الجزء السابع....سلاسل ام غراب ...

بره
احنا هنا بيت محترم
ومش بنشغل عندنا بنات من الشوارع
للكاتبة..حنان حسن
في اللحظة دي
فا صعبت عليا نفسي
وقلت..
في سري
ايه الي انا وصلتلة ده
و ليه الست دي بتزلني وتهين كرامتي كده
هو انا عملتلها ايه
ايه الذنب الي اارتكبتة لما اتقدمت للشغل عندها

دنا كنت عايزة اكل لقمة عيش بالحلال
للكاتبة..حنان حسن
وفي اللحظة دي
لقيت كرامتي نئحت عليا
وقلت لنفسي
طالما في كل الاحوال مش هشتغل عندهم
فا لازم اردلها الاھانة
قبل ما امشي
وفعلا..
بصيت للعمة المتعجرفة 
من فوق لتحت
وكأني ببادلها الشعور بالاحتقار
ورديت عليها بجراءة
وقلتلها..
علي فكرة
اهلي الي انتي شتمتيهم دول
احسن منك ومن اهلك
وبمجرد ما سمعتني
عمتة
اصيبت بحالة من الهياج والصړاخ
وقالتلي..
انتي ازاي تتجرائ وتكلميني كده يا حثالة انتي
اقسم بالله منتي خارجة من هنا غير مع رجال البوليس
فا اتعصبت اكتر
وقلتلها..
انا مش مچرمة عشان تطلبيلي البوليس
و انتي ملكيش انك تطرديني...
لاني مش جاية اشتغل عندك
انا جاية اشتغل عند الست ثريا... صاحبة البيت ده
وانا اسمع
ان الست ثريا 
ست كريمة...و بنت اصول
ومش بتطرد حد من بيتها
لكن...
انتي هنا ضيفة ...
وعلي ما اسمع برضوا...
انك رامية جتنك انتي ...وبناتك العوانس
علي اصحاب البيت ده
يعني انا احسن منك يا........
وكنت هكمل باقي وصلة الردح
لولا اني لقيت عمتة..
خرجت موبيلها من شنطتها بحركة عصبية
وعملت مكالمة تليفون للبواب
وقالت له
اطلب البوليس حالا..
وبلغهم ان في اتنين ستات حرامية
ظبطناهم وهما بيسرقوا الفيلا
فا زغدتني دندوشة في جنبي
وقالتلي..
عجبك كده يلي تتشكي
وبصراحة دندوشة كان عندها حق تخاف
لان عمتة واصلة...
والف مين هيخدمها
ويرمينا في السجون ..
لجل عيون فلوسها.. ومعارفها
واحنا غلابة ...
وملناش ظهر.. ولا لينا اي حد
فا فكرت اني اخد دندوشة
ونهرب
قبل ما يطلبوا البوليس
لكن..
الي وقفني مكاني
هو ..صوت كريم بيه
الي اتدخل اخيرا
بعدما كان واقف يتابع الي بيحصل في صمت
وبعدها 
قال..
خلاص يا عمتي
حصل خير
البنت كان عندها حالة ۏفاة ومتوترة
يعني مكنتش تقصد
فا بصتلة عمتة بذهول
وقالت...
بقي الاسلوب الوقح الي اتكلمت معايا بيه ...
وجرائتها .. والردح ده كلة
وتقولي ..مكنتش تقصد
فا بصلها كريم بية بزهق
وقالها..
انتي الي طردتيها في الاول
وكمان وجهتي لها اهانة
واحنا مينفعش نهين الناس في بيتنا يا عمتي
فا اتعصبت عمتة
وبصتلي بقرف
وهي بتشاور عليا 
وقالت..
لا يمكن..لازم احبسها
فا تجاهل اصرارها
واتصل كريم بيه بالبواب
وكلمة بصيغة الامر
وقالة...
لا متبلغش طبعا يا بني ادم
ومتنفذش تعليمات حد
وحذار تاخد اي اوامر...
من حد غيري