لارين و عز

جواها انها توافق علشانها رغم انها عارفه ان عز مش راضي بيها بس علي الاقل علشان تعيش معاها منغير ما حد يتكلم عليها
لارين بدموع وابتسامه حزينه.
_انا موافقه علشانك يا مرات عمي لان انا بحبك اوي وعايزه اعيش معاكي علشان انتي الي عوضتيني عن مۏت بابا وماما. 
فاديه ب فرحه وهيا بتطبطب عليها
الف مبروك يا حببتي ايوه كدا يا مرات ابني يا قمر. 
وبعد اسبوعين في شقه عز كان المأذون قاعد وقدامه عز وجوز خاله لارين لانه كان وكيلها وكانو بيكتبو الكتاب ولارين كانت قاعده متوتره جدا وحاسه ان الكل بيبصلها وبيتكلم عليها فضلت كدا لحد ما انتبهت للماذون وهو بيقول بارك الله لكما وبارك عليكما وجمع بينكم في خير وعلي خير زغرطت فاديه ب فرحه

الف مبروك يا مرات ابني الف مبروك. 
_الله يبارك فيكي يا مرات عمي. 
لا مرات عمي اي بقي بعد كدا تناديني ب ماما سمعتي. 
حركت لارين راسها ب خجل واتفجأت ب عز بيقرب منها ف قامت بتوتر ولقيته وقف قدامها رفعت عينيها وبصت ف عيونه وقلبها كان بيدق وقتها عز كان مركز ف عيونها جامد وملامحه باهته مش باين ولا عارفه لارين تقري عيونه وتعرف هو شعوره ايه بظبط غمضت لارين عيونها لما قرب منها عز اكتر
_مبارك عليا انتي . 
لارين وقتها توقعت انه بيقول كدا بس علشان الناس وعلشان بس ما يقولوش انه متجوزها ڠصب عنه وحاولت لارين تمسك دموعها
_الله يبارك فيك يا عز. 
الجيران مشيو ومفضلش غير عز ولارين وخالتها قمر وبنتها جهاد وبتبص للارين ب حقد لانها كانت عينيها من عز وكانت مستكتراه عليها
قمر بسخريه
ابقي اسمعي كلام جوزك وحماتك بقي يا لارين ومتنسيش جميلهم دا وانهم بردو رضيو بيكي علشان يحافظو عليكي من كلام الناس. 
لارين عيونها دمعت وبصت لخالتها ب قهر ووقتها انتبهت لصوت عز واتفجأت بيه وهو بيقعد جنبها
عز بثقه 
_ومين قالك كدا يا طنط لارين دي دعوتي من سنين وبعدين هيا مش بالسن خالص وطلاما انا راضي وهيا عجباني يبقي مش مهم راي اي حد. 
خالتها بضحكه سخرية
والله طيب ربنا يهدي سركم يا حبيبي نستأذن احنا بقي يلا يا جهاد. 
فاديه ببرود
كان بودي والله اقولكو اتعشوا معانا بس علي رأي المثل العروسه للعريس والجري للمتعايس. 
جهاد بضيق
مع السلامة يا عز سلام يا أبله لارين. 
لارين بحزن
_مع السلامه يا جهاد
فرق السنين 
االبارت التاني