حماتي... الجزء الثاني والاخير...

٢ والأخير
للمرة الاولى اتاكدت فيها انها شايفاني بعد ماكنت فاكر ان محدش فيهم شايفني .. لكن اتضحلي ان العكس وانهم الاتنين شايفيني ومش هما بس لأ والغربان اللي بدأوا يبصولي!! .
اللي حصل ان وش امي بدا يتغير لوشها هي بنفس الضحكة الشيطانية قالت 
_ غلبان يا ياسر انت هنا جوة العالم الخاص بتاعي جوة الچحيم بعينه هتفضل تسأل نفسك انت جيت هنا ازاي وبتعمل هنا ايه لكن مش هتلاقي اجابة لاني عايزه ده لاني ناوية هجننك يا ياسر هجننك .

وبدأت تضحك وصوتها يعلى بالتدريج .
حسيت ان الدنيا بتلف بيا ودماغي تقيلة فضلت اقول وانا بعيط 
_ أنا أسف انا خلاص توبت عن اللي كنت بعمله سامحيني ارجوكي سامحيني .
ردت عليا بعد ما سكتت بعد ماكانت بتضحك 
_ كنت سبب اني أقتل ولادي بإيدي وأعيش عمري كله في مستشفى المجانين انت شايف ان كلمة اسف هتكون كفاية هترجعلي ولادي اللي قټلتهم بعد اللي عملته معايا انت وأمك .. وزي ماقولتلك الدور على مراتك وولادك .
بدون مقدمات لقيت الغربان بيهجموا عليا .. فضلت احاول ابعدهم عني .. وانا پصرخ .
في الوقت ده بدأت أسرح في صوت كان جايلي طوق نجاة صوت قران وصوت بيطالبني اني أثبت .
لقيتهم بيبعدوا عني ومبقاش حد موجود غيري في المقاپر بدأ المكان يتغير بيا ولقيتني واقف في مكان واسع اوي وضلمة سامع صوت اللي اسمها نوال بتهددني وصوت القران بيبعد صوتها عني .
بيتغير بيا المكان لبيتنا القديم بيت العيلة البيت اللي بدأت منه شرارة الأحداث بيتغير بيا المكان وانا سامع القران حواليا والمرادي لقيتني تحت في بدروم البيت البدروم اللي كنا بنستخدمه كمكان خفي لكل اعمال الكفر والشړ اللي كنا بنعمله انا وامي وكان ده بالنسبالنا مصدر الرزق بتاعنا زمان .
بيتغير بيا المكان ودلوقتي واقف في ساحة طويلة وشايف ناس كتير بيحاولوا يقربوا عليا انا عارفهم كلهم أيوة دول كل اللي اذيناهم من وقت ما أبتدينا .
فتحت عيني أخيرا لقيت شيخ عبدالرازق ابو مسعد صحبي كنت متكتف