عالم آخر الجزء الثاني والاخير

٢
في اليوم إللي عرفت فيه إني حامل .. حلمت بعم سيد إللي بيظهرلي دايما .. حلمت بيه بيقرب عليا وبيديني تفاحتين واحدة سليمة والتانية شمتاكل منها حتة .. وقالي بالنص كدا 
ده رزقك انا كلت حتة بس من التفاحة الصغيرة إرضي بإللي مقسوملك .
وللمرة التانية عم سيد جالي في المنام .. المرادي قالي

شايفه اللبس الكتير إللي منشور دا .. دا لبس بنتك سميرة بس دماغ بنتك لازم نحطها عالميزان !!!!
أول مرة جالي فيها ماكنتش فاهمه قصده إيه بإني أرضى باللي مقسوملي .. فهمت بعد سنين بعد اللي حصل لإبني وبطبيعة الحال حمدت ربنا .
المرادي برضو مافهمتش .. بس حسيت إن بنتي مش هتكون طبيعية .. وقد كان من أول يوم ولاده .. حجمها كان كبير برضو .. و ماكنتش بټعيط خالص .. و بترضع قليل جدا بالنسبة لسنها .. ولما تمت ٨ شهور عرفت إنها زاي اخوها .
حمدت ربنا وقلت ربنا رزقني بيهم عشان اخدمهم وادخل بيهم الجنة .. ومرت الايام وللأسف علاقتي بجوزي بقت أسوء .
خصام وخناق بدون أسباب .. وبدأ يقولي 
_ إنتي مسكونة وعليكي عفريت .. إنتي مش طبيعية .
ياريتها خلصت على كدا وبس لأ دا بدأ بقوة ومصر إنه أنا دا العفريت إللي جوايا!!.
تصرفات غريبة وكلام مش موزون
محمد شبه دخل في نوبة جنون ومش عارفه إيه السبب .. شكيت في الضل الأسود .. بس معقول حتى بعد ما سافرت برة مصر وبعد السنين دي يرجعلي تاني يبوظ حياتي .
شكي طلع ف محله لما بقى محمد يعمل كده فيا و إيده تفضل توجعه بالإسبوع .. مكنش يعرف يحركها وفي مره من كتر ضربه فيا .. كسرلي رقبتي ودخلت المستشفى وقلتلهم اني وقعت من السلم عشان بيتي مايتخربش .
بس بعد ما خرجت من المستشفى طلبت الطلاق وكنت مصره .. وطلبت منه أرجع مصر .. وسيبتله البيت وقعدت ف فندق أنا وأولادي .
هناك شوفت أصعب لحظات مرت عليا في حياتي .
كنت كل يوم أسمع صوت نونة قطة بصوت غليظ جاي من أوضة ولادي .. ولما أدور على القطة مابلقيهاش .
أكون بتفرج على التليفزيون .. أسمع صوت أنثوي بيناديني بإسمي من جوة الحمام ! .
وف يوم كنت نايمه و لقيت عيالي التلاتة بيتنفضوا من النوم مرة واحدة ومع بعض وبيصرخوا بصوت عالي جدا .
جريت عليهم وحاولت أهديهم ماعرفتش .. فضلوا أكتر من ساعة بالشكل دا .. والتلاتة أجسامهم بتترعش .
بعد ساعة وكام دقيقة ولما موبايلي رن وخرجت للصالة علشان أشوف مين بيتصل .. هنا كنت إسترديت وعيي تماما وإفتكرت إللي بسببه كنت هاموت من الړعب .
حرفيا ماكنتش قادرة أقف على رجلي .. سندت على أقرب كرسي جنب مني .. موبايلي