حب مجهول الهوية الحلقة الثانية بقلم ملك إبراهيم

اتصرفي وادفعي فلوس المستشفى اللي خدتيها عليها دي.
احلام پصدمة ادفع فلوس المستشفى منين دول طالبين 50 الف جنيه!!
شاكر بزعيق 50 الف جنيه ليه هما هيبعولنا العيل.. بقولك ايه من الاخر انا معيش حتى ربع المبلغ ده.. اتصرفي انتي وشوفي هتعملي ايه حتى لو تبيعي تليفونك الغالي اللي انتي شيلاه ده ما اختك برضه لها حق عندكم.
احلام پصدمة وڠضب انت بتقول ايه تليفون ايه اللي ابيعه وهيجيب 50 الف جنيه!! انت لازم تتصرف عشان مراتك وابنك!
شاكر انا قولتلك اللي عندي يا احلام ومعنديش كلام تاني اقوله.
قعدت حزينه قدام الغرفة اللي اختي اتنقلت ليها ومش عارفه ازاي هقولها ان جوزها رفض يدفع تكاليف المستشفى وبصيت في الفاتورة اللي معايا هما فعلا طالبين كتير اوي!!

وبصيت على التليفون في ايدي وكنت محتارة ومش عارفه اعمل ايه! ابيع التليفون ده فعلا زي ما شاكر قال وادفع تمنه للمستشفى! بس اكيد التليفون مش هيجيب كل الفلوس دي! اصل 
طب اعمل ايه دلوقتي واروح فين!! الله ېخرب بيتك يا شاكر لما انت مش قد مصاريف خلفه كنتوا بتخلفوا ليه عيل تبهدلوه وتبهدلوني معاكم.. الله يسامحك يا ماما انا قولتلك من الاول بلاش انا اجي هنا مش هعرف اتعامل مع شاكر!
فضلت قاعده افكر مع نفسي وتعبت من كتر التفكير وحتى اختي مش قادرة ادخلها اطمن عليها عشان متسألنيش عن جوزها ومش عارفه هقولها ايه!
بعد نص ساعه لقيت الموظف بتاع الحسابات جاي عليا واتوترت ومبقتش عارفه اهرب منه اروح فين بس! اكيد جاي يسألني على الفلوس وانا لسه مش عارفه اتصرف ازاي..
موظف الحسابات مساء الخير يا فندم.. حالا هننقل اخت حضرتك للجناح الخاص اللي حجزتهولها.
بصيتله پصدمة وقولت في سري هو شكله متلخبط فيا ولا ايه!
احلام جناح ايه انت اكيد متلخبط فيا صح
دا كان فاضل بس يقول اسم ماما عشان اتأكد انه يقصدني انا
اتوترت اكتر وسألته ايوه انا بس جناح ايه اللي حجزتهولها مش فاهمه!! دا انتوا نقلتوها في اوضة عاديه وطالبين 50 الف جنيه!! اومال الجناح هتطلبوا كاام.
حقيقي كنت عايزة اعيط بسبب الموقف المحرج اللي انا كنت فيه..
احلام بص هي مرتاحة في الاوضة دي ومش محتاجين جناح ولا حاجة ادعيلي بس الاقي حل ادفعلكم تمن الاوضه دي والولادة.
لقيته صدمني وقال بثقة الفلوس كلها اتدفعت يا فندم واتحجزلكم جناح خاص لمدة اسبوع كمان.
احلام احلف 
بقلمي ملك إبراهيم. 
طبعا كلنا عارفين مين اللي دفع فلوس المستشفى بس محدش يعرف ايه اللي حصل في القطر بعد ما احلام نامت وازاي وصلها بيت اختها!! في لغز محدش يعرفه غير انا وطارق وانتوا هتعرفوه طبعا لما تتابعوا باقي الرواية حبايب ملوكة ايه رأيكم انزل بارت كمان النهارده بس عايزين نوصل البارت ده ل تعليق خلال ساعة انا بجهز الحلقة الثالثة دلوقتي