قصة كوميدي للكاتبة ملك محمد

بطل تقول كل شويه حماتك دي
والدة منه بتتكلم وهي مش قادره تاخد نفسها دي ميقدرش عليها غير ربنا دي ھټموټني ناقصه عمر ااه ياقلبي 
ايمن والد منه قعده مراته تاخد نفسها 
_هتموتي امك ياحيوانه عاجبك كدا
منه ف وسط الدوكه دي بتحاول تشد أيدها من خالد بس هو ماسكها جامد
خالد بااس ياجماعه أنا لقيت الحل 
والد منه متعصب حل اي بس يابني دي ملهاش حل 
منه اتخضت حل اي ياجماعه في اي هتنفوني للصين
والدتها مټعصبه منها اسكتي خالص مش عايزه اسمع صوتك
خالد الحل الوحيد ياجماعه انكو تجوزهوالي وانا هخلصكو من جنانها 
ابوها وامها بيبصو لبعض وهما منشكحين وقالو ف نفس واحد 
_موافقين
منه ههههه بتهزرو صح جواز اي ياماما استهدي بالله تعالي تعالي كملي ضړب وسع كدا ياعم خالد انت كمان 
خالد راح شدها للاسف مبنهزرش هتبقي مراتي قريب ووريني بقى مين هيجنن مين
يتبع ........
5
خالد مشي ومنه دخلت ع اوضتها مټعصبه بعد قرار أن جوازهم هيبقى ف اقرب وقت
مسكت موبايلها فتحت الواتس واترمت ع السرير
_هببببه الحقيني 
_تاني يازفته في اي 
_انا هبقى واحده نسوان خلاص 
_ههههههه امال انتي دلوقتي واحده اي 
_انتي بتهزري هو دا وقتو
_طب في اي طيب فهميني
_هيجوزوني خلاص وهيلبسوني حاجات بريش هبقى بطه ياهبه بطه 
_هو لسه مطفش 
_مش عايز يطلعني من دماغو مش عارفه اتصرف ازاي 
_بقى منه مش عارفه تتصرف ازاي اوعي تكوني بتحبيه 
_بحبه ! خدي بلوك ياهبه عبو معرفتك
_استني يابت
لا يمكنك الرد ع المحادثه
رمت الموبايل وهي مټعصبه ومسكت المخده حتطها ع بوئها وراحت مصوته 
قاعده بتكلم ف نفسها
_هعمل اي أنا دلوقتي مستحيل اتجوزو
والدتها بتخبط عليها
فتحت الباب ودخلت
منه خاېفه
_اي هتضربي تاني 
مامتها بأبتسامه عريضه 
اضرب اي بقى انتي بقيتي عروسه دلوقتي
_عروسه هو المولد جه
_لا ياختي المولد مجاش انتي الي بقيتي عروسه وهتتجوزي خلاص 
_ياماما...
_انا مش مصدقه نفسي اخيرا يامنه هجوزك وارتاح منك ومن جنانك
_ياماما بس....
_اخيرا ياحبيبتي مش هلاقي حد يطلع عيني 
_ياماما اديني فرصه اتكلم
_ياااه يامنه أخيرا هشوف احفادي 
_احفادك
_بصي خلفي 6 أنا بحب العيال 
_سته اي احنا نخليهم 12 ونقفل الدسته 
_لا 12 كتير هما 6 حلو
_ماما بعد اذنك سيبيني دلوقتي
الساعه بقت 11 بليلل ومنه رايحه جايه ف الاوضه بتفكر هتتصرف ازاي 
فجأه الموبايل بيرن بتبص فيه لقت رقم غريب
_الو
_بتعملي اي ياعروستي دلوقتي
_عروسة مين ياكابتن ماتتكلم عدل 
_يخربيت فقرك الواحد ميعرفش يجر معاكي ناعم خالص
_عايز اي وجبت نمرتي منين اه نسيت أن بتوع امن الدوله بيعرفوا كل حاجه 
_قولتلك أنا كنت بهزر 
_متخفش مش هقولهم أنا كاتمة الاسرار 
_يابت تقوليلهم اي بقولك كنت بهزر
_عارفه عارفه انت بتقول كدا علشان التمويه قولتلك متخفش 
_يخربيت دماغك ماعلينا احنا جايين بكرا وهنقرا الفاتحه 
_هتقرو الفاتحه ليه هو مين ماټ
_هنقراها ع روحك ياقلبي 
_ظريف اوي ياباشا هو انتو هتيجو ع
الساعه كام 
_اشمعنا يعني
_بسأل انت خۏفت ليه 
_منه لو عملتي حركه كدا ولا كدا قدام اهلي هنفخك
ضحكت ضحكه شريره _ أنا بردو انت تعرف عني كدا مع السلامه ياقلبي
نهار يوم جديد
_قومي بقى يابنتي هتفضلي نايمه طول اليوم عريسك زمانه جي 
نطت من ع السرير اول لما سمعة كلمة عريس
_عريس يلهووي 
_اي يابت في اي 
_ماما بقولك اي مش هو عاجبك 
_خالد دا شاب زي القمر والله صعبان عليا
_طب لما هو عاجبك وصعبان عليكي اي رأيك اطلقك من بابا وتتجوزيه
مامتها خلعت الشبشب الي ف رجلها ونزلت فوقها انتي بتقولي اي ياحيوانه انتي 
منه قامت تجري منها
_بابا الحقني يابابا
والدها دخل عليهم الاوضه
_في اي ياجماعه اهدو مش كدا دانا اوقات بحس انكو ضراير مش أم وبنتها
منه جريت استخبت ورا باباها
