قصة بقلم عمرو راشد
نفس الوقت بتفكر هتعمل ايه بعد كدا انت ضعيف يا صلاح
وانا مبقتش باقي على حاجة انت ضيعتني ولو في الف فرصة عشان اقټلك ھقتلك يا أمجد
كان نفسي اصدقك بس للاسف مش عارف نصيحتي انك تقعد في بيتك وترتاح كويس وتشكر مراتك انها راضية تعيش معاك بعد اللي حصل فيك أي حركة زيادة منك بعد كدا مش هرحمك يا صلاح
سيبته و ركبت العربية ومشيت اتجهت على بيت نورا لاني بقالي كتير سايبها لوحدها وصلت هناك وغيرت هدومي في مدخل العمارة و طلعت الشقة وفتحت الباب بس الغريبة اني المرادي لما فتحت لقيتها قاعدة على كرسي قدام الباب و كأنها مستنياني دخلت و ابتسمت وقولتلها
وعليكم السلام ورحمه الله وبركاته
السلام مكنش زي كل مرة الابتسامة مش موجودة على وشها كأنها مخبية حاجة عني روحت و قعدت جنبها
مالك يا نورا
انت اللي مالك يا أمجد
انا الحمدلله كويس مفيش فيا حاجة
اتمنى دا بس اللي انا شوفته ميقولش انك كويس
وهو ايه اللي أنتي شوفتيه
انا حلمت بيك حلمت انك واقف وحواليك ناس كتير وكلهم بيحاربوك ناس على وشها الكره والشړ كانو كتير وانت لوحدك بس الحلم دا عمري ما كملته حلمته أكتر من مرة وكل مرة بصحى قبل ما افهم الناس دي بتعمل كدا ليه
الأعداء مش بالشكل اللي انا شوفته يا أمجد الناس دي بتكرهك الكره بتاعهم مش طبيعي كأنك اذيتهم
كل
دي أحلام ملهاش تفسير بعد كدا لما تحلمي بحاجة زي كدا قومي واستغفري ربنا و استعيذي بالله واشربي مية ونامي على جنبك اليمين
انت مين يا أمجد
يعني ايه انا مين أنا أمجد جوزك
هكون مخبي ايه يعني يا نورا
نفسي اعرف
مفيش حاجة مخبيها عليكي متوهميش نفسك
تقدر تقولي كنت فين الفترة اللي فاتت دي كلها
كنت تايه وسارح في ملكوت الله لحد ما يهديني
انت بتخرج بالأيام ومبترجعش غير بعد فترة بتجيلي يوم واحد في الأسبوع وباقي الايام معرفش انت فين لو حصلي حاجة مش هعرف اكلمك ولا هتعرف تلحقني هو الدين بيقولك كدا يا أمجد بيقولك تسيب بيتك وتهجر مراتك انهي دين اللي يخليك تسيب بيتك يا أمجد
لو عندك رد قوله وأنا سامعاك قولي اي حاجة بس افهم انت مين
صدقيني لو فهمتي مش هترتاحي يا نورا الحقيقة عمرها ما بتريح
على الاقل ابقا فهمت مش عايشة بالشكل دا وكأني لوحدي في الدنيا
انتي مش لوحدك يا نورا ولا عمرك كنتي لوحدك انا بغيب عنك اه بس انا دايما حواليكي انا جنبك في كل وقت وفي كل لحظة
ايه اللي يريحك وأنا هعمله
يإما تفهمني أو تطلقني يا أمجد
اطلقك!!
