عايشين معايا العفاريت
عايشين معايا.. ايه حكاية الجن والعفاريت في حياة إيمي طلعت زكريا؟
كشفت الفنانة إيمي طلعت زكريا، عن معاناتها من الحسد والجن العاشق ووقف مشاريعها الفنية ومشاريع الارتباط والزواج، واستعانتها بالعديد من المشايخ وصولًا إلى أمين الفتوى بالأزهر الشريف.
وقالت إيمي طلعت زكريا، في تصريحات تليفزيونية: أنا كنت فاكرة إن فيا حاجة وتعطيل في حاجات كتير، وأنا مؤمنة جدًا بإن العفاريت أحياء عايشين معانا، وأول لما بابا ټوفي كنت دايما أسمعه بينادي عليا، وفي ليلة كنت راجعة من المسرح الساعة 1 بالليل، وكنت ماشية على الدائري في منطقة مظلمة، لقيت واحدة منكوشة بتشاور وخفت وجريت ولما بصيت ورايا ملقتش حد وسألت شيوخ وبعضهم قال في مس أو سحر أو عمل بوقف الحال.
حكاية الجن والعفاريت في حياة إيمي طلعت زكريا
قال إيمي طلعت زكريا: أنا طول عمري زي باقي البنات بحب أقف قدام المرأة وأرقص، ومن وأنا صغيرة وعمري خمسة عشر سنة كنت كتير أحلم إن في حد معايا كأني متجوزة، وأحس بيها وأنا نايمة من غير ما أشوف حد، لغاية ما سألت أمين الفتوى في الأزهر الشريف ونصحني إني مركزش في أي حاجة، وفي ناس قالتلي ألبس أبيض وأنا نايمة أو أولع شمعة وأصحى تاني يوم ملاقيش ليها أثر.
آخر أعمال إيمي طلعت زكريا
تعتبر مسرحية الصندوق الأحمر، هي آخر أعمال الفنانة إيمي طلعت زكريا، والتي عرضت في موسم الرياض، من إخراج طارق الإبياري، ويشارك في بطولتها إلى جانب النجمة ليلى علوي، كل من: بيومي فؤاد، رنا رئيس، نور إيهاب، سليمان عيد، ميمي جمال.
