رواية حازم و بسنت ملك محمد

1
_يابنتي المنبه بقالو ساعه بيرن جمبك مش ناويه تقومي بقى
مسحت عيونها بإيدها صباح الخير ياماما 
وبعدين ركزت شويه وبصت ف الساعه 
_يلهوووي اتأخرت اوي مصحتنيش ليه ياماما يعني اول يوم ف الجامعه اروح متأخره
وشدت الغطا وقامت بسرعه ع الحمام خدت شاور
_صعبتي عليا يا بسنت مانتي طول الليل شغاله ف الكافتيريا
_خرجت بسرعه من الحمام لبست هدومها وربطت شعرها وخدت شنطتها وكراستها ف أيدها وخرجت
والدتها واقفه ع الباب بتنده عليها
_يابنتي طب استني افطري الاول طب خدي اكل معاكي 
بترد عليها بصوت عالي من تحت
_مش مهم ياماما هبقى اكل اي حاجه متشغليش بالك

ريم صباح الخير ياماما 
_صباح النور ياحبيبتي تعالي افطري يلا
_اي دا امال بسنت فين
_نزلت الجامعه دا اول يوم ليها النهارده 
_اه صحيح افتكرت ربنا معاها 
ريم قعدت ع التربيزه علشان تفطر
_صحيح ياماما أنا كنت عايزه فلوس ضروري
والدتها استغربت فلوس اي دي انتي مش لسه طالبه مني فلوس الدروس وانا مديهملك
ريم اتوترت لا دي فلوس للكتب انتي عارفه بقى المدرسين وطلباتهم
والدتها ردت پغضبطب أنا هجبلك فلوس منين دلوقتي انتي عارفه أن بسنت لسه قدامها كتير ع معاد القبض واختك طالع عينها ف الشغل وهي الي بتصرف علينا من بعد مۏت والدك ومينفعش اضغط عليها اكتر من كدا دي لسه كمان داخله سنه اولى جامعه كمان
ريم بترد بقرف وهي اي الي خلاها تكمل ماكان كفايه ثانويه عامه وكانت تهتم بشغلها ولا حضرتها هتطلع عالمة ذره وانا معرفش
والدتها مټعصبه انتي ازاي تتكلمي عن اختك كدا وهي الي شايله البيت ع كتافها من بعد ماابوكي ماټ دي حتى رافضه فكرة اني اشتغل
ريم بترد بتناكه خلاص خلاص انتي هزعقي زي كل مره مش عايزه زفت فلوس عيله فقر
ودخلت اوضتها وقفلت الباب وراها جامد
والدتها قاعده بتكلم ف نفسها أنا مش عارفه انتي مش طالعه لأختك ليه واتنهدت وقامت تشيل الفطار 
_______
كلية العلوم جامعة القاهره
بسنت داخله تجري علشان متأخره ومن لخبطتها خبطت ف واحد
_ انا اسفه أنا اسفه مكنتش اقصد
أمير استغرب رد فعلها مع أنه هو الي غلطان ومكنش باصص قدامه
_لا ولا يهمك مفيش حاجه 
سابته ومشيت وبعدين رجعت لورا تاني
_بعد اذنك ممكن اعرف مدرج سنه اولى فين
أمير ابتسم لما عرف انها سنه اولى.
