الخامس والسادس... سلاسل ام غراب

وانا مستغربة
وقلت..
انتي ايه الي خرجك
واية الي قفل الباب وراكي
فا بصتلي دندوشة بتعجب
وقالتلي..
انتي الي قفلتي الباب ورايا
قلت..ازاي 
دنا كنت جوه بجهز الهدوم
زي ما قولتيلي
فا بصتلي دندوشة بتعجب تاني
وسالتني
وقالتلي..
هدوم ايه
قلت..
يا ولية مش انتي طلبتي مني من دقيقة 
اني اجهز شنطتي
عشان توصليني لبيت امي
وقلتي انك خاېفة عليا
من الناس الي كانوا جايين ل لام غراب
فا استغربت دندوشة برضو
وحطت ايديها علي راسي
وقالتلي..
سلامتك يا عفاف
انتي تعبانة
قلت...ردي علي سؤالي
مش انتي كنتي هنا من دقيقة
فا ردت دندوشة
وقالت
انا من ساعة ما قولتلك 
اني ...
رايحة للبت بنتي
عشان موضوع الفيديوا
الي نشرة التربي علي النت...
مرجعتش تاني ...
غير دلوقتي
فا رديت وانا مش مصدقة كلامها...
وقلت...
يعني انتي من شوية...
مخدتنيش ورا ظهرك
وانقذتيني ...
من الناس الي كانوا هنا 
فا سالتني دندوشة بتعجب
وقالت..
هو انتي كان في ناس عندك هنا
للكاتبة..حنان حسن
في اللحظة دي
شكيت ان يكون الي انقذني
من شوية
هو.. حضڼ
لكن...كان متجسد..
في هيئة دندوشة
وفضلت اسال نفسي
واقول..
ايوه صح..
انا ازاي انا مخدتش بالي
ان دندوشة كانت خارجة من اوضة ام غراب
بالرغم من ان دندوشة
مكنتش في البيت اصلا
وازاي مخدتش بالي لما طلبت مني حضڼ
وفي اثناء ما كنت بفتكر الي حصل تاني
لقيت دندوشة
بتقولي..
بقولك ايه يا بت يا عفاف
انا مش فاهمة انتي بتتكلمي علي ايه
لكن..
انتي لازم فعلا ..
تمشي من البيت هنا وبسرعة
لان كل اعداء ام غراب
ممكن يهجموا علي البيت
بين لحظة والتانية
فا هزيت راسي
وقلت..
طبعا همشي
انا مقدرش اقعد هنا ولا ثانية تاني
وبالفعل..
اخدت شنطتي وخرجت 
مع دندوشة
وبعدما سيبتها في الشارع
ركبت التوكتوك
وروحت علي بيت امي
وخبطت علي الباب
فا فتحتلي امي
وهي علي وجهها ڠضب ما بعدة ڠضب
فسالتها
وقلت..في ايه
فا ردت امي
وقالت..
بقي مش عارفة في ايه
قلت..لا
قالت..
سحر قبل ما تغور من هنا
عرفتني الحقيقة
وقالتلي ....
علي انتي عملتية
قلت..
قالتلك ايه سحر
فا ردت امي
وقالت...
سحر قالتلي..
انك نفذتي اوامر حماتك..
وساعدتيها انها تعمل لاخوكي عمل
عشان يتجوز سحر
وبالامارة انتي الي خيطتي العمل في المخدة
الي اخوكي بينام عليها
قلت..لا طبعا محصلش سحر كدابة
فا ردت امي
وقالتلي..
انتي بتكدبيها ...
عشان عرفتي انها ماټت
ومش هتقدر تدافع عن نفسها
الله يسامحها بقي
لو كانت لسة عايشة
كان زماني واجهتك بيها
قلت..
طيب دخليني يا ماما عشان...
قالت..
لا ...
انتي خاېنة..
وام غراب خلاص سيطرت عليكي
هي ...وابنها غراب..
عشان كدة
ورحمة ابويا
ما هتخطي بيتي تاني 
طول منا عايشة
واتفضلي خدي بنتك وامشي 
من هنا
قلت..ارجع اروح فين
قالت..ارجعي لحماتك ...وجوزك
قلت..ايوه بس.....
هما مش في البيت قصدي يعني...
مسافرين
فاردت امي بحسم
وقالت.. 
مليش دعوة ارجعي بيتك...
واستنيهم لما يرجعوا
فا فضلت افكر
واقول..
ازاي هرجع انا... وبنتي لبيت ام غراب تاني
وهنروح فين
اروح لدندوشة
لا..
استحالة اعرض بنتي
للي شوفتة في بيت دندوشة
ومش هينفع اخدها لبيت
ام غراب
بعد الي حصل في البيت هناك
فا اتوسلت لامي
وقلتلها..
ارجوكي يا امي
انا بعترف اني غلطت ...
لما صممت... واتحديتكم 
لغاية ما اتجوزت غراب
بس بنتي ملهاش ذنب
انا مش هعرف اخد بالي منها وانا لوحدي
فا بصتلي وسالتني
وقالت..يعني عايزة ايه
قلت
خلي البنت عندك
لغاية ام غراب وابنها...
يرجعوا من السفر
وبعدها..
هنيجي ناخدها منك
فا وافقت امي
وقالتلي..ماشي 
خليها لغاية ما يرجعوا
وفعلا
سيبت بنتي عند امي
وروحت عند دندوشة
وطبعا اول ما شافتني دندوشة فرحت اوي
وقالتلي..
يا اهلا وسهلا بيكي
تعالي الشغل مستنيكي
فا رديت وانا بتوسل