روايه اميرة اخر الزمن بقلم ملك ابراهيم الحلقه 24 و الحلقه 25

بالنسبه لينا دي حقوقها اللي هي هتاخدها بالمحكمه ڠصب عننا يعني النفقه والشقه التعرض
نظرت اليه خالته بدهشة قائلة له  
شقة ايه مش فاهمه!
تحدث فريد بهدوء قائلا لها  
شقة الزوجيه يعني الشقة اللي جمال اتجوزها فيها وانجبت فيها اطفالها من حقها قانونيا انها تعيش في الشقه دي هي وبناتها
تحدثت اليه خالته بستغراب قائلة له  
قصدك الشقة اللي جمال اتجوز فيها مروة فوق
تحدث فريد بهدوء قائلا  
مش الشقة دي كانت شقة أميرة قبل مروة
حركت خالته رأسها بالايجاب قائلة له  
ايوه بس لو أميرة خدتها مروة هتروح فين
تحدث فريد بهدوء  
ممكن جمال ياخدلها شقة برا
فكرت والدة جمال قليلا وجدت ان هذه فرصة جيدة لها كي تتخلص من مروة وتبعدها عن منزلها بعد وقاحة مروة معها وابتسمت بمكر وهي تفكر في الاڼتقام من مروة بهذه الطريقه بعد طردها من الشقه رحبت كثيرا بهذا الشرط قائلة لفريد 
وماله تاخد الشقة هي من حقها برضه هي والبنات
تحدث فريد وهو يحاول فهم ما يدور بتفكير خالته قائلا لها  
المحامي بتاعها بقى عايز يضمن انكم مش ممكن تطردوها من الشقه بعد ما تتنازل وعايز ان كل شيء يكون متوثق وجمال يسجل الشقة باسم أميرة وبناتها
نظرت اليه خالته پصدمة وقبل ان تعترض تحدث فريد سريعا قائلا لها 
وطبعا العقد هيبقي فيه بند ان اميرة متقدرش تبيع الشقة هي بس هتعيش فيها هي وبناتها عادي وتضمن ان محدش يقدر تطردها منها
فكرت والدة جمال قليلا قائلة له  
يعني هي مش ممكن تاخد الشقة وتبيعها
تحدث فريد بثقة قائلا لها  
لا طبعا متقدرش الشقه هتكون بأسمها للاقامة فيها بس وانا بنفسي هراجع العقد
حركت خالته رأسها باقتناع قائلة له  
وفي شروط تانيه
تحدث فريد وهو يحاول ان يبسط لها كل شئ قائلا لها 
مفيش غير النفقه يعني هنحدد مبلغ معقول مصاريف للبنات وجمال هيمضي انه مسؤول يدفعلها المبلغ ده كل اول شهر وطبعا لو اتأخر شهر من حقها تشتكيه في القسم
تحدثت خالته بقلة حيلة قائلة له  
عادي هو كده كده مسؤول يصرف علي بناته
ثم اضافة بفضول قائلة له  
في حاجه تانيه
تحدث فريد  
مفيش حاجه تاني غير انه هيمضي في القسم علي عدم التعرض ليها ولازم يعرف انه لو اتعرض لها في اي وقت او حتى فكر يطلع لها شقتها هي تقدر تسجنه تاني
تحدثت خالته پغضب قائلة  
مكنتش اعرف أميرة هتطلع ناصحه كده بس ابني اللي خايب وهو اللي حط رقبته تحت سكينتها
تابع فريد حديث خالته بصمت وتحدث اليها قائلا 
يعني اكلم المحامي ابلغه بموافقتنا ولا ايه عشان نخرج جمال قبل ما يتحول للنيابة الصبح
تحدثت خالته بلهفة قائلة له  
ايوه كلمه واتفق معاه وسيب جمال عليا انا هعرف اخليه يوافق بس نخرجه بكره
تحدث فريد بابتسامة قائلا  
متقلقيش يا خالتي ان شاءالله بكره هنخلص كل حاجه في القسم وجمال يمضي وهي تتنازل
في بيت والدة أميرة الساعه السادسة والنصف مساءا 
خرج ضياء من غرفته بعد ان ارتدى ثياب للخروج وغمز الي والدته الجالسة امام التلفاز بجوار والده 
نظر اليه والده بطرف عينيه قائلا له بمكر  
على فين العزم كده يا حبيب ابوك
توتر ضياء قليلا وتحدث وهو ينظر إلى والدته يطلب منها بعينيه ان تقول اي شئ حاولت والدته ان تتحدث الي والده لكن الدسوقي مانعها من الحديث