_وانا بقول بردو كل الحماس داه ميطلعش الا من طالب جديد هنا 
بسنت اتعصبت حضرتك بتتريق وسابته ومشيت
جري وقف قدامها 
_مبتريقش ولا حاجه وياستي الجدول هتلاقيه وشاورلها ع المكان 
_تمام متشكره وسابته ومشيت
حازم صاحبه ودا يبقى ابن مدير الجامعه جي من بعيد شاف حازم واقف معاها
_مين البنت الي كنت واقف معاها دي
_ياعم ولا واقف معاها ولا بتاع دي كانت بتسأل ع حاجه متشغلش بالك انت
_حاجه بردو ماشي ياعم بس بصراحه هي حلوه تستاهل الوقفه
اميره خبطه _ ماتبطل افوره يابني هو أنا بتاع بنات زيك 
_ومالو بتاع البنات اهو ع الأقل بتسلى بدل الفراغ داه 
أمير مدايق من تفكيره اتسلى بس ابقى استحمل رد الدين 
_ايوا بقى هتقلبلي شيخ ودا مش وقته تعالى عاملك مفاجأه وشاورله ع داليا صحبتهم
أمير ادايق وبيكلمه من تحت سنانه ومين قالك أنا عايز اشوف داليا يازفت
حازم بيضحك ياعم اتلحلح بقى البت ھتموت عليك
وخده وراحو عند داليا
بسنت راحت علشان تجيب الجدول معرفتش من الزحمه وراحت قعدت تحت الشجره وهي حاتطه أيدها ع خدها
حازم بص ياد ياامير البت الي كنت واقف معاها قاعده هناك اهيه 
داليا اتغاظت هو انت كنت واقف مع دي ياامير
أمير ياجماعه مكنتش واقف معاها ولا زفت مكبرين الموضوع اوي
داليا فرحت اه فعلا أنا بردو استغربت مش معقوله هيكون زوقك بلدي كدا
حازم زوقو بلدي اي دي البت قمر من غير ميكب ولا اي حاجه 
داليا خبطته ف كتفه قمر بالستر ياخويا
امير تصدقو انتو الاتنين ارخم من بعض سيبو البنت ف حالها بقى باين عليها محترمه وبنت ناس
حازم بيضحك مفيش حد محترم معايا ولا في بنت قدرت تقاوم جمالي يابني 
داليا لا ياراجل مانا اهو ومعجبتنيش ولا حاجه في حد تاني الي مقدرتش اقاومه وبتبص ع أمير 
حازم هههههه أنا بقول بنت ياداليا انتي بنت
أمير ضحك
داليا بقى كدا طب وريني شطارتك معاها وبتبص ع بسنت 
حازم بكل ثقه اتفرجي وشوفي وانت يااخ امير اتعلملك حاجه وراح عادل لياقة القميص ومظبط شعره ورايحلها
أمير ادايق بس مقدرش يعمل حاجه
_______
حازم راحلها ومد ايده 
اهلا أنا حازم 
بصتله بقرف اهلا بيك 
شال ايده واتكسف لما مرضيتش تمد أيدها وبيبص ع داليا لقاها بتضحك
_احم حاسس انك زعلانه في حد مزعلك ع فكره انا بابا مدير الجامعه هنا يعني لو عايزه حاجه قوليلي 
_لا شكرا مفيش حاجه 
وبعدين افتكرت أنها عايزه الجدول ضروري
_هو ممكن بس بعد اذنك تجبلي الجدول علشان مش عارفه 
حازم ابتسم وحس ان السناره غمزت
_اكيد طبعا أقدر ثواني ويكون عندك
وفعلا حازم راح جابه مكملش دقيقه وجه
كانت مبسوطه اوي وبتمد أيدها علشان تاخد الجدول راح شايله بعيد 
حازم أنا عندي شرط قبل ماتاخديه
بسنت استغربت شرط اي 
_نتقابل بعد الجامعه وراح مدلها
الجدول 
راحت ماسكه الجدول مقطعاه وراميه الورق ف وشه وسابته ومشيت
يتبع.........