انا مش هقدر اعيش معاك كدا صدقني
محتاجة تراجعي نفسك قرارك دا هيخسرك حاجات كتير أوي
المهم عندي اكسب نفسي يا أمجد انا عايزة ارتاح
لو الحقيقة فيها راحتك هقولها بس هي مش هتريحك يا نورا
يبقا تطلقني يا أمجد
كلامك مش سهل يتنفذ
بالعكس دا سهل جدا كل واحد فينا يروح لحاله
المرة الجاية يإما تيجي وتفهمني او تبقا جاي ومعاك المأذون
بقلم عمرو راشد
الأمور اللي مبيكونش معمول حسابها دي بتكون تقيلة وصعب انك تاخد قرار فيها لانك ساعتها هتكون متلخبط حتى لو الحل قدامك في الوقت دا كنت رايح على بيت ناهد وصلت هناك وفتحت الباب ودخلت لقيتها قاعدة وبتتفرج على التليفزيون قربت منها وقعدت جنبها
شكلك مضايق فيك ايه
نورا عايزة تتطلق
ليه هي اټجننت ولا ايه
باين أنها شافت او عرفت حاجة
لو كانت عرفت حاجة اكيد مش هتسكت بس السؤال هنا هي عرفت منين
اللي زي نورا مينفعش اسألها عرفت منين اكيد ربنا كشفلها حقيقتي قدامها
والله ما تستاهل تعيش معاك متعرفش النعمة اللي هي فيها طب انت هتعمل معاها ايه
هي عايزة تعرف الحقيقة عشان ترتاح
وهتحكيلها الحقيقة
عشان ترتاح بس
ومش خاېف تروح تبلغ عنك
لا خالص انا مش هعمل حاجة غير لما أكون عامل حسابها
طب ومنال
هي مڼهارة دلوقتي جوازي من شهد هيقضي عليها خالص
وانت هتتجوزها امتا
خلال الايام الجاية
لقيتها مالت عليا واتكلمت بدلع
طب وهتعزمني على الفرح
مش وقته يا ناهد احنا عندنا حاجات اهم دلوقتي
ما انا معاك اهو قلقان من ايه
أمجد العطار مبيقلقش
طب اهدى وانا هقوم احضرلك الاكل ونقعد نفكر سوا
شقة ناهد هي الراحة بالنسبالي المكان اللي انا بعرف افكر فيه كويس واخطط للي جاي حاجات كتير كانت محتاجة تتعدل عشان اعرف اكمل طريقي من غير ما اي حد يعطلني و اول خطة عشان اكمل طريقي وهي اني بعت رسالة ل شهد و قولتلها
انا جاي بكرا اتفقي مع اهلك وكلميهم عني كلام كويس ارسمي صورة كويسة على قد ما تقدري
بعد دقايق لقيتها شافت الرسالة مسحت الشات وقفلت التليفون وبعد ما خلصت مع ناهد رجعت البيت لقيت منال نايمة نمت جنبها وصحيت تاني يوم نزلت من غير ما نتكلم انا و هي أول مشوار عندي وهو اني اشتريت بدلة بعدها روحت اشتريت حلويات و بوكيه ورد جميل عشان اتقدم بيه الساعة دقت 6 وكنت هناك على باب بيت شهد دخلت وقعدت مع اهلها اللي كانو مستغربين من وجودي
انا عارف انكم مستغربين خصوصا انكم عارفين اني متجوز منال بس انا عايزكم تعرفو ان دي رغبة منال و كانت رغبة حماتي الله يرحمها منال مبتخلفش وانا نفسي يكون عندي ابن نفسي حد يشيل اسمي
ابقا مسنود في الدنيا انا استحملت منال كتير بس انا ليا احتياجات ومعتقدش ان في حد ممكن يستغنى عن الأطفال حماتي قبل ما ټموت قالتلي على شهد وأنا بصراحة ملقتش حد اجمل منها ولا لقيت زي اخلاقها ف انا يشرفني اني اطلب ايد شهد بنتكم على سنه الله ورسوله ومش هحتاج منكم اي حاجة انا عايز شهد بشنطة هدومها كل حاجة جاهزة
طلب صعب يترفض وأنا كنت متأكد انهم هيوافقو أولا هيرتاحو من فلوس الجهاز و ثانيا أنا شخص مناسب جدا لأي واحدة وفعلا اتفقنا وفرحنا هيكون اخر الأسبوع رجعت البيت في اليوم دا طبيعي جدا وكأن مفيش حاجة حصلت بدأت اتعامل بشكل طبيعي معاها مبقتش بنزل من البيت وقعدت معاها اطبطب عليها و احتويها من الزعل والتعب اللي هي فيه وهو دا الهدوء اللي يسبق العاصفة لحد ما جه اليوم المنتظر ليلة الفرح كانت منال قاعدة بتتفرج على التليفزيون ولكنها كانت سرحانة وقفت قدامها وقولتلها
انا فرحي بكرا عايزك تيجي وتبقي معايا
بصتلي وابتسمت و رجعت تتفرج على التليفزيون
منال صدقيني انا محتاج طفل ومش هستحمل اكتر من كدا انا محبتش اخبي عليكي وقولتلك عشان تبقي معايا
كنت متوقعة الغدر منك من زمان من زمان أوي يا أمجد بس برافو عليك انت اختارت التوقيت المناسب
منال الموضوع بسيط انا عايزك تفهميني..
