اخويا

بقالى شهرين معرفش حاجه عن اخويا من ساعه ما سافر روسيا اول اسبوعين كانت الدنيا تمام و بعديها الاخبار اتقطعت انا فاكر كلامه قبل ما يسافر و هو بيقولى :

متقلقش عليا  يا ادهم هبقى كويس هى فتره صغيره و ارجعلك تانى انت عارف من ساعه ما اتخرجت و انا مش لاقى شغل ، بس الفرصه جاتلى لغايه عندى هقولها لا و بعدين مش هبقى لوحدى انا معايا زياد صاحبى هناك و ابقى اطمنك عليا كل فتره

ده اخر كلام اخويا قبل ما يسافر و المكالمات اللى كلمته خلال الاسبوعين دول عرفت عنوانه و عرفت كمان انو اتعرف على واحده اسمها كريستينا و حبها 

من ساعه ما ظهرت فى حياه اخويا و هو قطع خالص الاتصال مبقتش عارف اوصله ازاى تلفونه علطول مقفول و حتى زميله زياد اللى كان رايحله تلفونه مقفول ، طب انا هعمل ايه قاعد بفكر اعمل ايه

مفيش حل غير انى اروحله ايوه هروحله قعد شهر لغايه ما طلعت الباسبور و حاجتى كلها كنت عامل حسابى ان الجو هناك هيبقى ساقعه لان العنوان فى موسكو و ما بالك الجو هناك ، جيت فى يوم حضرت حاجتى و سافرت الصبح وصلت العنوان هناك

المكان عباره عن غابه و فى كام بيت بس كل بيت بعيد عن التانى استغربت ان اخويا ازاى كان عايش هنا 

دقات قلبى بتعلى كل ما بقرب من البيت كنت حاسس انى هشوف اخويا كنت بتمنى انى اشوفه

وصلت الباب و خبط على الباب بس مكانش فى حد بيرد خبط تانى باردو مفيش حد بيرد 
اتفاجئت ان الباب اصلا كان مفتوح ما ترددتش خطوه 
دخلت علطول البيت كان فظيع البيت عباره عن فوضى و ريحته وحشه فضلت انادى على اخويا

يا سييييف يا سييييف

مفيش رد قلبت البيت يمين شمال عشان الاقى حاجه تدل ان اخويا عايش هنا مفيييش

بس ثانيه لقيت حاجه مش غريبه عليا ايوه لقيت القميص بتاع اخويا القميص اللى كنا بنلبسه انا و هو 
قولت اكيد اخويا عايش هنا فضلت قاعد مستنى على امل ان اخويا يجى من برا مفيش و غير كده الجو كان صعب برا اوى قولت الف شويه فى البيت يمكن الاقى حاجه جديده

البيت كان ليه دور فوق ازاى مخدتش بالى من السلم قولت يمكن الاستعجال مخدتش بالى من السلم طلعت السلم بشويش الدور عباره عن اوضين

الاوضه الاولى كانت مقفوله و حاولت عشان افتحها مفيش اما الاوضه التانيه كانت مفتوحه

لما لمحت الاوضه من جوه دقات قلبى بتعلى و جسمى اټشل مبقاش بيتحرك عاوز اعرف مين اللى قاعد جوه فى الاوضه

اتحركت بشويش و بحركه بطيئه جدا فتحت الباب براحه كان قاعد وشه للحيطه بس ده مش اخويا 
اومال مين ده 
******* زياد يا ادهم *******

جسمى اتنفض قلبى وقع من مكانه لما قالى الكلمه دى  ازاى سمع افكارى انا مكنتش بتكلم بلسانى و ازاى عرفنى من غير ما يشوفنى و وانا معرفش صاحب اخويا اصلا  ازاى عرف اسمى و عرفنى انا شخصيا

* انت زياد صاحب سيف اخويا مش كده

- ايوه

* طيب اخويا فين و بتعمل ايه هنا

* احسلك متسألش على اخوك تانى و متسألش كمان انا بعمل اي هنا

- طيب ممكن تشرحلى و ليه بتكلمنى و باصص للحيطه

* متسألش على حاجه متخصكش يا ادهم

- انا مش عاوز حاجه غير انى اعرف اخويا فين 
* اخوك ما ساعه ما اتعرف على الملعونه اللى اسمها كريستينا مبقاش سيف اللى اعرفه