2
حازم اتكسف بعد مابسنت رمت الجدول ف وشه
أمير وداليا شافو بسنت مشيت جم عليه ع طول
داليا بضحك البنت دي 1 انت 0
أمير بأنشكاح بس ياداليا متحرجهوش اكتر من كدا كفايه الاحراج الي هو فيها
حازم بيتكلم بثقه تراهنوني عليها 
أمير بلاش دي واضح انها مش سكتك
داليا ماتسيبه ياعم يجرب أنا عايزه اتفرج
____
بسنت خلصت اول يوم ليها وبتبص ف الساعه وهي خارجه من بوابة الجامعه وراحتط خابطه ف واحد
بتبص لقيت نفسها خبطت ف أمير تاني
_انا اسفه أنا اسفه 
لسه هيكلمها سابته ومشيت لأنها مستعجله
أمير بيكلم ف نفسه هو انتي مستعجله ع طول كدا
_______
بسنت واقفه مستنيه الباص وعماله تبص ف الساعه علشان معاد شغلها
جه أمير وقف هو كمان يستنى الاتوبيس لأن العربيه بتاعته كانت ف الورشه 
_احم 
بسنت مش واخده بالها ومتوتره وعماله تبص ف الساعه
_هو انتي ع طول مستعجله كدا
_ها حضرتك مين
_وكمان ذاكرتك ذاكرة سمكه
ابتسمت افتكرت أنا خبطت فيك مرتين النهارده صح
_الحمدالله انها جت فيا
منه تنحت ها
_ لا ولا حاجه انتي بقى متعوده تخبطي ف الناس كدا
_لا طبعا بس أنا جديده هنا وهتلاقيني مرتبكه شويه
_طب وبالنسبه للاستعجال دا عادي بردو
بسنت افتكرت شغلها وبصت ف الساعه ورجعت اتوترت تاني وبتبص يمين وشمال ع الباص
أمير مستغرب انتي كويسه
قعدت وحتطت أيدها ع خدها وبتكلم ف نفسها اوووف تقريبا كدا هترفد
أمير مندهش من تصرفاتها يابنتي أنا بكلمك انتي كويسه ولا في اي 
بسنت بصتله أنا اسفه جدا أنا متوتره شويه بس 
أمير طب ثواني هجبلك عصير من السوبر ماركت تهدي نفسك
راح جاب العصير ورجع لقاها بتركب ف الاتوبيس والباب اتقفل ومشيت
ابتسم وقال طب دانا حتى معرفتش اسمك وقعد يستنى الاتوبيس اللي بعده
_______
في الكافتيريا
بسنت دخلت بسرعه غيرة هدوم الجامعه ولبست لبس الشغل
_متأخرتش صح
يارا ودي زميلتها ف الشغل متأخرتيش دانتي تحمدي ربنا أن المدير مخدش باله انك مش موجوده كنتي هتروحي فيها
_هعمل اي بس اول يوم ليا ف الجامعه ومكنش ينفع مروحش 
_طب حاولي تظبطي مواعيدك بعد كدا علشان أنا مش مسؤله لو اتأخرتي تاني 
_هحاول متأخرش 
_طب كفايه رغي بقى وتعالي نشوف شغلنا
_______
بعد يوم شاق طويل ف الجامعه وف الشغل بسنت روحت وهي خلصانه ودخلت اترمت ع الكنبه
_ازيك ياماما وحشتيني
_ياقلب ماما انتي الي وحشتيني
والدتها صعبانه عليها
مش ناويه تبطلي عند بقى يابسنت وتبصي لمستقبلك وتسيبي موضوع الشغل دا ليا
بسنت اتعصبت
_ماما احنا قفلنا الموضوع دا وبعد اذنك متفتحهوش تاني لما اموت ابقى اشتغلي
_بعد الشړ عليكي ياحبيبتي خلاص مدايقيش نفسك أنا هقوم احطلك العشا
_اه ياماما اصل مكلتش من الصبح
والدتها اتخضت يلهووي انتي مفترطيش يابسنت
بسنت افتكرت إن والدتها بتزعل من كدا بس هي بتوفر الفلوس ومبترضاش تجيب اكل لنفسها
_مين قال انا مفطرتش المهم ريم فين مشوفتهاش يعني
_ريم جوه ياستي عامله زعلانه 
_وزعلانه ليه اوعي تكوني قولتلها حاجه ياماما
