الفصل الثاني... أحببتها في اڼتقامي بقلم علياء حمدي

رخم مكنش يومك يا يارا مش تصحيني
بدرى شويه ياماما ليه بس كده استغفر الله العظيم .
سميه وهي تضحك علي ابنتها يا هبله مش كانت الساعهمن شويه يالا امشي علي ما احضرلك الفطار امشي
اجهزى يالا .
يارا وهي تجرى في كل الاتجاهات حاضر حاضر طب امشي ازاى يمين ولا شمال دلوقتي فوقي بقي الله يكرمك يا
يارا فوقي وظلت تدور حول نفسها الا ان صدمت صابع قدمها الصغير في الدولاب بجوار الباب فصړخت بصوت
عالي صوباعي ااااااااااه منك لله يا دكتور اااااااه انت السبب ااااه .
خرجت والدتها وهي تضحك علي ابنتها كثيرا
واستعدت يارا سريعا وخرجت القت السلام علي والدها ووالدتها ولكنها لم تجد وقت للافطار فاسرعت خارج المنزل
لتذهب الي الجامعه .
وبعد ساعه من الزمن كانت يارا داخل كليتها
يارا بتمني وهي تمشي بسرعه يارب الحق يارب الحق يااااااارب
اصدمت بزميلتها في الكليه يمني 
يمني بتوجع ااااه ايه يا يارا اتهبلتي ولا ايه مشيه بتكلمي نفسك .
يارا سبيني في حالي الدكتور استلم الورق منكو ولا لسه .
يمني ورق ايه ?
يارا يا بت بقي فوقي معايا ورق الشيت 
يمني يا بنتي دا هيتسلم يوم الخميس والنهارده لسه الثلاثاء ايه اللي فكرك بيه دلوقتي .
يارا وهي فاتحه عنيها علي وسعها نااااااااااااعم ياختي مش النهارده ثم كزت علي سنانها وضيقت عينها بغيظ
هامسه بقي كده يا ماما والله لينا حساب بس اما اروح يااااااربي دانا صوباعي راح ضحيه في الموضوع ده وانا
مش هسيب حقي يا ست ماما هه
يمني وهي تضربها علي راسها يا عبيطه بتكلمي نفسك ولا ايه يالا نصلي الضهر وبعدين ابقي روحي لسه فاضل
نص ساعه تعالي نقعدها في الجامع يالا
يارا ياك ضربه حاضر ياختي يالا بينا.
ودلفا سويا الي المسجد وبقيا حتي صليا الضهر وخرجا منه
يارا يالا انا هروح اشوف اروي واروح مش عايزه حاجه .
يمني مش هتحضرى محاضرات .
يارا عيب عليكي تقولي كده انتي بتشتميني علي فكره يلا انا ماشيه سلام .
يمني اااه ما انا عارفه صح سلام يا اخره صبرى .
وغادرت يارا وهاتفت صديقتها اروي صديقتها في السنه الاخيره من كليه اداب
يارا صباح منعنع علي احلي اروي في الشرق الاوسط .
اروي يارا صباحك ورد عامله ايه يابت 
يارا متبهدله ااااه ياني وصوباعي الله يرحمه كان طيب وطنطك سميه مشحططاني علي الاخر يرضيكي كده .
اروي ههههههههههههههه والله طنط ما في منها انتي اللي استغفر الله يعني .
يارا ماشي ياختي دافعي عنها اوي . المهم انتي في الكليه ولا زى كل يوم 
اروي زى كل يوم طبعا هاهاهاي منزلتش النهارده .
يارا تك شكه كنت عايزه اشوفك يالا بقي متعوضه امشي بقي علشان رصيدى يالا.
اروي يخربيت البخل قفلت ياختي يالا سلام يا ورده .
يارا سلام يا قطه .
واغلقت الخط وخرجت لكي تذهب