_ماما عايزه تضربني يابابا حوشها عني
_خلاص ياام منه دي عروسه استحمليها وخليها عليكي
_وسع كدا ياايمن انت عارف بتقولي اي 
منه حتط أيدها ف وسطها اي يعني بقولك اي دا كلو علشان بقولك اطلقك من بابا واجوزك خالد 
باباها اټصدم من كلامها
_هاتي كدا ياأم منه الشبشب انتي بتقولي اي يابت انتي 
منه بتصوت وطلعت تجري منهم هما الاتنين وراحت ع الجنينه
وقفت تاخد نفسها
_اي العيله المجنونه الي الواحد مينفعش ياخد ويدي معاهم ف الكلام داه اووووف
بتبص وراها لقت خالد وأهله 
لسه صاحيه من النوم طبعا وشعرها منكوش وهدومها متبهدله
خالد بصلها بغيظ
_هشعلقك بس اصبري
والدة خالد مستغربه مين دي ياخالد انت تعرفها
خالد ضحك ضحكه مصطنعه دي الشغاله بتاعتهم ياماما ههههه وراح ماسكها من قفاها وجرها لبعيد 
مش كدا ياشغاله
منه بوزت 
_كدا ياباشا كدا
ايمن وهاله أهل منه سمعو صوت خالد وأهله بره وطلعو يستقبلوهم
منه دخلت جري ع اوضتها تغير هدومها علشان تخرجلهم
فتحت الدولاب وفضلت واقفه سرحانه
_انا هوريلك ياخالد بس اصبر
دخلت عليهم دخلت واحده رقاصه وحتطت لبانه ف بوئها
_هيهيهيهيهي ازيكو ياجماعه
خالد اول لما شافها حط ايده ع وشه
_اه ياجزمه
والدته ووالده مستغربين 
_مين دي ياخالد
منه ردت وهي بتاكل البانه أنا العروسه ياتنط
والدة منه ووالدها قاعدين مكسوفين من الي بنتهم بتعملوا
والدتها قربت منها وقالتلها بصوت واطي
_اي الي انتي بتهببي داه وربنا لاوريكي بس اصبري
منه بتتكلم بصوت عالي وكلو قاعد مندهش
_معلش ياجماعه هستأذن أنا اصل أنا عندي شغل بيبدأ من 6 مساءا
كلهم ف نفس واحد شغل اي داه
_منه ضحكت ضحكه عاليه بشتغل ف كباريه اله اي ياماما انتي وبابا مش انتو عارفين
_ابوها حطت ايدو ع وشه 
وكل الي قاعدين متنحين
منه لا ياجماعه متبصوش كدا دي شغلانه شريفه أنا من البيت للكباريه ومن الكباريه للبيت هيهيههيهي 
خالد هيطق وكل أما منه بتحاول تطفشه ومش عايزاه هو بيعند اكتر معاها وبيتمسك بيها اكتر
والده ووالدته ف حالة ڠضب وقامو علشان يمشو
والده يلا بينا من هنا دا مش مكنا ولا دول ناس نناسبهم
خالد متعصب وبيتكلم بتريقه منه معلش ممكن اخد من وقتك دقيقه قبل ماتروحي الكباريه
منه اتخضت لا معلش أنا وقتي سمين اوي
يتبع.......
6
كل اللي قاعدين بيبصو ع منه بعصبيه
والدة خالد_ يلا ياخالد يلا من هنا دول ناس مينفعش نناسبهم
منه فعلا ياتنط معاكي حق احنا عيله مش محترمه اساسا
ابوها واقف هيطق
منه يلا ياجماعه شرفتونا متبقوش تيجو تاني
خالد راح شدها من أيدها وخدها ع بره
_اااا سيب ايدي انت فاكر نفسك مين علشان تجرجرني كدا
خالد بعصبيه شش اسكتي خالص 
والدته ووالده خرجو رواهم
والده اي ياخالد الي انت بتعمله داه سيبها قولتلك أنا عمري ماهسمح انك تتجوز واحده زي دي 
خالد معلش يابابا خد ماما دلوقتي وروحو انتو وانا هبقى افهمكو بعدين
والدته تفهمنا اي ماكل حاجه واضحه زي الشمس اهيه الهانم طلعت عالمه
منه بعصبيه رفعت أيدها وقالتلها لا مسمحلكيش ياطنط اسمها رقاصه عايزه تهزقيني هزقيني صح 
خالد متعصب اقفلي بوئك دا خالص 
والد منه ووالدتها واقفين ف نص هدومهم من الي بنتهم عملته ومش عارفين يتكلمو
منه يلا ياجماعه كفايه كدا علشان هتأخر ع شغلي 
خالد فتح باب العربيه 
_اركبي 
منه استغربت اركب اي ياكابتن
خالد هو مش انتي رايحه الكباريه يلا أنا هوصلك
الكل واقف متنح
منه اتوترت ههه لا لا ملوش لزوم انا بروح لوحدي
والد خالد انت بتقول اي يابني هو في اي بيحصل
خالد مفيش يابابا خد ماما بس دلوقتي واركبو تاكسي انتو وروحو وانا هفهمكو كل حاجه ف البيت
وراح شادد منه
ڠصب عنها ركبها ف العربيه ومشي
الجو بيمطر ومفيش اي تاكسي 
ايمن وهاله أهل منه عزموا على أهل خالد يدخلو عندهم لحد المطره ماتوقف
أهل خالد دخلو وهما قرفانين