عالم اخر الجزء الاول
بس الواضح إن الموضوع كبير .. أنا قولتله بلاش الشقة دي ماسمعش كلامي .. كان بيقولي إنه بيشوف الضل الإسود وجنب منه غراب ضخم واقفين في شباك أوضة النوم لما بيبص محمد من تحت العمارة .. وطبعا ماكنش بيلاقي حاجة .. بس وراني بعيني ريش غراب متكوم تحت السرير عندكوا !
ريش كبير أوي وكتير .. ودا طبعا بيأكد كلام محمد إنه شاف غراب كبير جنب الضل الإسود .
بمجرد ما سمعت سيرة الضل الإسود خۏفت .. ورجعت بالزمن لسنين وأحداث ومواقف مرعبة كنت ردماهم بالتراب .. بس أنا ببات في الشقة لواحدي أينعم حسيت إن عتبتها مش مريحه بس مابشوفش حاجة .
أنا فعلا بعدت عن ربنا في الفترة إللي ظهر فيها الضل لمحمد .
ورغم كدا الحياة مشيت و مكنتش برتاح غير في شقتي .. كنت بفضل إني أقعد فيها ليل ونهار .. ماكنش في حاجة بتحصل .. يمكن بس كذا مرة الباب يخبط .. أروح أفتح مالقيش غير قطة سودة واقفه قدام باب الشقة وبتبصلي بتركيز !
فجاة بين الصحيان والنوم كدا بصيت على المرايا .. اټخضيت واټفزعت..
صړخت بأعلى صوتي لما لقيت إنعكاسي في المرايا ومن ورايا شخص اسود واقف وبيبصلي !!
راجل بشرته سودة و لابس طربوش أحمر .. واقف عمال يبصلي ف صمت!!!!! .
_ هو طلعلك .. مټخافيش دا عمك سيد خالي أخو أمي .. ماهو كان عايش مع أمي وماټ في الشقة دي .. ماتقلقيش مش بيأذي .
فعلا كلامها كان حقيقة .. بدأ ظهوره ليا يتكرر .. وعدى تلتض سنين .. بس الشيء الغريب وإللي كان عامل بيني وبين محمد مشكلة كبيرة كانت هاتوصل للطلاق إنه ماكنش بيرضى يلمسني .. وطبعا مفيش حمل تلات سنين .
لفيت على شيوخ كتير والكل أجمع إني لازم أرجع تاني لربنا وأواظب على الصلاة والوضوء دايما .. المرة دي ماكنتش بقدر أصلي ركعة على بعض .. لما كنت باجي أتوضا بحس بكسل رهيب وببقى عايزه أقفل الماية .
الوضع معايا أصبح صعب جدا .. وسط كل دا ماكنتش بشوف الضل خالص .. بس أوقات كتير أوي أحس بوجوده معايا .
بفضل الله مع الوقت حصل أخيرا وربنا كرمني وحملت .
في اليوم إللي عرفت فيه إني حامل .. حلمت بعم سيد إللي
