حطمت قلبي بقلم سولية نصار

وغادر ليستند مراد على الحائط ويضع كفه على فمه وهو يبكي دون صوت يبكي كما لم يبكي من قبل كان الألم يمزقه ومن بين الالامه تصاعدت النيران قوية داخله وهو يتذكرها يتذكر تلك التي سلبته حبيبته 
سار كالمچنون خارج المشفى
في منزل عائلة المنصوري 
هنعمل ايه يا وائل !
قالتها صابرين پخوف وهي تنظر إلى هنا التي تمسك طفلها وتجلس على الأريكة 

انا رايح ابلغ البوليس 
قالها وائل بهمس ثم أكمل 
وأنت خليها هنا اوعى تهرب منك ماشي 
هزت صابرين رأسها بينما يغادر وائل 
اتجهت صابرين إلى هنا وقالت بتوتر 
الواد نام هاتيه انومه عندي 
لا لا خليه شوية 
يا بنتي هاتيه بس انومه 
هزت هنا رأسها واعطتها الطفل 
بعد دقائق معدودة اتى مراد وامارات الشړ على وجهه 
مراد!!
قالتها صابرين ببهوت بينما نهضت هنا پخوف 
ولج مراد للمطبخ ثم خرج وهو 
مراد !!!
قالتها صابرين بړعب ليندفع مراد نحو هنا ولكن والدته وقفت بوجهه
يا بني مضيعش نفسك أنا هسلمها
بنفسي للبوليس 
قالتها والدته بړعب وهي تراه يحمل ولكن النيران كانت تندلع بعينيه هو لا ينظر الا لها هي تلك التي ډمرت حياته تلك التي سلبت سعادته 
هز مراد رأسه وقال
ابعدي يا أمي ابعدي !!!
ثم ازاح والدته متجها نحوها ينوي الشړ 
اطلعي يا هنا فوق بسرعة واقفلي باب شقتك 
سيبني يا بابا سيبني 
صړخ مراد بإهتياج ودموعه تتساقط 
انت مچنون عايز تضيع نفسك فكر في بناتك فكر في مراتك 
منار بين الحيا والمۏت منار بتضيع مني 
قالها مراد وهو يبكي بطريقة جعلت وائل يتألم عليه للمرة الأولى فقال 
منار هتصحى وتبقى كويسة أما بالنسبة للي فوق دي فالبوليس دلوقتي هيجي ياخدها من هنا !!!
وبالفعل بعد نصف ساعة كانت قد أتت الشرطة وجرت هنا للسجن !
بعد ثلاث ايام 
قضتها منار بالعناية الفائقة كان مراد لا يغادر المشفى ولو حتى لدقيقة على الرغم أنه كان يراها بشق الأنفس الا أنه فضل ان يمكث بالمشفى على المقعد البارد ينتظر أن تفيق 
كان يصلي يقرأ القرآن ويدعو أن تنهض كان ېموت قلقا كل دقيقة وهي لا تستجيب لتوسلاته بأن تنهض 
يا بني مينفعش كده تعالى روح البيت ونام النهاردة وارتاح على الأقل تطمن بناتك الخايفين دوول 
قالتها صابرين بعد أن مر أسبوع على مكوث
مراد بالمشفى بجوار زوجته لا يتركها لحظة الا عندما يذهب للمنزل لكي يستحم ويبدل ثيابه وللصلاة حالته تدهورت بشكل يوجع القلب لم يعد يأكل جيدا ولا حتى ينام حتى فقد بعض الوزن وأصبحت تحت عينيه هالات سوداء وجهه فقد نضارته كان قلب صابرين يعتصر بسبب معاناة ابنها 
أمي أنت خليكي مع البنات وانا هبقى هنا أنا مش هتحرك من جمب منار لحد ما تصحى لحد ما تصحى هي هتصحى اكيد 
يا ابني اسمع كلامي بس متتعبش قلبي 
نظر مراد الى والدته بجمود وقال 
روحي أنت يا ماما أنا مش هتحرك من جمب مراتي ريحي نفسك 
والدتك عندها حق يا مراد روح انت وانا موجود وابقى نبدل سوا 
قالها سالم والذي كان متواجدا مع مراد منذ أول يوم أصيبت فيه منار ويذهب فقط للمنزل الصغير الذي استأجره فقط لكي ينام 
رد مراد بنفس الجمود وقال
قولت مش هتحرك من جمب مراتي ريحوا نفسكم!!