ششششش الف مبروك اتجوز و افرح وعيش حياتك وهات الطفل اللي نفسك فيه
مش زعلانة يعني
ملكش دعوة بيا المهم انت انت فرحك بكرا مينفعش تبقا قاعد كدا قوم جهز نفسك
هتيجي بكرا
هاجي يا أمجد
في اليوم دا منال فضلت قاعدة برا قدام التليفزيون انا كمان كنت صاحي طول الليل ومعرفتش انام غير ساعتين بس لكن قومت الساعة 12 الضهر ولبست ونزلت وهي كانت لسة قاعدة نزلت ركبت العربية و مشيت روحت للحلاق عشان اظبط شعري وبعد ما خلصت رجعت البيت عشان ااخد دش خلصت ولبست البدلة ونزلت عشان اآخد العروسة من الكوافير وبالفعل وصلت هتاك وبعد زفة كبيرة من اهل العروسة وفرحة و زغاريط من كل ناحية خدت العروسة ومشينا عشان نتصور
اضحك يا عريس عشان الصورة تبقا حلوة دا احنا لسة في اول يوم
ضحكت وأنا مستني يصورني لكن فجأه عربية سودا جات بسرعة كبيرة جدا و ضړبت ڼار علينا كلنا كان في ترابيزة ورانا جريت بسرعة وانا ماسك شهد وقلبت الترابيزة وقعدت وراها شهد كانت بتصرخ
احنا بڼموت يا أمجد
ساعتها قلعت چاكيت البدلة وقومت من ورا الترابيزة بس خلاص كانت العربية بتتحرك وهتمشي ساعتها زعقت في شهد
ارجعي بيت ابوكي لحد ما ارجعلك
ركبت عربيتي وجريت وراهم بأقصى سرعة وبدأت احاوطهم يمين وشمال لكن هما كانو بيضربو عليا ڼار كملت وراهم وفضلنا نخبط في بعض لحد ما خليتهم يخبطو في عربية كانت واقفة على جنب الطريق نزلت بسرعة من العربية وجريت فتحت باب عربيتهم وسحبت الشخص الملثم اللي كان فيها على الأرض وكشفت وشه وفضلت اضرب فيه
مين اللي قالك تعمل كدا انطق يإما هموتك
مردش عليا وعشان كدا كملت ضړب فيه لحد ما اتكلم وقالي
واحدة اسمها منال!!
رواية صاحب مفتاح الشقه الفصل التاسع 9 بقلم عمرو راشد
مين اللي قالك ټضرب ڼار عليا انطق يإما مش هرحمك
واحدة اسمها منال
قومت وسيبته واقع على الأرض لان منال دي تبقا مراتي منال اتجرأت وعايزة تقتلني رجعت اركب العربية و جريت على البيت وبعد ساعة بالظبط وصلت هناك و دخلت الشقة لكن منال مش موجودة فيها حتى هدومها منال بدأت الحړب يبقا انا عرفت العزا اللي جاي هيكون بتاع مين في اللحظة دي اتصلت ب شهد اللي كانت بټعيط وبتقولي
هو في ايه يا امجد قولي ايه اللي بيحصل
خليكي عندك متتحركيش لحد ما اجيلك خلي بالك من نفسك كويس
طب انت كويس طمني
أمجد العطار طول عمره كويس وهيفضل كويس
طب انا عايزة اجيلك
متتحركيش من بيت ابوكي انا هخلص من الصداع دا وهجيلك عشان نكمل فرحنا
نزلت من البيت و ركبت العربية ومشيت على بيت ناهد بعد ما اتأكدت ان مفيش حد
مراقبني وصلت شقة ناهد ودخلت و قعدت على الكنبة بعدها ب 10 دقايق ناهد خرجت من الأوضة واتفاجأت اني موجود
انت مش المفروض تكون دلوقتي في الفرح
منال بعتت حد يضرب عليا ڼار في الفرح
ايه!!!! طب انت كويس
مش دي المشكلة
دي باين عليها اټجننت طب هي فين دلوقتي
معرفش خدت هدومها من البيت ومشيت
مش يمكن راحت عند اختها
مستحيل لان دا اول مكان هييجي على بالي ف مستحيل هتروحه
اومال هتروح فين يعني
هلاقيها
كان المفروض تخلص عليها من الأول يا أمجد
معرفش انت استنيت ليه
كل حاجة ليها وقتها يا ناهد
طب انت لو لقيتها هتعمل معاها ايه
ھڨتلها
أمجد انت محتاج تفكر كويس حاجة زي دي مش سهلة واحنا مش عايزين دليل واحد عليك خصوصا أن امها ماټت من قريب
متقلقيش خطة مۏت منال مرسومة من يوم ما اتجوزتها
بس كانت مرسومة على اساس انها معاك إنما دلوقتي هي اختفت
تفتكري يا ناهد ايه اللي يخليها تظهر
اختها طبعا
بالظبط
هالة دي غلبانة وكفاية
