الحقيقة الكاملة وراء ۏفاة اللاعب أحمد رفعت
قصة احمد رفعت كاملة بناء على المصادر المتاحة
محمد عصام لاعب المقاولين سابقا وواحد من المقربين من رفعت قال إن سبب ۏفاة رفعت كانت بسبب ضغط مسؤولي طلائع الجيش عليه بسبب حوارات التجنيد وانهم حبسوه ومارسوا عليه ضغط نفسي وصله للحالة اللي هو فيها وده كلام على مسؤوليته هو الله اعلم بصحته.
حسب تقارير صحفية لقيت إن رفعت من سنتين كان محترف في الوحدة الإماراتي وجاله عرض من الأهلي ووقتها كان خاېف يرجع مصر عشان حوار التجنيد اللي حصل مع مصطفى فتحي لما رجع مصر ومعرفش يرجع السعودية مع التعاون وتم إجباره على التجنيد فترة ومكملش مع التعاون وراح بيراميدز وبعد كده حوار الأهلي باظ حسب كلام رفعت مع فايق بسبب مشاكل قانوية غالبا إنه مينفعش يلعب في 3 أندية في موسم واحد.
حسب كلام هيثم علام واكثر من مصدر مختلف إن أحمد دياب لما كان رئيس شركة فيوتشر المالكة للنادي وعد رفعت يحل مشكلته مع نادي طلائع الجيش لما رجع مصر وخلى بيه بعدها واللاعب سافر مع فيوتشر لمباراة إفريقية على ضمانة دياب لكنه اتحبس ٦ شهور پتهمة التهرب من الجيش وتم الضغط عليه يروح طلائع الجيش بعدها ورفض وراح مكانه عمر السعيد وده بياكده الصور اللي نشرها رفعت له داخل ستاد طلائع الجيش على الانستجرام في 29 ديسمبر
يقال إن بعدها رفعت طلب فلوسه عن الفترة اللي راحت عليه واتحبس فيها دي لكن دياب هدده وضغط عليه اكثر ميحكيش حاجة عشان مينفذش وعوده وعموما حوار التجنيد ده مش جديد مش بس حوارات مصطفى فتحي وعمرو جمال اللي بوظت عليهم احتراف بره مصر لكن كمان حصلت مع ميدو جابر اللي اختفى من معسكر سيراميكا ومحدش كان عارف هو فين وفي النهاية ظهر بيلعب مع طلائع الجيش.
اتمنى حق رفعت يرجع وأيا كان مين المتسبب في كسرته نفسيا يتحاسب ولو بالابتعاد عن المشهد الرياضي تماما بعد كده ❤️👌🏻