في غرفة العناية الفائقة 
كان يجلس مراد والدموع تنساب من عينيه كان يتألم وهو يراها نائمة كالأموات على الفراش الشاحب كشحوبها 
انا السبب ياريتني كنت بدالك يا عمري 
غصت نبرته بالبكاء وأكمل
مش ناوية تفوقي بقا يا منار عشان عيالك ملك وماسة دايما بيسألوا عليكي فوقي يا منار احنا ملناش غيرك احنا ضايعين من غيرك ازاي هتسيبينا كده 
مسح دموعه وضحك بحزن قائلا
تعرفي أنا اكتشفت اني بحبك اووي يا منار صحيح أنا كنت عارف كده قبل ما يحصل اللي حصل بس دلوقتي أنا اكتشفت اني بحبك بطريقة متوقعتش اني احب بيها حاسس انك بقيتي جزء من روحي مش قادر اتخيل انك تروحي مني احيانا بفتكر ايه اللي هيحصلي من غيرك مبفكرش غير اني هضيع لو أنت روحتي مني مش هقدر اعيش لو انت روحتي مني يا منار فعشان خاطري عشان خاطر بناتنا قومي يا منار حاربي وارجعي ووقتها عاقبيني بالطريقة اللي أنت عايزاها أنا راضي والله راضي 
آذان الفجر قطع كلماته ليمسح دموعه مجددا ويقول
رايح اصلي يا حبيبتي وهدعيلك 
في مسجد المشفى 
بعد أن أنهى صلاة الفجر 
جلس على سجادة الصلاة وهو يبكي ويدعو
يارب اشفيها
يارب يارب متحرمنيش منها يارب أنا وبناتي ملناش غيرها بعدك يارب يارب أنا ندمت على كل اللي عملته فيها أنا مستحقهاش بس بناتي محتاجينها دوول لسه صغيرين وانا يارب بحبها بحبها هي روحي يارب روحي والله 
ثم غلبه البكاء حتى نام بالمسجد 
يا ابني يا ابني اصحى 
قالها شيخ المسجد لمراد النائم فتح مراد عينيه ونهض ليبتسم شيخ المسجد بوجهه ويقول
صباح الخير يا ابني 
هو النهار طلع 
ده الضهر قرب يأذن يا ابني 
قالها الشيخ بوجه بشوش ثم أكمل 
انا لقيتك نايم وصعب عليا اصحيك 
نهض مراد واقفا وقال
شكرا يا شيخ أنا متشكر اووي انا غفلت عيني بعد ما صليت الفجر 
اومأ الشيخ متفهما ليودعه مراد ويخرج متجها إلى المشفى 
ما أن دخل للمشفى الممرضة وقالت
أستاذ مراد حضرتك روحت فين بدور عليك من الصبح 
ارتج قلب مراد وقال پخوف والدموع تتجمع بعينيه 
مراتي حصلها حاجة !
ابتسمت الممرضة وقالت
مبروك هي فاقت مرات حضرتك فاقت!!
يتبع
الفصل الأخير الحب يفوز دائما 
بحثت عن معان كثيرة للحب فوجدت أن اسمك هو أجمل معنى له 
مراتي فاقت !!
قالها پصدمة كان خائڤ ان يكون ما سمعه خاطئ او يكون بحلم جميل ويستيقظ على مرار الواقع 
هزت الممرضة رأسها بإبتسامة وقالت
ايوة فاقت ودلوقتي نقلناها لاوضة عادية تقدر
حضرتك تشوفها 
انهي أوضة دي !
قالها بلهفة شديدة لتبتسم الممرضة وتقول 
تعالى ورايا 
وبالفعل ذهب خلفها 
في الغرفة كانت منار وابتسمت وهي ترى مراد
منار 
قالها مراد بصوت مخټنق
ابتسمت الممرضة وهي تترك الغرفة 
افتكرتك هتروحي مني !!
وانا افتكرت أني مش هشوفك تاني 
هعملك احلى فرح في الدنيا دي كلها وهنبدأ من جديد كل حاجة هنعيشها من تاني سوا أنا وانت وبناتنا وهاخدك كمان شهر عسل هحقق كل احلامك ياااه يا منار أنا كنت بمۏت فعلا كنت بمۏت وانا شايفك يوم ورا يوم نايمة بالشكل ده فضلت اتكلم معاكي كتير واترجاكي تصحي بس انت مكنتيش بتصحي صممتي تقلقيني عليكي عايزة تختبري حبي ليكي أنا اكتشفت اني محبتش غيرك أنا اتمنيت كل يوم اني اكون بدالك 
انا بقيت كويسة يا حبيبي ومفيش حاجة هتفرقنا من النهاردة 
مستحيل حاجة تفرقنا من النهاردة يا منار 
ولج الطبيب وهو يقول بإبتسامة
اخبار بطلتنا ايه !
