الجزء الثاني والاخير

اعملهالك .. انا بجد مش عارف اشكرك ازاي .. اشكرك انك زحتي السواد من على عيني وخلتيني اشيل غمامة تقيلة جدا كانت حاجبه عني رؤية اشياء كتير حواليا.. وخليتيني لأول مرة من سنين اشوف النور وبقيت واحد تاني خالص .. ولا اشكرك لانك مسيبتنيش اروح مع اللي راحوا .. وربنا بعتك ليا سبب علشان ارجع اتوب عن كل ذنوبي .. اولها هعلن اشهاري بجوازي من ياسمين وبعدها هسيبها بعد ما تاخد حقها.. على قد ما اقدر هعمل اعمال خيرية ومش هتعلق بفلوسي تاني .. هحب ولادي ومش هحرمهم من اي حاجة .. وهساعدهم يرجعوا على الطريق اللي ماشيين فيه .. هعمل حاجات كتير اوي .. انا متحمس لده ومړعوپ في نفس الوقت.. ادعيلي وانتي بتصلي الفجر وبتقرأي سورة يس ان ربنا يتقبل مني صالح الاعمال .. وقبل ما اخلص كلامي .. متقلقيش .. انا عرفت كل حاجة عنك بس محدش غيري هيعرف .. غريب السيد ابراهيم .
خرجنا من المستشفى وقبل ما اروح البيت طلبت من جوزي نروح عنوان معين لما وصلت وسالت على الراجل العجوز اللي عرفت اسمه من المستشفى لقيت عزاه سألت على المسجد اللي كان هو إمامه روحت وطلبت من تامر يحط العكاز بتاعه على المنبر بتاعه.
بالفعل تامر عمل كدا ورجعنا البيت وانا مهيأه نفسي اني اتغير جذريا هصلح من نفسي كتير .. ربنا رحيم غفور وواثقة انه هيغفرلي صاحبت ياسمين علشان اساعدها هي كمان ولو واحدة فينا نسيت اللي شافته التانية تفكرها وبدأنا انا وهي نتسند على بعض.
انا محكتش الحكاية دي لحد غير دلوقتي لاني بفضل الله بقيت واحدة تانية عكس الشخصية القديمة اللي سيبتها محپوسة في الجزيرة هناك.
اللي اتعلمته من اللي حصلي هو ان الفرصة التانية مبتجيش كتير الافضل لينا اننا نستغل كل دقيقة بنتنفسها في حب وخير ورضا وسعادة ومنستناش الفرصة التانية نجاهد نفسنا والشيطان اللي كل وظيفته انه يبعدنا عن الطريق الحق.. طريق ربنا سبحانه وتعالى اللي كله خير وسلام نفسي وهدوووء .
الفرصة التانية مش لازم تجيلك علشان تفوق لازم أنت تبادر وتنوي أنك هتقرب من ربنا وهتصلي ومش هتقطع الصلة بينك وبين ربك.. 
علفكرا.. الدنيا دي مهما عدت سنين وسنين فيها ف النهاية هي لا تسوى عند الله جناح بعوضة والأخرة عند ربنا ولينا خيرا وأبقى.
ماتتعلقش بمالك ولا اولادك ولا حتى تتعلق بنفسك ماتخليش قلبك يتعلق غير بربنا ورسوله وتحاول جاهدا أنك تستغل كل لحظة ف حياتك في العمل الصالح.
قبل ما اخلص كلامي بتمنى المخزى من حكايتي يكون وصلكم .. سلام.
تمت.
لو القصة عجبتكم ماتنسوش تدوسوا لايك وكومنت وتمنشنوا لأصحابكم وشير كتير