو في كده حسبي الله ونعم الوكيل 
فرح ولسه...... لما عرفت دا بقي متاخر... هنا حسيت اني بقيت يتيمه فعلا وضهري انكشف ومبقاش ليا سند يحميني ولا يقف جمبي ولا حضڼ دافي اترمي فيه.....
دعاء ياقلبي... بس خلاص متعيطيش قطعتي قلبي... بلاش تكملي
فرح خلاص دي اخر حاجه يمكن اهدي وارتاح لما احكيلك
دعاء طب كملي...
فرح وبعد شهرين من الحاډثه... لقيت عمامي داخلين علياا البيت ومعاهم راجل خليجي مش مصري كبير فالسن يمكن اكبر من ابوياا
استغربت قوي