اميرة اخر الزمان ملك ابراهيم الحلقة 30 و 31

اجوزها ل فريد عشان شاهنده اختك متدلعه ومش هتلاقي حد يستحمل دلعها ده غير خالتها وابن خالتها
تحدثت اماني بعدم رضا. 
لا يا امي يبقى كده الجوازه دي مهما تعملوا مش هتكمل
استمعوا الي صوت طرق على باب الشقه وقفت اماني كي تفتح تفاجأت برجلا يقف أمامها وتحدث إليها باحترام قائلا لها.
صباح الخير مش ده بيت الاستاذ جمال
نظرت اليه اماني بستغراب وحركت رأسها بالايجاب قائلة له. 
ايوه هو
تحدث اليها باحترام قائلا لها. 
لو سمحتي انا عايز اقابله قوليله استاذ طارق المحامي محامي مدام أميرة
استمعت اليه والدة جمال وواقفت سريعا ترحب به قائلة له.
اهلا وسهلا يا استاذ اتفضل
دخل طارق وتحدث اليها باحترام قائلا لها. 
اهلا بحضرتك انا جيت النهاردة اشوف استاذ جمال هيكمل اتفقنا ودي ويسلم ل مدام اميرة بناتها وشقتها ولا نكمل اجراءتنا بالقانون
تحدثت اليه والدة جمال بقلق قائلة له. 
قانون ايه ان شاءالله كله هيبقى ودي
ثم تحدثت الي ابنتها اماني قائلة لها بلهفة. 
اجري يا اماني اطلعي نادي لاخوكي عشان يتكلم مع الاستاذ
ثم تحدثت اليه مرة اخري. 
اتفضل اقعد يا استاذ طارق تشرب ايه
تحدث طارق بابتسامة مجامله. 
شكرا لحضرتك انا بس محتاج اعرف استاذ جمال ناوي على ايه عشان بس عندي محكمه كمان ساعه
حركت والدة جمال رأسها بالايجاب قائلة له. 
ناوي على كل خير ان شاء الله
عند اماني امام شقة شقيقها وقفت تطرق على الباب وتضغط على الجرس كثيرا دون رد بعد وقت فتح لها جمال وهو يحاول فتح عينيه بصعوبه تحدث اليها پغضب قائلا لها. 
في ايه ع الصبح نزله رن رن رن هو الواحد ميعرفش يرتاح شويه في ام البيت ده!!
تحدثت اليه اماني بهدوء تخفي خلفه ڠضبها من طريقة حديثه الفظه معها.
محامي أميرة تحت عندنا وعايزك
فتح عينيه بنتباه لحديثها قائلا لها پصدمة. 
ايييه وده جاي تاني ليه!
تحدثت اليه بجمود قائلة له. 
والله انزل وشوفه بنفسك
ثم تركته ونزلت الي الاسفل وقف جمال پصدمة يفكر لماذا جاء اليه محامي اميرة الان دخل واغلق باب الشقه خرجت مروة من غرفة النوم وتحدثت اليه بفضول.
في ايه 
نظر اليها جمال ثم تخطها ليدخل غرفة النوم قائلا لها. 
مفيش حاجه
وقفت مروة تنظر اليه بستغراب ثم تذكرت كذبتها له بالامس وارادت التأكد هل هي حامل ببنت ام ولد ودعت من قلبها ان يكون من بداخل رحمها ولد دخلت غرفة النوم ورأته يرتدي ثيابه بسرعه اقتربت منه وتحدثت اليه بتوتر قائلة له.
بقولك ايه يا جمال انا كنت عايزه انزل اروح عندنا اصل امي كانت تعبانه امبارح اوي وعايزه اروح ابص عليها
رد عليه دون اهتمام قائلا لها. 
طيب روحي بس متتأخريش
ثم انتهى من ارتداء ثيابه سريعا وخرج من الشقه كي ينزل الي شقة والدته.
وقفت مروة شاردة تفكر پخوف وتتمنى ان يكون حملها ولد كما اخبرته ارتدت ثيابها هي الاخرى كي تذهب الي امها وتخبرها بما قالته لجمال بالامس.
بالاسفل بشقة والدة جمال.
نظر طارق الي بنات أميرة وهم يلعبون حولهم قائلا لوالدة جمال.
دول حور وجنه
تحدثت اليه والدة جمال بتوتر. 
ايوه هما
ابتسم لهم طارق بهدوء دخل جمال بقلق قائلا لهم.
سلام عليكم
وقف طارق وصافحه تحدث اليه جمال بقلق قائلا له.
خير في ايه يا استاذ
تحدث اليه طارق بهدوء قائلا له. 
متقلقش كده كل خير ان شاءالله
تحدثت والدة جمال الي ابنها بتوتر قائلة له. 
الاستاذ جاي يسألك يا جمال انت هتكمل اتفاقك معاهم ودي ولا ناوي