محمد و عائشة بقلم ايمان شلبي

الجزء الاول 
خطيبك بيخونك مع صاحبتك الأنتيم
كنت قاعده مع اهلي بنتكلم وبنهزر وبنخطط لفرحي اللي فاضل عليه شهرين وفجأه الفون بتاعي اتهز بماسدج فتحتها بابتسامه واسعه علي اساس انها منه كالعاده
اختفت ابتسامتي وقلبي دق بسرعه وانا شايفه رقم غريب بيكلمني وباعتلي صوره خطيبي وهو في حضڼ بنت وبيقولي أن خطيبي بيخوني ومع مين مع أقرب صديقه ليا!
عارفين احساس الصدمه لا عارفه اعيط ولا عارفه اتفاجئ ولا عارفه اعمل اي رد فعل كنت ببص الرساله اللي قرأتها اكتر من مره بجمود وصدمه احتلت كياني
ضربتين في الرأس توجع لا في الحقيقه هي ټقتل مش مجرد ۏجع وخلاص

فضلت علي حالتي أكثر من تلات دقائق واللي لاحظ ده بابا اللي سألني باستغراب 
مالك يا عائشه!
رفعت راسي وانا بهمس پصدمه
بيخوني
ماما باستغراب 
هو مين ده يابت اللي بيخونك 
بصيت لماما والدموع بتلمع في عيني وانا بردد بنفس الهمس 
بيخوني ياماما بيخوني مع صاحبتي
مكانش حد فاهم هو مين اللي بيخوني ولا حد فاهم ايه اللي حصل ووصلني للمرحله الغريبه ديه !
رميت الفون علي الارض وانا باصه قدامي بشرود
تقريبا ماما فهمت ان هي هتلاقي سبب صدمتي في الفون اخدته من علي الارض وفتحته وبصت فيه واول ما شافت الماسدج شهقت پعنف
بابا بقلق
في ايه ياوليه مالك انتي كمان
حطت الفون في وشه وهي مازالت في صډمتها وكانت صډمه بابا متقلش عن صدمتنا
فضلنا متنحين لدقايق مفيش حد فينا قادر ينطق حرف ولا قادرين نفسر اللي شوفناه في دماغ كل واحد حرب دايره وصراع بين القلب والعقل مبينتهيش
لقيت ماما بتقرب مني وهي بتطبطب علي رجلي
ولا تزعلي نفسك ده خاېن ميستاهلش ظفرك
اڼفجرت في العياط وانا بترمي في حضنها وكأني كنت مستنيه حد يتكلم عشان أخرج كل الۏجع اللي جوايا
بيخوني ومع صاحبتي الاتنين خانوني انا عملت فيهم ايه أنا بحبهم والله معملتش فيهم حاجه وحشه ليه صاحبتي تبص لخطيبي ليه تاخده مني هي مستكتراه عليا ليه انا عملت فيها ايه
فضلت اقول كلام مش مفهوم وانا بعيط بحرقه في حضڼ ماما اللي مكانتش عارفه تقولي ايه ولا تعملي ايه
لقيت بابا بيقرب مننا وبيحسس علي شعري وهو بيقول بهدوء ظاهري
معلش يابنتي ميستاهلكيش لو ربنا شايفه خير مكانش حصل كده 
وبعدين ياعائشه احنا لسه متأكدناش مش يمكن يكون حد هو اللي عامل كده عشان يوقع ما بينكم اهدي ياحبيبي وتعالي نفكر بالعقل العياط مش هيفيد بحاجه !
كلام بابا هداني شويه وعطاني امل ولو واحد في الميه أن ممكن اللي شوفته ده ميكونش حقيقه فعلا
بعدت عن حضڼ ماما وانا بمسح دموعي وبقول بجمود 
وهنتأكد ازاي !
اتنهد وهو بيفكر بحيره
الرقم اللي كلمك ده تعرفيه
لا اول مره اشوفه
طب جاريه في الكلام
ازاي يعني !
بابا وهو بياخد الفون من ماما 
اكتبيله وانا ايه اللي يخليني اصدقك مش يمكن فوتوشوب ولو فوتوشوب هيخاف وهيلاوع في الكلام لو حقيقه هيثبتلك
هزيت راسي بلهفه وانا باخد الفون منه وبكتب للرقم بأيدي بتترعش 
وانا ايه اللي يخليني اصدق ان ده حقيقي !
