فلك
بحرقه قلبي علي اخويا .. فسبلي حته منه عشان افتكره .. سموها عنيات ياختي انا هاخدها معايا علي ما تصريح الډفن يطلع ..
مامتها سبحان الله فتحت عينيها وبصتلها وسمتها قبل ما تتوفي يا فندم .. فلك .. بس لازم تفضل في الحضانة شوية نطمن وبعدين خديها
_ ايه الٲسم الملغبط دا ..ماشي ياختي ..دخليها الحضانة
روحت انصاف بيتها بعد يوم ومعاها .. فلك بنت اخوها الي نجيت من المۏت بمعجزة ... دخلت وقفلت الباب وعلي وشها ابتسامة واسعة .. جري عليها طفلين صغيرين اكبرهم بص لمامته بأستغراب وفضول
اخته الأصغر فضلت تفتش في الشنط بعدم اهتمام
قوليلي يا ماما جبتيلي ايه معاكي ..
الطفل بص لامه بترجي
ماما ممكن اشيلها شوية عايز اشوفها
يوووه .. متخوطنيش .. ابوكوا فين يا اسماعيل ..
اتكلم جوزها وهو خارج من الاوضة
رجعتي يا انصاف ها حصل ايه
جات منهم وماتوا في حاډثة هما وابنهم .. وخلصنا وبيت ابويا هناخده براحتنا ونبيعه ونقب علي وش الدنيا .. يا اسماعيل ..
في داهي.. ولا ميجوزش عليه الا الرحمه برضو .. من بكره نروح نخلص الٲجرأءت
اه يا اخويا .. وافتح انت مشروعك علي راحتك .. بس الٲرنبة مراته رغم الحاډثة فضلت بسبع ارواح لحد ما ولدت المزغوطة دي ..
بص اسماعيل جوزها .. علي فلك الطفله الي ابنهم شالها من امه .. وواخدها في حضنه وبيلعبها ..
بس دي لازملها مصاريف وتربية ولبن وهم ما يتلم .. انا هاخدها احطها في اي دار ايتام هو احنا ناقصينها ! مش ملزومين نخليها هنا ..
_ هتحتاجيها يا انصاف اسمعي مني .. خليها تترزع هنا مع عيالنا .. احنا معندناش قلب يعني عشان نرمي لحمنا هنبقي نتصرف بعدين .. مش يمكن يطلعلها ورث هي كمان من امها! نسيتي انها كانت علي قلبها
فلوس متلتة قد كدا ..
هزت انصاف راسها لجوزها .. وهي لسة مش مقتنعه اوي .. وراحت ناحية ابنها الي لسه شايلها وبيلعب معاها ..
هاتها يا فارس .. انت شايلها ليه دي لسة صغيرة ممكن تقع منك ..
ابتسم فارس ببرائه
لٲ يا ماما سيبيها معايا نامت وانا شايلها شوفتي عنيها لونهم حلو اوي دي ضحكتلي مرتين
!
طيب خلاص هات اخمدها جوا .. بلاش مناهدة .. اما تصحي تبقي العب معاها ..
عدت ايام وفلك عايشة عند عمتها
