أسكن انت وزوجك البارت الاول بقلم أية العربي

ف الخارج والحريم داخل البيت للاحتفال بحنة العروس 
دلفا زين وعبد الرحمن فاستقبلهما عمهما بترحاب واردف بسعادة لاتمام هذه الزيجة اهلا بالغالي اهلا يا عبد الرحمن اتفضلوا يا رجالة 
جلس زين في الحديقة مع بعض رجال البلدة المقربين من عزيز و الذين وقفوا يرحبوا به بحفاوة ساعين الى رضاه فهو زين الجابري زين رجال قنا بينما يجلس عبد الرحمن بضيق يريد ان يركض هاربا من هذا المنزل 
رفع نظره للاعلى لا اراديا فوجد تلك الفتاة التى ما ان رأته حتى ابتسمت له بحب واشارت له بيدها فتنهد بضيق وحرك رأسه قليلا يرحب بها ثم توقف يردف لاخيه زين جوم نمشي انى اتخنجت 
نظر له زين بصلابة واردف بحدة اجعد يا عبد الرحمن ميصحش إكدة لساتنا واصلين دلوك ! 
تنهد بضيق وجلس بتأفأف ثم تعمد لف نظره حول الرجال بينما ابنة عمه ف الاعلى دلفت تغلق النافذة وتردف بحزن لشقيقتها شوفتى يا عليا ! بردو مهواش معبرنى ولا كأنه شايفنى 
تنهدت عليا التى تستعد للنزول للاسفل واردفت بضيق عادى يا اسماء إكدة ولا إكدة عتتجوزيه بعد الجواز بجى ابجى اعملي اللى انت رايداه وعتجدرى تخليه يحبك 
نظرت لها اسماء بترقب متسائلة مالك يا عليا ! افردى وشك عاد دى شكل عروسة حنتها الليلة !! وبعدين دانت عتتجوزى زين الجابرى اللى الكل بيتمنى رضاه وبنات البلد كلياتهم بيتمنوا نظرة منيه يبجى عاملة ف نفسك إكدة ليه !!
نظرت لها عليا قليلا ثم تنهدت واردفت لأنى مجبورة عليه مش رايداه المغرور ده كيف ما طردنى من الشركة بعد ما اتعذبت ياما علشان اشتغل هى مرت عمك جررت والكل نفذ وخلاص وانى متأكدة ان زين معيحبنيش كيفي بالضبط بس انى غيرك يا اسماء انى لازم اتغير امى وابوي رايدين رضا رابحة واراضي عيلة الجابري اللي لا ليها اول من آخر علشان إكدة مخرجى الوحيد ان زين يعشجنى وانى هعرف اخليه يعشجنى كيف السر كله في رضا مرت عمى 
نظرت لها اسماء بتعجب واردفت بس العشج مش عيتخططله يا عليا العشج بييجي إكدة فجأة 
نظرت لشقيقتها باستنكار وسخرية ولكن قاطع حديثهما طرقات على باب الغرفة فسمحت عليا للطارق فدخلت عليهما والدتهما خيرية واردفت بحدة ما تشهلى يا بت منك ليها وتنزلوا عاد ! كل ده عتلبسوا وانت يا عليا زين تحت رنى عليه وجوليله يجبلك الحاجات اللى نجصاكى !
تنهدت عليا واردفت وهى تنظر لوالدتها انى هروح مع اسماء اجيبها يا ماما مش هرن على حد ولا رايدة حاجة من وش البوم ده 
اتسعت عين والدتها ودلفت واغلقت الباب تردف بتحذير وهى تلكزها في كتفها اكتمى عاد يا مچنونة لابوكى يسمعك ده هيبجى جوزك ولازم تتحدتى عنه زين جدام الخلج 
زفرت بحنق واردفت بضيق ساخرة ماشي يا ماما عتحدتت عنه زين جوي انزلي انت واحنا جايين وراكى طوالي 
نظرت لها خيرية بتحذير ثم ولجت للخارج بينما هما استعدتا للنزول للاسفل 
اما ف الخارج فنادى زين على عمه الذى اتى يتسائل فأردف زين بترقب جولي لو ناجصكم حاجة يا عمى وشوف لو الحريم محتاجين حاجة !! 
ربت على كتفه واردف بترقب تسلم يا ولد اخوي كله تمام بس هسأل عليا لو ناجص عليها حاجة عجولك 
اومأ بضيق وتنهد ثم نظر لعبد الرحمن الذى يجلس مرغوم فأردف زين بمرح لشقيقه كي ينفس عنه ضيقه افرد وشك يا ولد ابوي