عرايس هند بقلم ياسر عودة الجزء الاول 

حاجه بتحصل انا مش فاهمها ورجعت لبيتى علشان اخلى هند تجهز علشان المدرسه وبصيت لقتها نازله من على السلم فرحانه وجاهزه كمان كانت فرحتها زياده عن اللزوم بس مقدرتش اسألها هى كانت بتشاور لمين فى جنينه الاستاذ جميل مهو دا مش سؤال منطقى اصلا وراحت هند على مدرستها وسابتنى انا افكر فى اللى شفته بعنيا . الغريب ان المفاجآت النهارده مش عوزه تخلص لما هند رجعت من المدرسه لقتها بتحكيلى على حاجه قلقتنى اكتر كانت فرحانه وبتقولى انها لما راحت المدرسه لقت شكل زميلتها جنى غريب اوى وده علشان لقتها جيه المدرسه وشعرها مقصوص بطريقه وحشه اوى ومخلى شكلها يضحك ولما قالتلى الكلام ده افتكرت الكلام اللى هند كانت بتقوله ليله امبارح للعرايس بتوعها هى اشتكت من حجتين الاولى الكلب اللى بيخوفها واتمنت انه يختفى او ېموت وتانى حاجه من زميلتها اللى بتغظها بشعرها واتمنت ان شعرها يبوظ اكيد كل اللى بيحصل ده مش صدفه اصل مش طبيعى الصدفه تحصل فى نفس اليوم وبمجرد ان هند تتمنى حاجه تحصل بالسرعه دى لا اكيد فى حاجه مش طبيعيه فى الموضوع بس ايه هيا معرفش والاكيد ان خوفى على بنتى زاد اكتر .
لا تنسى ذكر الله .
اترككم فى رعايه الله .