حكاية ثراء قصة جديدة لمحمد ابراهيم عبدالعظيم

ڠضبان 
_ ولما هو حصل كنت فين يا بهيم.. يعني لولا الشغالة كان الولد هيهرب.. مخصوم منك ٣ تيام عشان تصحصح في شغلك يا افندي.
في اللحظة دي عربية الشرطة وصلت دخلوا علياء وصالح العربية وجم علشان ياخدوني اكرم بيه قالهم  
_ لا سيبوها .. انا مصدق الشغالة.. وبعدين البنت دي شغالة عندي بقالها سنين وعمرها مامدت ايديها على اي من ممتلكاتي.
ومشيوا بأخواتي وانا سامع صوت علياء بتنادي عليا التجمع اللي حوالينا اتفرق لما بنت اكرم بيه قالت  
_ طب ايه يا جماعة مش يلا نكمل البارتي .. يلا يا تسنيم يلا يا حبايبي .
لما مشيوا قرب من اكرم بيه وقالي 
_ انا هكتفي بس اني اطردك برة الفيلا من هنا ورايح مالكيش اكل عيش عندي .. مش عايز الناس تاكل وشي ويقولوا لسه مشغل البنت اللي اخواتها كانوا هيسرقوه.. وابوكي ده انا ليا تصرف معاه.
ومشيت من الفيلا وانا بجري ودموعي على خدي محستش بنفسي من كتر الجري الا وانا قدام ابويا اللي كان ماسك الشيشة وقالي بقلة اهتمام بعد ما عرفته اللي حصل 
_ وايه يعني .. وانا مالي يتقبض عليهم ولا لا .. خلاص جابوا حقهم من زمان .. يغوروا .. طالما انا في السليم خلاص .
كنت بنهج ولما سمعته بيقول كدا استغرب وقولتله 
_ يعني ايه .. بقولك اتقبض عليهم وهم بيسرقوا يابا.
رمى لي الشيشة على الارض وهو بيقولي  
_ ما انا عارف ما انا اللي قايلهم يسرقوا .. اتقبض عليهم دي مش بتاعتي بقى .. بقولك ايه يا بت انتي .. انتي كبرتي خلاص ولازم تكوني عارفه كويس.. شايفه كل العيال دي مش ولادي ولا انتي بنتي .. انا اصلا مبخلفش .. انا وامك لميناكم من الشارع وربناكوا.. مش احسن ما كنتوا تموتوا من الجوع جتكم القرف.
مكنتش مصدقه كلامه بس ماما دخلت وهو بيتكلم واكدت على كلامه حسيت اني بحلم او اني جوة كابوس خرجت من البيت وانا بقول لنفسي يعني ايه.. يعني كل الوقت ده وانا عايشة مع ٢ من ابويا وامي!.. طب فين أبويا وفين أمي.. وفلوسي.. فلوسي اللي تعبت فيهم سنين طويلة.
فضلت اكلم نفسي زي المچنونة وانا ماشية مش عارفه رايحه فين.. لما فقت لقيتني في مكان معرفوش بس انا مش صغيرة .. انا ممكن ارجع البيت بس حلفت اني مش هرجع تاني ومن وقتها والشارع هو امي وابويا وبيتي.. لحد ما شوفت مالك وأنس وانت بعديهم يا عمار.
بس يا اخواتي .. دي حكايتي الصعبة.. اتعلمت كتير منها مكدبش عليكم .. بس صعبت عليا نفسي .
رد عليها عمار وقالها  
_ ياااة .. بس انتي تعبتي اوي يا ثراء.. بس اقولك . صدقيني ربنا هيكرمك.
رجع
بص على طفل لابس نضارة وقاله 
_ اسمك أنس صح.
رد عليه انس وقاله
_ اه انا انس يا عمار .. وطبعا عايز تعرف حكايتي .. حاضر .. اسمعوا بقى حكايتي .. بس بالله عليكم مش عايز احس بعد ما اخلص اني صعبان عليكوا.. اتفقنا.
هزوا التلاتة رؤوسهم بمعنى اتفقنا.. وبدأ أنس يحكي......
تمت