شبيه جوزي ايمان شلبي

رأسه بتأكييد وهو بيبص لعاصم بكل كره وغل
ايوه انا 
ردت وشفايفها بترتجف
ل ليه كده يافريد ا انا انا عملت فيك ايه علشان تأذيني
رد بحزن وهو بيسند رأسه علي كتفها 
انا بحبك يارنا
عاصم بعصبيه وجنون 
ابعد عنها يافريد والا قسما بالله ھقتلك
رفع رأسه ورفع من علي رأسها وهو بيوجهه نحيه عاصم بابتسامه خاليه من المشاعر!
طب ايه رأيك اقټلك انا
جرت رنا ووقفت قدامه وهي بتهز رأسها برفض وخوف 
لا يافريد لا علشان خاطري نزل المسډس متضيعش نفسك
فريد بنظره كلها امل وحب
خاېفه عليا!
عاصم وهو بيخرج من وراها وپيصرخ بغيره 
وتخاف عليك ليه كانت عشقاك في الضلمه!!!
رنا وهي بتمسك أيده وبتضغط عليها وبتبصله بصه ذات مغزي
عاصم ارجوك اهدي ا انا عارفه أن فريد طيب واستحاله يعمل حاجه زي كده ويكسر قلبي صح يافريد
فريد بأبتسامه كلها سخريه وقهر
ط طب وقلبي انا
قربت منه وركبها بتخبط في بعض ووقفت قدامه وهي بترفع عيونها في عيونه بابتسامه مهزوزه
قلبك جميل ويستاهل حد جميل زيه
حاوط وشها والدموع بتلمع في عيونه 
بس انا عايزك انتي مش عايز حد تاني
لرنا
بعدتهم عن بعض ووقفت قدام فريد اللي كان بيتنفس پعنف والعرق متكون فوق جبينه وفجأه وبدون اي مقدمات رفعت ايديها وضړبته كف علي آثره شهقت رنا وابتسم عاصم بأنتصار
كانت نظراتها ليه كلها عتاب وحسره نظرات زي السهام قادره تحكي وتعبر عن كل اللي جواها بكل قسوه
برا اطلع بررررررا مش عايزه اشوف وشك تاني انا غلطانه اني امنتك علي بنتي وكنت فاكره انك اخ ليها بررررا
اما عنه وقتها فاق!
وكأنه كان في غيبوبه والكف فتحله عيونه علشان يشوف الواقع
رفع أيده مكان ما ضړبته وهو بيوزع نظرات ما بينهم بتوهان وشرود وفي لمح البصر اختفي من قصادهم وكأنه مكانش موجود من الأساس
بعد مرور أربع سنوات 
وبعدين ايه اللي حصل
حطت فنجان القهوه علي الطربيزه وهي بتتنهد تنهيده طويله 
اختفي اربع سنين محدش يعرف عنه حاجه
معقوله يكون ماټ 
ردت بلهفه وخوف
بعد الشړ عنه
مطت جنا صاحبتها شفايفها بحزن
يارب يكون بخير
اتمني
جنا بتساؤل 
بتحبيه
شردت في السؤال واخدت وقت تفكر في إجابته وللأسف ملقتش غير اجابه واحده وهي اه
هزت راسها والدموع بتلمع في عيونها 
كان جوايا مشاعر لفريد قبل ما اتجوز عاصم كنت فاكره أن هو كمان عنده نفس المشاعر لكن للاسف انتظرت كتير يعترفلي بمشاعره ومعترفش ضيعت سنين طويله من عمري وفرص مش بتيجي في العمر غير مره واحده علي امل يحصل اللي في بالي ويعترف بحبه ليا ونتجوز
لحد ما يأست!
جنا بتكملة
ولما عاصم اتقدملك وافقتي عليه يمكن تحركي مشاعره ويغير عليكي فيعترفلك مش كده
ابتسمت بسخرية
بالظبط وفضلت مكمله في اللعبه لحد ما لقيت نفسي بتجوز عاصم
ومحبتيش عاصم
مش هنكر واقولك لا عاصم كان شخص مثالي لابعد حد بيحبني بېخاف عليا بيهتم بأقل التفاصيل كان بيتمنالي الرضا يمكن بأسلوبه وحنيته بدأت اتأقلم واتعود علي وجوده وانسي بالتدريج فريد ومشاعري تتحول من حبي لفريد لعشقي لعاصم
طب وليه اتطلقتي منه
هزت راسها بابتسامه باهته
لاني مش بخلف مامته فضلت تزن علي ودانه علشان يتجوز ويخلف وفي النهايه وافق لأن من حقه يبقي اب بس انا كمان من حقي ارفض أن واحده تانيه تشاركني في جوزي فطلبت الطلاق
جنا بذهول 
وهو وافق بالسهوله ديه
اكيد لا بس في النهايه اقنعته يطلقني وكل واحد راح لحاله
جنا بابتسامه حزينه 
طب ودلوقتي!
ردت بأستغراب 
دلوقتي ايه !
قلبك لسه بيحب مين عاصم ولا فريد
ردت بدون تفكير 
فريد
ردت جنا بضحك 
بسرعه كده ومن غير تفكير
طب وعاصم مش لسه بتقولي أن مشاعرك اتحولت من حبك لفريد لعشقك لعاصم!
بصت قدامها بأبتسامه وعيون بتلمع بحب
عارفه اغنيه