نهض مراد بخجل بينما نظرت إليه منار پغضب 
اقترب الطبيب وفحصها ثم قال
لا احنا بقينا تمام اووي شكلك هتخرجي من هنا قريب 
ابتسمت منار وقالت
شكرا يا دكتور 
هز الطبيب رأسه مبتسما وقال 
ألف سلامة 
ثم تركهما وذهب 
لسه بدري يا علاء 
قالها احد اصدقائه عندما نهض هو من امام منزل صديقي 
معلش يا
جابر لازم اروح دلوقتي يدوب احط راسي على المخدة وانام 
ثم ودعهم وذهب وهو يترنح اتجه للطريق العام كي يستقل عربة لكي تقله كان السيارات تسير بسرعة كبيرة وهو لا يرى جيدا يشعر
بثقل كبير في رأسه فاندفع للأمام فجأة ولم يرى تلك الشاحنة الكبيرة التي
اتت بسرعة نحوه وقبل ان يتوقف الرجل كانت الشاحنة تدهسه !!!!
بعد دقائق 
كان هناك تجمع رهيب حول الرجل المسن الملقي على الأرض والغارق في دماؤه بينما تم بتر احد اطرافه بفعل الشاحنة الضخمة 
لا حول ولا قوة الا بالله الراجل خلاص ماټ يا جماعة 
قالها احد الرجال بينما قال آخر 
مسكين التريلا بهدلته 
ان لله وان إليه راجعون الله يرحمه هي ليه الاسعاف مجتش لحد دلوقتي! 
في المشفى 
كان نورهان تقف امام باب المشرحة وهي ترتعش بقوة أخيرا ادخلها الطبيب وسحب درج الثلاجة ثم كشف عن چثة زوجها شهقت هي واغمضت عينيها بقوة وهي تبكي 
هو جوزي أه 
قالتها بصوت مخټنق ليقول بآسف 
البقاء لله ربنا يصبرك 
بعد قليل كانت قد خرجت وجلست على الأرض وهي تبكي پعنف لقد خسړت كل شئ ابنتها في السچن وزوجها ماټ ماذا تفعل ماذا !!!
بعد شهر تقريبا 
كانت منار قد خرجت من المشفى وتعافت تماما لدرجة انها عادت الى عملها 
يعني ايه هتتنازلي عن حقك يا منار !!!
كان مراد يقولها پغضب
حبيبي امها جات هنا واترجتني بعد ما ابوها ماټ في حاډثة ام هنا اتبهدلت وملهاش دلوقتي الا بنتها وعلى الأقل هنا تربي ابنها بعدين هي مش هتطلع كده هي هتتعالج الأول وكده كده لو اتحاكمت إحتمال يودوها مصح البنت فعلا مش متزنة رسميا 
وافرض امها كانت بتضحك عليكي ومش هتعالجها وتيجي بعدين تقرفنا احنا !!!
مستحيل يا حبيبي وبعدين خلاص الست جوزها ماټ وهي عايزة تعالج بنتها عشان ملهاش غيرها واحنا بنفسنا هندخلها المصح وهندفع الفلوس معلش يا مراد فكر في ابن اخوك لازم يتربى في امه 
اعملي اللي انت عايزاه يا منار 
بعد أسبوعين 
كانت تمسك هنا حقيبتها وهي تقف امام مصح خاص فبعد ان تم عرضها على طبيب نفسي اخبرهم انها لديها اكتئاب حاد وقد ټؤذي نفسها لذلك اخبرهم بضرورة ادخالها المصح 
كانت والدتها تقف جانبها وقالت
حبيبتي هاجي ازورك دايما وابنك هيبقى في عيوني الاتنين خفي بسرعة يا
هنا وارجعي لابنك انسي الماضي يا بنتي اللي كان مسود عيشتك ماټ دلوقتي حطي ابنك بس في دماغك ماشي 
في حفظ الله يا بنتي في حفظ الله 
في عيادة سالم 
كان قد انتهى تماما من عمله مبكرا كالعادة بسبب قلة المرضى لديه وفي الايام السابقة فكر جديا في غلق العيادة والاكتفاء بالعمل في المشفى 
نهض ليغادر ولكن فجأة رن هاتفه عبس وهو يجد المتصل والدة حنان فتح الهاتف ورد لتتسع عينيه وهو يسمع صوت حماته السابقة تبكي وتقول
الحقني يا سالم الحقني !! 
