لعبة القدر.. الحلقات الأخيرة بقلم يارا عبدالعزيز

كبيره 
الدكتور لو سمحتي يا هانم الزيارة ممنوعه 
قال كلامه و مشي من قدامهم و معاه الممرضين و سابوا ممرضه جنب غيث 
دخلت شجن الاوضه وقتها 
حضرتك ممنوع و الله 
شجن بدموع هفضل جانبه و مش هعمل صوت و الله ارجوكي 
اتنهدت الممرضه بقله حيله و شجن مسكت ايد غيث و قعدت على الارض و هي حاطه راسها على السرير و هي بتبصله لحد اما نامت مكانها 
في الصباح 
فاق غيث و بص لشجن اللي كانت نايمه و ابتسم مد ايديه بتعب و مسك ايديها فاقت شجن على ايديه اللي مسكت ايديها فتحت عينيها بسرعه و اتكلمت بفرحه كبيره 
غيث انت كويس 
بصلها و ابتسم و هو مش قادر يتكلم من التعب حاول يتكلم عشان يطمنها قاطعته شجن و هي بتتكلم بفرحه و خوف متقولش حاجه يحبيبى متتعبش نفسك انا هخرج انادي الدكتور 
جت تمشي مسك ايديها و اتكلم بصعوبه لو مسمحتنيش انا اللي ھموت نفسي انا كنت حاسس بيكي انبارح انتي قولتي انا سامحتك لو خرجتي برا حياتي انا بنفسي اللي هنهيها يا شجن 
شجن جريت عليه و حضنته بكل قوتها و اتكلمت بدموع بعد الشړ عليك و الله مسامحك و عمري ما هبعد عنك متجبش سيره المۏت تاني ارجوك انا مقدرش اعيش من غيرك هروح اجيب الدكتور يطمن عليك 
خرجت شجن و بلغتهم ان غيث فاق و جابت الدكتور 
طارق بفرحه الحمد لله النبض بدأ يرجع طبيعي حمد لله على سلامتك 
بصوله الجميع بفرحه كبيره طارق بص لرنا بحزن و خرج و رنا بصتله بأسف و احساس بالذنب 
غيث لاحظ عدم وجود سيف بص لرنا اوماال جوزك فين 
وقتها دخل سيف و اتكلم بأسف حاسس اني مليش وش اشوفك بيه يا ابن عمي
غيث بأرهاق اديك قولت ابن عمك 
سيف بصله و ابتسم 
غيث و هو بيبص لوداد بأسف حقك تعملي فيا اللي انتي عايزاه بس بلاش تعاقبني ببعدك عني 
وداد سيب اللي حصل تمحيه الايام المهم عندي سلامتك احنا مرينا باسبوع من اسوء ايام حياتنا عرفنا فيه ان مفيش في الدنيا اهم من وجودك 
غيث بصلها بدموع اد ايه قلبك كبير يا عمتي انتي فعلا و نعمه الام 
شجن راحت عندها طب بما ان مفيش في الدنيا اهم من وجودنا في حياه بعض فانا عايزه اقولك انك فعلا امي بالمواقف قبل الډم انتي كنتي احن عليا من اي حد 
وداد بصتلها بفرحه كبيره و خدتها في حضنها و الدموع في عينيها وحشتني اوي يبنتي وحشتني اوي
شجن بدموع تعرفي انا دلوقتي مبقتش يتيمه الام طلع عندي ام و احن ام في العالم كله بحبك اوي يا ماما 
وداد وقتها مقدرتش تتمالك نفسها فضلت ټعيط بفرحه اد ايه كلمه ماما اللي انحرمت منها من سنين جميله اوي 
مر تمن شهور و حب شجن و غيث بيزيد اكتر و اكتر و رنا اللي ابتديت حياتها مع سيف و نسيت كل اللي حصل منه و عايش معاه في سعاده و حب و علاقه وداد بشجن اتطورت جدا و بقوا قريبين جدا لبعض و طارق خطب دكتورة معاه في المستشفى و بدأ يحس بمشاعر ناحيتها و اتأكد انه مشاعره ناحيه رنا كانت مجرد اعجاب و عاصم اتحكم عليه بالاعډام و سلمى اللي نسيت كل اللي غيث عامله لما عوضها بمكانة كويسه في الشركه عنده و ريهام اللي راحت عاشت مع
خالتها في حاره صغيره و بقيت حالتها صعبه جدا بعد ما كنت عايشه مرفهه مع غيث و