الجزء الاول والاخير من القصة الحقيقية

عمل العملة دي واحد منهم لإنهم مكنوش عايزين الجوازة دي تتم من البداية .. وبعدين زاي ماقولتلك مين إللي يخطف بنت من العيلة دي .. والبلد مقفولة والكل عارف بعض .
يعني التهمة لابساهم .. حتى بعد ما أخدوا شهود من أهل البلد .. والكل أجمعوا على إن ماحدش منهم يعمل كدا .. وإن العيلة دي ممكن تعمل إللي عملته بسهولة .
وبعد تحقيقات دامت لوقت طويل .. برضه مافيش فايدة ..
علشان الشيخ حسن كان محبوب من أهل البلد عكس عيلته .. بدأوا الرجالة يدوروا معاه .. كل المحاولات بائت بالفشل.
كلنا بنعز الشيخ حسن .. ولو بملايين الدنيا .. محدش هيوافق مننا على أذية الشيخ حسن مهما كان .
إتأكدنا إن ماحدش من البلد خطڤها ولا ليه علاقة من قريب أو من بعيد بخطڤ البنت .. ولو لغرض سړقة أعضاء .. فا البنت عندها شهرين .. مش هيعملوا بيها حاجة .
بس لما سمر هديت شوية وبدأت تفتكر إللي حصل أخر مرة .. وصلت لإن في واحدة ست من ال ٣ إللي كانت بتصلي معاهم .. سابت الصلاة من نصها ومشيت فجأة .. لمحتها سمر وهي راكعه !! .
وكان النقاب بتاعها لونه مميز .. يوميا من وقت خطڤ البنت وسمر مش بتفارق الجامع على امل ان الست ترجع تاني .. كل ما كنا نحاول نرجعها كانت توافق وبعدها بيوم نلاقيها قاعدة هناك.
لحد اليوم اللي قلب كل الموازين .. لما صحيت سمر الصبح وراحت الجامع كعادتها .. بس دخلت جوة الجامع وفضلت تصلي وتدعي ربنا وهي بټعيط بين ايديه.
شوفتها وهي داخلة وراقبتها من بعيد.. ولما خلصت روحت لها 
_ ان شاء الله يا حبيبتي ربنا مش هيخسرك في بنتك .
ردت عليا وهي بټعيط وقالتلي 
_ بنتي وحشتني اوي يا أمل .. حاسه انها بټعيط دلوقتي وعايزاني .. لو حصلها حاجة انا ھموت نفسي .
ضميتها بين احضاني واقنعتها ترجع بيتها .. وده اللي حصل .. ولما رجعت سمعت الشيخ حسن بيتكلم في التليفون  
_ يعني هي كويسة .. بالله عليكي طمنيني عليها .. طب هي بټعيط كدا من امتى .. ازاي بس مقلقش يا فاطمة .. دي برضو بنتي !!! .
ولان الشيخ حسن كان متعود ان سمر بتغيب .. اتفاجيء بصوتها بعد ما سمعته 
_ انت يا حسن .. انت اللي خطفت بنتي .. ليييييه .. فهمني عملت كدا ليه .
اتوتر وسكت لدقايق وبعدها قال لسمر بصوت واطي 
_ سمعتهم يا سمر .. سمعتهم بيتكلموا علينا وقرروا انهم .. قرروا انهم يخطفوا البنت ويبعدوها عننا.
أتصدمت سمر وقالتله وسط دموعها  
_ انا عايزه بنتي .. مليش دعوة هاتلي بنتي دلوقتي .. مجاش في بالك انها رضيعة لسه .. ايه الجحود اللي في قلبك ده .
بدأ الشيخ حسن يكح ووقع على الارض وهو پيتألم وماسك بطنه.. قال لسمر وهو بيحتضر  
_ س ..سم .. أهلي .. أهلي حطولي سم في الشاي .. اس اسمعيني .. ال البنت عند .. عند فاطمة بنت عمي .. في ال.. في البلد اللي جنبنا .. خلي بالك منها .. خلي بالك منها ومن نفسك يا سمر .
وكانت الصدمة الكبيرة .. الشيخ حسن ماټ .. فضلت سمر تصرخ وقلبت الدنيا وطبعا كلنا اتلمينا على صوتها .. الحكومة فورا جت وقبضوا عليهم لحد ما يتأكدوا من كلام سمر .. وبعد تقرير الطب الشرعي اللي اكد انه بالفعل ماټ بسبب نوع من انواع السمۏم شديدة الخطۏرة .. اتقبض عليهم كلهم .. وراحت سمر وخدت بنتها في حضنها.
الغرض من حكاية سمر انك مش لواحدك اللي شايف حياتك صعبة ومش قادر تكملها .. في غيرنا كتير بيمروا بفترات صعبة جدا ومع ذلك بيكملوا .. لو حياتك ضاقت أتأكد ان فرجه قريب .
ولو ربنا خد منك حاجة .. دور جواك وحواليك .. هتلاقي نفسك متعوض بحاجات تانية مش عند حد .
بالنسبة لسمر هي لسه عايشة في بيت الشيخ حسن.. اللي خاف على بنته من اهله وقرر ان هو اللي يخطفها منهم علشان يحميها .. ولحد دلوقتي بترفض كل العرسان
اللي بيتقدمولها .. وكان قرار منها انها مش هتتجوز حد من بعد الشيخ حسن .
تمت .