في المشفى 
كان سالم يركض في الرواق وصوت حماته ما زال يتردد في عقله لقد اخبرته أنها ذهبت لمنزلهما وظلت تطرق لفترة طويلة وعندما قلقت طلبت من الجيران كسر الباب ونالت أكبر صدمة في حياتها عندما وجدت ابنتها على الأرض ټنزف بقوة وفاقدة الوعي 
وأمام غرفة العمليات وجدها تقف وتبكي پعنف 
ايه اللي حصل 
قالها سالم بړعب لتقترب منه وهي تبكي پعنف وتقول
تنهد سالم وهو يربت على كتفها ويقول
خير خير إن شاء الله 
ثم جلس وهو يفكر بحالها وحالة ابنه فقال بتعب 
استرها يارب 
بعد قليل خرج الطبيب سالم فيقول
قدرنا ننقذها 
الحمدلله 
قالتها والدة حنان وهي تمسح دموعها نظر إليهما الطبيب بآسف وقال
بس 
بس ايه يا دكتور !
سأله سالم بتوجس ليرد الطبيب
يا بنتي !!!
صړخت والدة حنان وهي تفقد الوعي 
بعد ثلاث اسابيع 
كان سالم يجلس على الأريكة بمنزل منار لم تغفر بعد وهو لا يلومها ولكنه قرر ان
يرد الحق لأصحابه خاصة بعد ما ارجعت له حنان المنزل ما زال يتذكر آخر
محادثة لهما 
يعني مش هترجعلي يا سالم!
لا يا حنان خلاص اللي بيننا انتهى شوفي انت حياتك زي ما أنا
هشوف حياتي احنا ملناش رجوع 
بس محدش هيرضى بيا غيرك يا سالم 
قالتها تتوسله ليعود ثم أكملت
رجعني وانا هبقى خدامة تحت رجليك ولو عايز تتجوز تاني أنا معنديش مانع 
ازال يدها وقال دون شفقة 
بس أنا مبقتش عايزك يا حنان مبقتش احبك كنت الأول بحبك فعلا وبعمل المستحيل عشان ارضيكي لدرجة اني رميت أختي واتخليت عنها بس دلوقتي خلاص مبقاش حبك في قلبي اختفى للأبد 
تنهد وهو يضع كفيه في جيبه ويقول
المهم دلوقتي أنا جيت عشان انت قولتيلي أنك هترجعيلي البيت بتاعي 
هزت رأسها وهي تمسح دموعها وقالت
انا هرجعهولك يا سالم ومتنازلة عن كل
حقوقي أنا اللي حصلي علمني كتير اووي 
أختنق صوتها واكملت 
زي ما اختك كانت مرمية على الأرض ورفضت اخليك توديها المستشفى أنا كمان كنت مرمية على الأرض وبنزف وملقيتش حد يوديني المستشفى كما تدين تدان 
عاد من شروده وهو ينظر الى منار التي قالت 
لا فهمني تاني انت عايز تبيع نصيبك في البيت ليا 
هز سالم رأسه وقال
بعد ما رجعتلي حنان البيت قولت اديكي حقك وبصراحة انا ماديا ظروفي وحشة اووي فعايز ابيع نصيبي من البيت ليكي عشان هفتحلي مشروع بدل العيادة اللي مش جايبة همها دي 
طيب وهتعيش فين !
سألته بقلق لم تستطع اخفاؤه فابتسم وقال
متقلقيش يا منار هستأجر شقة صغيرة على قدي وأبدأ من جديد وصدقيني مش هنختلف في السعر خالص 
هو أنا حاليا مش معايا أي مبلغ في ايدي يا سالم شغلي لسه في البداية وحتى لو بعت دهبي مش 
ممكن اخد الفلوس بالقسط عادي ويا ستي اللي تدفعيه مش مهم و 
ولكن منار قاطعته وقالت
لا يا سالم انت هتأخد فلوسك كاملة استنى عليا كام يوم 
اكيد 
في المساء 
يا حبيبي المبلغ كبير هنجيبه من فين بس أنا بفكر كمان ابيع نصيبي مع سالم واخد الفلوس و 
قالتها منار ولكن مراد قاطعها وهو يشد على كفها ويقول
وتتخلي عن بيت أبوكي لحد غريب معقول يا منار!البيت اللي فيه ذكرياتك انت واهلك واخوكي هتقدري تعملي كده ! 
اسمعيني بقا يا ست حلويات احنا مش اتفقنا أننا هنبدأ من جديد يعني هنعمل فرح جديد عشان نبدأ بداية نضيفة !
