الفصل الثالث عشر من رواية أميرة أخر الزمان بقلم ملك إبراهيم

اليه مروة بمكر هامسة له بجوار اذنيه مثل الشيطان.
مهو انت اللي مش عايز تخلص نفسك وتخلص منها
نظر اليها بطرف عينيه ثم اخرج هاتفه وخرج من المنزل متجها الي الاسفل.
ركضت مروة الي خارج باب شقة حماتها ووقفت فوق الدرج تستمع اليه وجدته يتحدث بصوت غاضب وهو ينزل من فوق الدرج قائلا.
ايوه يا عم الدسوقي انا هستناكم كمان ساعه عند المأذون عشان اطلق بنت مراتك
وقفت مروة تبتسم بسعادة ثم عادت الي شقة حماتها مرة اخري لتجد حماتها واقفه امام غرفة ابنتها شاهندا وتنظر الي مروة پغضب اقتربت منها مروة وتحدثت اليها بمكر قائلة لها.
هي شاهندا عاملة ايه دلوقتي يا ماما الحمدلله ان انتي كنتي واقفه وشايفه من الاول مين اللي غلطان
نظرت اليها حماتها بغيظ هامسة پغضب. 
انا اللي غلطانه واستاهل اكتر من كده
في شقة والدة أميرة..
دخلت والدة أميرة عليها الغرفة وجدتها نائمة فوق الفراش لكن عينيها مثبته الي الاعلى والدموع تنسال منها بصمت ربتت والدتها علي ذراعها وتحدثت اليها بحزن قائلة لها.
أميرة قومي
جففت أميرة دموعها وجلست فوق الفراش تنظر الي والدتها قائلة لها.
نعم يا أمي
تنهدت والدتها بحزن قائلة
لها.
جمال كلم عمك الدسوقي دلوقتي
نظرت اليها أميرة باهتمام خفضت والدتها رأسها بحزن قائلة لها.
عايز عمك الدسوقي يروحله بعد ساعه عند المأذون عشان يطلقك وبيقول ان انتي كمان لازم تروحي عشان تمضي
تساقطت دموعها بجمود يرتعد جسدها من رهبة كلمة الطلاق لكنها تعلم جيدا ان الطلاق اهون بكثير من العيشه معه.
ربما الطلاق يصبح بداية جديده لها تحدثت الي والدتها وهي تحاول اظهار قوتها المزيفه قائلة لوالدتها.
خلي عمي الدسوقي يروحله ويخلص معاه كل حاجه وانا اروح امضي عند المأذون بعد ما هو يمشي لاني مش طايقه اشوفه
ربتت والدتها علي ظهرها بحزن تحدثت اليها برجاء قائلة لها.
ما تحاولي تهدي وتعقلي كده يا أميرة وندخل ناس كبيره بينكم ونصالحكم يابنتي
صړخت أميرة في والدتها قائلة لها باڼهيار.
كفايه بقى يا امي ارحميني والنبي انا مش ناقصه ابوس ايدك انا خلاص مبقتش هقدر استحمل اعيش معاهم تاني ولا ابقي علي ذمته دقيقه واحده بعد كده انا بقيت اقرف لما اشوفه قدامي انتي فهماني يا امي انا بقيت بقرف منه ومش طايقه النفس اللي بتنفسه معاهم في نفس البيت ابوس ايدك ارحميني ومتتكلميش معايا في الموضوع ده تاني
وقفت والدتها وابتعدت عنها بحزن خرجت من الغرفه وجدت زوجها يقف ينظر اليها پغضب وتحدث اليها بصرامة قائلا لها.
هي خلاص كرهته انتي ايه مبتفهميش
تحدثت والدة أميرة بحزن قائلة لزوجها.
خړاب البيوت مش بالساهل يا ابو ضياء والبت لسه صغيره وصعبان عليا تطلق وتبقي وحيده ولسه قدامها العمر طويل
تحدث زوجها بمكر قائلا.
ومين قال انها هتبقى وحيدة ما احنا معاها اهو ولو احتاجت اي حاجه انا عنيا ليها