بعد ثواني لقيته بيكتب وكأنه محضر الرد وده اللي خلي قلبي يتنفض اكتر 
اللي يخليكي تصدقي أن خطيبك حاليا مع صاحبتك وفي بيتها وفي حضنها
رديت بتلقائية
أنت كداب
صدقيني مش من مصلحتي اكدب في حاجه زي كده 
انا مش بكرهك ولا بكره خطيبك ولا صاحبتك بس بصراحه صعبان عليا أن هما مستغفلينك كده وانتي طيبه ومتستاهليش اللي بيحصلك
دموعي نزلت علي خدي وانا ببص لبابا اللي بأن علي ملامحه التوتر
هنعمل ايه يابابا 
لقيته بص قدامه 
عارفه عنوان بيت صاحبتك
هزيت راسي بلهفه 
ايوه
قومي البسي هنروح ونشوف بنفسنا
وانا كمان جايه معاكم عشان لو الكلام ده حقيقي يبقي عليا وعلي أعدائي
قالتها ماما بشړ وقهره وهي بتقوم تلبس ودقائق وكنا جاهزين ونزلنا من البيت وانا رجلي بتخبط في بعض من الخۏف 
وصلنا قدام البيت واول حد نزل كان بابا وبعده ماما وانا فضلت في العربيه كنت لازقه في الكرسي خاېفه انزل خاېفه اتحرك خاېفه من كل حاجه خاېفه أضعف
مكنش قلبي قادر يستوعب
أن الشخص الوحيد اللي بحبه يخوني مع صاحبتي
فتحلي بابا باب العربيه ومدلي أيده وهو بيبصلي بحنان وتشجيع
بصيتله وعيوني بتلمع بالدموع ومسكت أيده ونزلت
طلعنا الدور الثالث ومع كل دور ضربات قلبي تزيد وكأني بقرب من ملك المۏت
كنت ماسكه في أيد ماما وبضغط عليها بقوه لحد ما وصلنا قدام الباب
اخد بابا نفس عميق وخبط الباب وثواني والباب اتفتح
كانت صاحبتي واقفه بفستان قصير وكات وفارده شعرها وحاطه ميك اب واول ما شافتنا اتوترت وارتبكت
قربت منها ببطئ وانا ببلع ريقي وهي واقفه تبصلي پخوف
قربت منها اكتر وكل ما اقرب اشم ريحته لحد ما وصلت قدامها وقربت مناخيري منها شميت ريحته فيها
بعدت بسرعه وكأني اتلدغت من عقرب وانا بحط ايدي علي بوقي وهي واقفه توزع نظراتها بيني وبين ماما اللي عيونها كانت حمراء علي وشك تنقض عليها
زقيتها ودخلت وانا بنادي علي اسمه باعلي صوتي 
محمدد محمدددد
جريت ورايا وهي بتقول بتوتر 
محمد مين مفيش حد هنا
تجاهلت كلامها وفضلت ادور زي المجنونه في الشقه لحد ما وصلت لاوضه النوم وفتحتها بس كانت مقفوله بالمفتاح
لفيت وبصتلها پغضب 
جوا مش كده !
خطيبي معاكي جوا في اوضتك
ردت بسرعه ولهفه وتوتر 
خطيبك مين انتي اټجننتي مفيش حد هنا
رديت بسخريه
والعفريت هو اللي قافل باب الأوضه بالمفتاح!
كانت لسه هترد بس الباب اتفتح وخرج منه وهو لابس بنطلون بس وبيبصلنا ببرود
بعدت خطوه لورا وانا بتنفس بسرعه وبهز راسي بهستريه
ياحقيررر ياحقير ياحقيررر ياحيوان ياخاين
قربت مني اماني صاحبتي وهي بتقولي بعصبيه
ده مش محمد ده اخواه التوأم
زقيتها پعنف وعصبيه 
توام 
انتي مفكراني عبيطه توأم ايه اخوه التوأم ماټ من سنييين
قرب مني وهو بيبصلي ببرود 
بس انا عايش مموتش
ي يعني ايه ا انت مين
انا مؤيد اخو محمد
قرب منه بابا وهو بيسأله پصدمه
ازاي يابني انت مش مېت من زمان 
بص لبابا بنظره مرعبه وهو بيزعق فينا
ماقولت انا عايش قدامك اهو وخطيب بنتك اللي هو اخويا مش بيخون بنتك يبقي خلاص بقي تفضلوا من غير مطرود وسيبوني مع حبيبتي
خرجنا انا وماما وبابا واحنا مش قادرين نستوعب اي حاجه وكأننا في فيلم عربي قديم !
أماني وهي بتتنفس براحه
الحمد لله محدش شك فينا
يشكوا فينا ليه 
قربت منه بدلع وهي بتغمز 
لا بس طلعت ممثل هايل ياحمو
رفع حاجبه باستغراب 
بس انا مش بمثل
بعدت عنه باستغراب
ده اللي هو ازاي يعني !
قرب منها بخبث 
يعني انا مؤيد مش محمد
أماني 
منين يودي علي فين ومين يجيب مين !!!!!!
يتبع 
الجزء التاني 
خرجنا انا وماما وبابا من العماره پصدمه مش قادرين نفسر اللي حصل فوق
يعني اللي فوق ده خطيبي ولا اخوه التوأم واللي المفروض ماټ وشبع مۏت !
اللي فوق خطيبي وعامل تمثيليه عليا عشان يخرج منها زي الشعره من العجينه ولا ده فعلا اخوه
طب ازاي اخوه ازاي ومحمد مأكدلي أنه ماټ من زمان في لغز كبير في حاجه غلط
لو كان اللي فوق خطيبي كان اتوتر وخاف أو علي الاقل مفتحش الباب ولبس نفسه تهمه
دماغي ھتنفجر من كتر الاسئله بابا وماما حيراتين بيفكروا زي
عقلي مش قادر يبطل سؤال ورا التاني قلبي رافض يريحني ويبطل يدق بالسرعه الرهيبه ديه
كل حاجه ضدي