الفرار من الخطيئة
انت في الصفحة 1 من صفحتين
بعد اللي ابويا طلبوا مني ده اخذته على قد عقله وافقت ورجعت على بيت جوزي بس اول ما الفجر اذن كنت محضره هدومي واخذت شنطتي وطلعت على اقرب محطه وحجزت تذكره على اول قطر هيطلع وكان اسكندريه ركبت وانا بحمد ربنا اني خلصت منهم
وبعد عده ساعات وصلت اسكندريه
شهد
طب انا هروح فين دلوقتي انا ما اعرفش حد في البلد دي وما ليش مكان اروحه وما اعرفش حد هنا يجيب لي شقه
فضلت شهد ماشيه في الشارع وكانت الناس لسه قافله قربت من حاره شعبيه وكان في قهوه فاتحه دخلت فيها وقالت
السلام عليكم
عليكم السلام يا ابله في حاجه
شهد
لو سمحت كنت بسال ما فيش اي اوضه او شقه صغيره فاضيه في الحاره دي
شهد
لا انا من القاهره بس يعني جيت هنا لظروف معينه وبدور على شقه او اوضه بس يبقى سعرها حنين كده
معاكي حسام يا ابله في اوضه كده فوق السطوح لو تحبي تشوفيها هي تبع العماره بتاعتي
شهد
ما فيش مشكله اشوفها
حسام
طب اتفضلي معايا يا ابله استني بس اكلم اختي عشان تطلع معانا فوق
شهد
ماشي
حسام كلم اخته تنزل تقابلهم تحت علشان ما حدش يتكلم عليهم وبعدين اخذها على العماره بتاعته وكانت اخته واقفه
اميره
اهلا يا حبيبتي
شهد
اهلا بيكي
حسام
اتفضلي معانا يا ابله علشان اوريكي الاوضه
شهد طلعت معاهم للسطوح وشافت الاوضه وكانت معقوله
ودي ايجارها قد ايه كل شهر
حسام
250 جنيه في الشهر
شهد
تمام وانا موافقه
وطلعت ال 250 جنيه وقالت
دلوقتي نقدر نكتب العقد
حسام
هنزل اشتري عقد وهاجي بعد اذنكم
نزل حسام بسرعه عشان يشتري العقد واميره قالت بابتسامه
اتمنى القعده هنا تعجبك
شهد بتعب
مكان كويس الحمد لله وانتم ناس شكلكم كويسين وطيبين
اميره
اه والله ده انا يا بنتي قاعده في البيت ليل النهار ما بعملش حاجه اصل مرات اخويا طول الوقت قاعده في شقتها وما بتحبش تختلط بيا لو تحبي يعني تبقي تنزلي تقعدي معايا تحت او انا اطلع لك هنا ندردش سوا يعني
شهد
وماله ما فيش مشكله تنوريني في اي وقت
الف مبروك يا مدام
شهد
الله يبارك في حضرتك اتفضل ده اول شهر
حسام
خلي علينا الشهر ده يا مدام
شهد
شكرا ربنا يخليك
حسام اخذ منها الفلوس وقال اميره
يلا يا اميره بعد اذنك يا مدام
اميره
مع السلامه يا اموره
نزلت اميره وحسام اما شهد بدات تنظف في الاوضه اللي كانت كلها تراب
في القاهره
سيد جوز شهد راح على بيت عسران والدها وخبط پعنف
عسران
في ايه بتخبط كده ليه يا سيد القيامه هتقوم
سيد بعصبيه
بنتك يا بيه بنتك ازاي تسيبي البيت وتمشي من غير اذني هي فين ناديها لي
عسران
انا اديها لك ازاي هي عندك اصلا ما جتليش هنا
سيد عصبيه
يعني هي مش عندك يعني هربت
عسران
لا لا شهد ما تعملش كده يمكن راحت عند واحده من صحابها
سيد بعصبيه
صحابها ايه دي لما تكون هدومها ومشيت فاهم يعني
