أميرة

بنت اسمها أميرة من الشرقية، طبعاً ده مش اسمها الحقيقي، عمرها ٢١ سنة.. تانية طب قسم جراحة.
اميرة من النوع الفضولي اللي بيحب قصص وافلام الړعب جداً ومن صغرها وهي بتدور وتبحث عن الكتب الخاصة بالسحر، وعن العالم الأخر.
لما كان عندها ٤ سنين، سمعت اول حكاية من جدتها عن الجن والحكاية دي كانت بتتكلم عن جنية عاشقة لجدها..
الجنية دي كانت بتحقق له كل امنية هو بيعوزها، و كانت بتجيبله فلوس وغيره كتير.
أميرة شافت في كلام جدتها اثارة كبيرة ومتعة غريبة في ازاي ممكن الجن يحقق كل ده، وفوق ده كله.. جدتها حكت لها انها بتملك الكتاب اللي جد اميرة كان بيقرأ فيه، الموضوع كبر في دماغها ولما كبرت وبقي عندها ١٩ سنة، جدتها توفت ويوم الچنازة بالليل، دخلت اميرة اوضة جدتها وف دماغها حاجة واحدة بس، عشان كده فتحت دولابها ولقت كتاب مكتوب عليه من بره (السحر الأحمر لتحضير المردة)

اسم الكتاب حقيقي موجود منه نسختين بس نسخة موجودة في دولة عربية والتانية مجهولة محدش يعرف مكانها، طبعا مكنش الكتاب كامل دي كانت نسخة مصغرة، واخدت اميرة الكتاب وخبيته و انشغلت في العزا، ونسيت الكتاب خالص لحد ما اتوزع الميراث وكل واحد اخد حقه، واميرة جدت الكتاب معاها، وبعد كام يوم عزلت واهلها في بيتهم الجديد، كانت في فترة الإجازة اللي ما بين تالتة ثانوي والكلية، وكان مجموعها عالي ودخلت طب، المهم وهي بتوضب اوضتها الجديدة، طلعت الكتاب، قرأت عنوانه وفتحته وفي اول صفحة كان مكتوب اهداء الى الذي ابداع ف خلق السموات والارض وكلام كتير مش فاكراه، المهم انها مكملتش للأخر وطبعا في النهاية كان في تحذير وبسبب انها مكملتش مقرأتش التحذير.
بدأت تقرأ أول صفحة كانت بتحكي في معلومات عن العالم الاخر والقرين والفرق بين الجن والمردة وكلام كتير، قلبت شوية لحد ما وصلت ل صفحة طريقة تحضير خادم من الجن افتكرت كلام جدتها عن الجنية وقررت انها تنفذ كده عشان يكون عندها خادم زي جدها.
المهم قرأت المطلوب ومن ضمن التنفيذ انه البيت يكون خالي مفيش اي قرأن او صورة فيها قرأن متعلقة، او مصحف يكون متجمعين ومقفولين في مكان تكون ليلة القمر فيه منتصف لا هو مختفي ولا هو بدر.
وقبل ما تبدأ التحضير ميكونش الشمس ظاهرة،  استنت لبعد المغرب وبدأت تنفذ المطلوب فيه ومن ضمنهم يتجاب مرايا كبيرة بحجم الجسم، يتولع ٣ شمعات وټجرح نفسها وتقرأ الطلاسم وبعدها تطبع پالدم على اخر نقطة في الكتاب وتطبع في المرايا وتقرأ بصوت عالي وهي بلبسها كامل.
عملت كل ده بس كان فيه تفصيلة صغيرة قلبت كل الموازين، وعاشت أميرة بعدها ف چحيم مرعب، انها مكنتش طاهرة.. فا للاسف كل ده اتقلب من تحضير وتسخير لعشق وتلبس!.
طبعاً محصلش اي حاجة وقتها غير ان الشمع طفى، هي فكرت الشمع طفى من تيار الهوا ولمت كل حاجة وكأن معملتش ولا بدأت حاجة، طبعاً مكنتش تعرف أي حاجة من اللي حصل.