الجن
أي حاجة من كلامهم.
لغة مش عربية بس واضح من كلام الاتنين دول انهم غضبانين اما الشاب اللي كان واقف قدامهم بإنحناء وهو ماسك ايدي كان صوته بيدل انه بيترجاهم .
فجأة قاموا وقفوا ولقيت حركة ورايا لما بصيت لقيت اللي موجودين كلهم وقفوا بثبات بدون أي حركة في الوقت ده حسيت اني هيغمى عليا الدنيا فضلت تلف بيا والحر حواليا زاد ومبقتش قادرة اتنفس وكانت لحظات والدنيا إسودت في وشي بس كنت سامعة صوت الشاب بينادي عليا منة .. منة .
امي دخلت الاوضة وقالتلي وهي بتزغرط
_ بت يا منة جومي يا بت .. كل ده نوم .
قولتلها وانا بتاوب
_ ايه يا اما بتزغرطي ليه خير ان شاء الله .
شدت الغطا من عليا وقالتلي وهي بتسحبني من ايدي بسعادة
أتصدمت لأني مكنتش عايزة أتجوز محروس اكبر مني ب٢٠ سنة بس هي دي سلو بلدنا البت تتجوز في سن صغير وميحقلهاش انها ترفض ولا تمانع كلام ابوها بيمشي عليها.
جريت على الحمام زي عادتي لما بكون عايزه أعيط ومحدش يشوفني .
في الاسبوع ده الشاب كان واحشني جدا لأنه من بعد اليوم اياه مبقاش بيجيلي في الحلم كنت مهمومة لأنه عودني اني اشوفه وأمسك ايده وأسمع كلامه وأسرح في عيونه بصراحة حبيته.
بس كنت غلطانة لأنه جالي وشوفته بس مش في الحلم في الحقيقة ظهرلي يوم ډخلتي وقتها لما طلعنا الشقة جريت على الحمام لاني كنت خاېفه من محروس وكأنه وحش هيموتني وفضلت اعيط وكنت سامعه صوت محروس بيضحك وبيقولي
حسيت بإيده وقتها وانا في الحمام بتطبطب عليا وصوته بيقول
_ منة .. مټخافيش .. انا مش هسيبك .
الصوت كان جاي من المرايا اللي في الحمام قومت وبصيت لقيته شوفته واقف بين جبلين ومتسلسل من ايده ورجله وبدأ يقولي
_ أبويا وأمي رفضوا اني اتجوز منك ونفوني هنا .. بس صدقيني انا ههرب من هنا وهجيلك علشان نتجوز .. وساعتها هنهرب انا وانتي ومحدش هيعرف عننا حاجة .
كنت بصالة وانا ساكته خاېفه جدا لانه ببساطة مكنش بالشكل