- ليه ايه اللى حصل

* اخوك هاجمنى بمجرد انى قولتله يسيبها

- و مين كريستينا دى

* دى واحده مش عارف ظهرت لاخوك امتى

- دى جنسيتها ايه

* ملهاش جنسيه دى سحرت اخوك بجمالها و بقت بتعزمه على اكل و مشاريب كل يوم لغايه ما اخدته مكان مرجعش تانى

* و عباره عن ايه المكان ده

- ده مكان اللى بيدخل منه مبيرجعش مكان اسمه 888

* لدرجاتى

- ايوه للدرجاتى يا ادهم لو جاى عشان اخوك فا انا بقولك بلاش و ارجع بلدك تانى و انسى اخوك

* مش معقوله امشى و اسيب اخويا و بعدين انت ليه لغايه دلوقتى بتكلمنى و وشك للحيطه

- بلاش يا ادهم و ارجع بلدك

قربت منه عشان اشوفه لقيت الصدمه اړتعبت جسمى اټشل اكتر ما هو مشلۏل كان منظزه ميتوصفش 
عنيه مش موجوه سنانه باردو مش موجوده 
غرقان فى دمه و جلد وشه بيقع

- قولتلك بلاش دى الملعونه اللى عملت فيا كده

* ازاى عملت فيك كده ازاااى ازاااى

- اصلها من عباده الشيطان و طالما انت دخلت البيت ده دورك هيجى و هيحصلك زى ما حصلى

* ازااى انت هنا من امتى

- بقالى يومين و جيت عشان ادور على اخوك على امل انى اشوفه فى البيت ملقتهوش بس اغمى عليا لما لقيت كائن برا و صحيت لقيت نفسى ادام اخوك و كرستينا قفلو عليا الاوضه عشان رفض امشى من غير اخوك لغايه ما انت جيت لقيت الباب اتفتح لوحده بعد فوات الاوان

* اوصله ازااى يا زياد يا زياااااد زياااااااااد

زياد فارق الحياه و سابنى فى دوامه ملهاش اخر حسيت ان الدنيا بتلف بيا وانا فى الاوضه
نزلت تحت عاوز اطلع اشوف اخويا مبقتش عارف اروح فين ولا اجى منين الجو بره صعب اوى

طلعت برا مش هاممنى الجو اللى يهمنى اخويا 
وانا ماشى فى طريقى مش قادر حتى امشى 
التلج كان مغطى كل حاجه بس لمحت حاجه جايه حاجه مكانتش باينه اوى بسبب عاصفه التلج دى

حاجه غريبه كائن غريب بفرو ابيض ليه اسنان طويله حاده دراعاته طويله كان شبه هيكل عظمى 
قرب عليا مقدرتش استحمل من المنظر اغمى عليا 
مش عارف انا نمت اد ايه بس صحيت على صوت جمبى صوت غريب عليا صوت وحده ست

لقيت نفسى فى نفس الاوضه اللى ماټ فيها زياد 
و لقيت بنت قاعده ادامى مبتسمه بابتسامه ابليس 
كانت مرعبه بنسبالى قولتلها :

* انتى كريستينا

مردتش عليا بس لقيت حد وراها رد عليا و قالى :

- ايوه هى كرستينا

اټصدمت من اللى انا شوفته ايوه هو سيف اخويا

* سيف انا كنت بدور عليك انت فين

لقيته شدنى بعيد عنى و قالى :

* مش زياد قالك انسى اخوك و ارجع بلدك 
- ازاى امشى و اسيبك هنا يا سيف انت اخويا

* معدش ليك خوات يا ادهم و امشى من هنا بدل ما اندمك انك جيت هنا

- لا مش همشى يا سيف من غيرك احنا ملناش غير بعض

لقيت البنت دى بتضحك ضحك هستيرى و قامت من مكانها و اخويا كان ماشى وراها اكنها مسيطره عليه كنت عاوز اتحرك بس جسمى مبيتحركش جسمى مشلۏل عاوز اندهى لسانى مبيتكلمش

لغايه ما قفلو الباب ووحسيت بحاجه غريبه ايه ده ؟؟؟

ډم بتنزل من عينى و ډم بيطلع من بوقى و سنتى وقعت ايه ده ايه ده 
بس لقيت حاجه بتتحرك جمبى مكنتش متخيل الموقف قلبى خلاص مبقاش يستحمل لقيت چثه زياد بتتحرك و بتضحك ضحك هستيرى و بصلى و قالى :

        ********  اهلا بك فى عالمنا *********

قصتى انتهت واتمنى تكون عجبتكم ❤