_ابدا يابنتي دي عايزه فلوس وأنا قولتلها مفيش فاتقمصت 
بسنت زعلت طب وانتي تقوللها مفيش ليه وتزعليها كنت قوليلي وانا هتصرف
_هتتصرفي ازاي يعني ماهي لازم تحس بيكي بردو انتي لسه بدري ع معاد القبض
_طب جهزي انتي بس الاكل ياماما وانا هدخل اكلمها
بسنت دخلت لأختها ريم الاوضه
_احم الناس اللي زعلانه هنا
ريم بترد بقرف عايزه اي 
_حد يكلم أخته الكبيره كدا بردو
_عايزه اي يابسنت انا مخنوقه دلوقتي
راحت مزغزغاها واي الي خانق القمر بتاعي بس 
وطلعت فلوس من جيبها ادتهالها
ريم اول لما شافت الفلوس فرحت وخدتهم بسرعه
_انتي يابت طب قولي شكرا هاتي بوسه اي حاجه 
بسنتيلا بقى علشان نتعشى سوا لاني مش قادره استنا اكتر من كدا
خلصو عشا وبسنت دخلت اوضتها اترمت ع السرير من الارهاق
قامت فتحت شنطتها تعد الفلوس الي معاها لقيتها مش هتكفي مصاريف الكتب لأنها أدت منهم لأختها 
ابتسمت وقالت مش مهم الكتب الشهر دا اول لما اقبض هجيبهم واترمت تاني ع السرير ونامت 
________
نهار يوم جديد 
المنبه بيرن
بسنت قامت بسرعه ع الحمام وغيرة هدومها وربطت شعرها ديل حصان كالعاده ونزلت جري
بتعدي الطريق علشان تدخل الجامعه
حازم جي بالعربيه بتاعته ولأنها ماشيه مستعجله راحت العربيه خبطاها
نزل حازم من العربيه بسرعه 
_انتي كويسه حصل حاجه
بتحاول تسند علشان تقوم أنا كويسه مفيش حاجه 
بتبص ف وشه وهو كمان بيبصلها الاتنين قالو مع بعض
_هو انت
_ هو انتي 
نفضت هدومها وعدلت شعرها وهو بيحاول يساعدها بس هي رافضه
_شكلك لسه زعلانه من امبارح صح
_لا مفيش حاجه ممكن تسبني اعدي 
حازم بيرخم عليها عدي هو انا ماسكك
بتحاول تعدي بس هو بيتحرك قدامها يمين وشمال
اتعصبت وراحت مشنكلاه برجلها وسابته ومشيت
كان هيتقلب بس سند ع العربيه بص عليها وهي ماشيه وابتسم وواقف بيكلم ف نفسه
_لا دانتي طلعتي غيرهم خالص وعدل لياقة القميص ولبس نضارته ودخل الجامعه
أمير قابله
_اي يابني فينك المحاضره هتبدأ
_ياعم ماتبدأ هو أنا باجي الجامعه علشان المحاضرات مانت عارف أنا باجي اسلي وقتي
أمير طب حيث كدا بقى اروح أنا أشوف مستقبلي اللي هيضيع بسببك داه 
وسابه وراح ع محاضراته
_______
ف الريست بين المحاضرات بسنت
نزلت المكتبه شويه لأنها بتحب تقرا 
مسكت كتاب وقعدت تقرأ بس لانها بتسهر بليلل بسبب شغلها ف الكافتيريا وكمان بتصحى بدري علشان الجامعه حتطت راسها ع التربيزه ونامت
صدفه أمير شافها هناك 
حتط كتبه ع التربيزه جمبها وابتسم وقعد
_احم اهؤ اهؤ
محستش بيه ورايحه ف سابع نومه
_حط ايده قريب من وشها 
محستش بيه بردو 
قام ابتسم وحط ايده ع خده وقعد يبص عليها وبيكلم ف نفسه 
_يعني كل اما بشوفك بتبقى مستعجله ولو مش مستعجله الاقيكي نايمه 
شد كتاب من بتوعها الي جمبها ع التربيزه وقرا اسمها عليه 
_اخيرا عرفت اسمك ياست بسنت
ف نفس الوقت كانت داليا بتدور عليه وراحتله ع المكتبه لانها عارفه انه بيحب يقعد هناك
اتفاجئت لما شافته بيبص على بسنت ومبتسم