عوالم من عالم اخر
ايدك .
ووسط كل دا سامع أصوات أطفال بيضحكوا .. وصدى صوت لأصوات تانية مش مفهومة .. الأصوات عامله زاي الهمهمات .. بس المرعب إن مصدر الأصوات دي جاي من تحت البحر !! .
كنت في موقف لا أحسد عليه .. قعدت في ركن المركب وأنا ضامم رجلي بإيدي ومتكوم في نفسي ومستني أي حاجة تحصلي وأنا كل جزء من جسمي بيترعش.
فضلت أبص حواليا مش لاقي مصدر لأصوات الضحك دا وانا حاطط أيدي على وداني وعمال اقول اسكتوا.
أشكالهم مرعبة ومقبضة جدا .. أجسام قصيرة ملامحهم مطموسة مش واضحة .. بس إللي واضح .. عيونهم المضيئة وصوت همساتهم !!!!! .
أصواتهم مرعبة .. لواهله حسيت أنهم ماسكين فى المركب اللي عليه وبيهزوه وعايزين يوقعوني في البحر ... وأنا بعافر علشان أفضل على المركب لحد ما وقعت بوشي فى البحر ومسكت فى المركب برجلى .
عشاير كاملة من الجن بأشكال مختلفة .. منهم إللي بيعوم وإللي بيمشي وإللي بيزحف .
عيني كانت هتقع من مكانها لما الكل حس بوجودي و بدون أستثناء ألتفتولى وبدأوا ييجوا عليا كلهم بسرعة شديدة.. وقبل ما يمسكوني .. لقيتني بتشد وبرجع للمركب .
حسيت أن المركب بيطير بيا .. المركب أترفع بيا .. . و ف أقل من ثانية أتقلب ووقعت في البحر !! .
بعدها ماحستش بأي حاجة تاني.. فتحت عيني بكل هدوء لقيت ناس كتير واقفين حواليا وأنا راقد على الأرض وحاسس أن جسمي كله مكسور ومتدغدغ .
لقيت الدموع في عنيه وسمعته بيقولي
مش قولتلك يا أبني بلاش ماسمعتش كلامى ليه .. عرفت ليه كنت بضړبك لما بتجيبلي سيرة المكان دا.
وبدأ أبويا يحكيلي حكاية طويلة .. حكاية وأصل المكان المسکون دا .
