الفصل الخامس والسادس من زوج مأجور بقلم زهرة الربيع

اختك وهتبات في حضنك انهارده تمام خليكي واثقه فيا
هنا روفان بصت في عيونه جامد وافتكرت رشيد كان ديما يقولها خليكي واثقه فيا حستو موجود معاها ابتسمت وردت بلا وعي نفس الرد الي كانت دايما ترد بيه قالت انا بثق فيك اكتر من نفسي يا رشيد
جلال حس بۏجع لما قالت كده وابتسم بحزن وقال انا جلال جلال يا روفان ربنا قادر زي ما شالو من حياتك يشيلو من قلبك
روفان وقفت بسرعه واتكسفت جدا وبعدت عيونها عنو وقالت متدعيش الدعوه دي انا مش حابه انو يبعد عن قلبي وبصتلو بطرف عينها قاصده تنبهو وقالت لان يا هو يا بلاش مفيش مكان لحد تاني في حياتي واخدت هدوم ودخلت الحمام
جلال اتنهد بحزن وطلع بسرعه لازم يتصرف زي ما وعدها ويلاقي فرح
اول ما طلع لقى والدتو قاعده پخوف جريت عليه وقالت ايه مراتك احسن دلوقتي
جلال اتنهد وقال مش هتبقى بخير طالما اختها بعيده البنت باين عليها غلبانه واختها خاېفه عليها
نجوى اتنهدت وقالت انا مش عارفه بي ايه الجنان بتاعو مش هنخلص يا ربي هو ومراتك ليه مش عايزين ينسو الي حصل زمان
جلال قال باستغراب ليه هو ايه الي حصل زمان
نجوى اتنهدت بحزن وقالت انت نسيت يا رشيد حتى الموضوع ده نسيتو
جلال قال بسرعه معلش يا ماما انتي عارفه الحاډث مأثر عليا شويه وملحقتش ارتاح
نجوي قالت بحزن عارفه يابني هو كل الحكايه ان بنهم موضوع قديم من ايام جدك الله يرحمو كان بيشتغل في استيراد الاغذيه من الخارج زي عمران كده وفر مره دخل اطنان من البضايع الفاسده ومنتهية الصلاحيه جدك اتضكك عليه والموضوع تم تحت رشوة بعض الموظفين بس وقتها كان جد روفان هو الي استلم القضيه وهو اصر ان جدك قاصد وشريك وفضل وراه لحد ما اتحبس
ابوك بقى زعل جدا انهم حبسو ابوه وبقى يكره عيلة روفان وورثها لعمران في المقابل عيله روفان اخدين عننا فكره ان فلوسنا من ورا الشغل المشپوه وان دي مكانتش اول مره ولا بقت اخر مره ومن يومها وهما الاتنين مش بيطيقو بعض واصرارك على الجواز من روفان بالذات عقد الموضوع اكتر مع اخوك وفاكر ان روفان بټنتقم من عيلتو ادي كل الحكايه
جلال اتنهد وقال طيب دي مواضيع خلصت من سنين والمفروض كفايه قوي كده انا كنت عايز اسألك يا ماما انتي تعرفي اماكن قريبه من هنا ملك لعمران او لعيلتنا عايز احاول اعرف اخد فرح فين
نجووى قعدت بيأس وقالت يابني املاكنا كتير قوي وانا معرفش فين المناطق بالظبط
جلال قال خلاص انتي ارتاحي يا ماما وانا هتصرف ومشي من قدامها ولسه هيخرج سمر طلعت وراه ونادتلو وقالت رشيد
جلال بصلها بضيق وقال نعم
سمر قربت منو وقالت المكان الي اخد فرح عليه انا اعرفو ومستعده اساعدك بس طبعا كل حاجه ولها تمنها
روفان كانت خرجت وراه تشوفو راح فين وسمعتو هو وسمر استخبت بسرعه عايزه تسمعها هتقول ايه
جلال قال بضيق وطبعا التمن الطلب الي طلبتيه الصبح مش كده
سمر ضحكت وقالت بوقاحه انت مضايق ليه يا رشيد هيه دي اول مره ما انا وانت ياما كنا سوا وياما ليالي فضيناها في بعض ده لو يتكلم كنت شهدتو
روفان اتسعت عنيها بشده وكانت هتقع من طولها من شدة الصدمه
عند عمران وقف العربيه قدام شقه في مكان بعيد عن القصر ونزل وفتح الباب لفرح وقال انزلي يا ختي ايه