الحلقة الثالثة من رواية هيبة الكبير بقلم ملك إبراهيم

وخرج من الغرفه پغضب وخرج خلفه قاسم
انهى مندور حديثه وخرج من الغرفه پغضب...
بعد خروجهم من غرفة مندور نظر الحاج رفعت لقاسم وتحدث بتعب انا عايز اتكلم معاك لوحدنا يا قاسم
اتكلم قاسم باحترام امرك يا حاج .. اتفضل
ذهب الحاج رفعت على غرفته وخلفه قاسم وبدء يظهر التعب على الحاج رفعت.. اخذ دواء القلب وقعد على الفراش بتعب
قرب منه قاسم واتكلم بقلق انت تعبان يا ابويا
رد الحاج رفعت بتعب كلام عمك كسر قلبي يا قاسم.. معقول نسي كل الا انا عملته عشانه وعشان العيله.. معقول مندور
اخويا يقولي في وشي الكلام ده.. بقى يقولي انا مليش كبير

رد قاسم بقوة وهو بيقبل يد والده انت هتفضل طول عمرك الكبير يا حاج رفعت .. كبير العيله والبلد وهيبتك محفوظه فوق راس الكل
اتكلم الحاج رفعت بتعب وهو بيرتب على كتف ابنه انا عايزك تسمعني كويس يا قاسم وكلامي دا متنسهوش عمرك كله
رد قاسم بهدوء انا سامعك يا ابويا قول الا انت عايزه
اتكلم الحاج رفعت الكبير يا قاسم لازم يكون قوي وعقله سابق قلبه لازم يكون حكيم وصبور .. يلم عيلته ويضلل عليها .. الكبير يا قاسم لازم
يكون عنده القوة انه يقف على رجله ويصلب ضهره وانا خلاص رجلي مبقتش تشلني وضهر انحنى والسن له حكمه يا بني
رد قاسم بابتسامه مفیش اسد بيعجز یا حاج رفعت
رد والده بحزن هي دي سنة الحياة يا قاسم وان الاوان عشان اسد غيري هو الا يشيل المسؤليه
نظر قاسم لوالده بدهشه...
ليتابع الحاج رفعت حديثه بتعب في قانون في عيلتنا من سنين السنين ان الكبير هو الا يختار مين هيبقى الكبير بعده.. جدي الله يرحمه ابوه اختاره من بين اخواته عشان يكون هو الكبير .. وجدي
اختار ابويا وابويا اختارني وجه الوقت الا اختار فيه كبير العيله من
نظر قاسم لوالده بترقب...
تابع الحاج رفعت حديثه وانا اختارتك انت تبقى الكبير من بعدي یا قاسم
انتفض قاسم من مكانه وتحدث پصدمه كبير العيله ايه يا بويا .. انا معرفش انا في الكلام دا انت عارف .. دا غير ان عمي هو احق ان يكون هو كبير العيله من بعدك ربنا يديكم طولت العمر انتم الاثنين
رد والده بتعب عمك زي ما انت شايف ياقاسم هو وابنه لسانهم و دراعهم سابقين مخهم والا زيهم
مينفعش يبقى كبير العيله ... واخوك كامل طيب وفي حاله ميقدرش يشيل المسؤليه دي كلها ..
ليتابع الحاج رفعت حديثه بتاکید كبير العيله يا قاسم لازم يبقى حکيم في كل افعاله .. كلمته تبقى سيف يقطع رقبة الا يتعداها... وسكوته يبقى ڼار ټحرق الا يتكلم في وجوده
اتكلم قاسم برفض بس دي مسؤليه كبيره يا ابويا وبعدين انا مش عايش هنا على طول وهيجي اليوم واسافر تاني
رد والده بتعب انا عمري ما طلبت منك طلب يا قاسم وطول عمري سايبك تعيش على رحتك.. طلبت
تسافر عشان تدرس وقفت جانبك والا طلبته اتنفذ.. طلبت تعيش هناك وشغلك يبقى غير شغلنا ... معترضتش بس دلوقتي الوضع اتغير..
ليتابع الحاج رفعت حديثه بتعب ريح قلب ابوك يا قاسم .. عايز احس اني كنت اد الامانه الا ابويا امني عليها   عايز اطمن اني سلمتها للي يحافظ عليها من بعدي
نظر قاسم لوالده بحزن وهو مش عارف يقول ايه ...
تحدث والده برجاء ريح قلبي وقول موافق تفضل هنا وسطنا وتشيل المسؤليه من بعدي
اتكلم قاسم بتوتر بس يا ابويا انا حياتي كلها بقت في لندن ..