هزت منار رأسها ليكمل مراد
يبقى خلاص يا قمري اعتبري الفلوس اللي هشتري بيه نصيب سالم دي مهرك ومتتكلميش كتير 
بس 
من غير بس خلاص راجل البيت قرر وانت لازم تسمعي كلامي !!
ابتسمت له بسعادة 
بحبك اووي يا مراد 
وانا بحبك يا قلب مراد 
يتبع
الخاتمة عيناك فتنة
بعد شهر 
استيقظ مراد من نومه وهو يجد منار غارقة بالنوم ابتسم بسعادة اليوم هو اليوم المنشود اليوم سوف تكون البداية الرسمية لهما فمنار اخيرا قد أخذت عطلة من المدرسة
التي تعمل بها وهو أخذ عطلة أيضا وجعل البنات يذهبون إلى جدتهم 
نهض بنشاط من على فراشه اتجه إلى الحمام وغسل وجهه واسنانه ثم اتصل بشخص ما 
بعد نصف ساعة بالضبط كان جرس المنزل يدق اتجه بسرعة إلى الباب وفتحه وهو يأخذ الطرد من الرجل ويعطيه المال ثم يغلق الباب وهو يضع الطرد بالصالة 
ثم بعث رسالة لأحدهما 
بعد دقائق معدودة استيقظت منار وعبست عندما لم تجد مراد بجوارها 
مراد 
قالتها بحيرة ونهضت خارجة من غرفتها 
صباح الخير 
قالتها مبتسمة وهي تراه يضع الافطار على السفرة 
ابتسم وهو يراها
صباح الخير يا حبيبي اغسلي وشك يالا عشان تفطري 
نظرت الى الطرد الموضوع ثم نظرت إليه بحيرة وقالت
ايه ده يا حبيبي !
بعدين يا منور يالا دلوقتي روحي اغسلي وشك عشان تفطري يالا 
هزت منار رأسها وذهبت لتغسل وجهها 
بعد قليل 
برضه مش هتقولي ايه
اللي في العلبة ده!
تؤ كلي الأول 
أخيرا انتهيا من الفطور واخذ مراد الأطباق وادخلها للمطبخ وغسلها ثم خرج وتجمد للحظات مكانه وهو يرى منار تحاول فتح الطرد
هوب هوب لا يا حبيبتي استني 
بتعملي ايه يا حبيبة قلبي !
مراد عايزة اشوف الهدية 
لا قولت مش دلوقتي استني شوية 
رن جرس الباب ليقول 
اهي جات 
ثم ترك منار واتجه نحو الباب وفتحه لتدخل تقى ومعها سيدة آخرى تحمل صندوق حديدي أنيق الشكل 
تقى !
قالتها منار عابسة ليقول مراد 
انا همشي دلوقتي ولما تقرب تخلص خالص اتصلي بيا عشان اجي واخدها 
ثم خرج بالفعل تاركا منار محتارة هي لا تفهم ماذا يحدث بالاول ترك البنات لدى والدته ثم جعلها تطلب عطلة وحتى هو والآن وجود تقى وتلك المرأة الغريبة والطرد 
يالا يا عروسة عشان هنجهزك 
قالتها تقى وهي تقترب منها عبست منار لتقترب تقى من الطرد وتفتحه ثم تخرج فستان الزفاف الكبير الذي به والذي كان أروع ما رأته يوما 
واو ده زي فستان الأميرات 
قالتها تقى بإنبهار وهي تتطلع الى تصميم الفستان البسيط والراقي بنفس الوقت 
توسعت عيني منار وهي لا تصدق الأمر فستان زفاف!!
عندها تذكرت عندما قال لها مراد انه سوف يصنع لها زفاف لا يصدق !!لقد وفى بوعده لها تجمعت الدموع بعينيها لتقترب منها تقى وتقول
لا يا عروسة مفيش وقت للعياط يالا عشان نجهزك عشان الليلة ليلتك 
بعد ساعات من التحضير خرجت منار كعروس جديدة كانت رائعة الجمال الفستان كان ينسدل على جسدها بشكل لا يصدق والحجاب الذي ترتديه زادها جمالا عينيها الرمادية كانت مكحلة بشكل ابرز جمالهما 
اللهم بارك طالعة زي القمر 
مبروك يا زميلي ألف مبروك 
ضحكت منار برقة وقالت
الله يبارك فيكي يا زميلي وعقبالك انت وعاصي 
احمر وجه تقى بخجل لتضحك منار مجددا 
أسفل المنزل كان يقف مراد مرتديا حلة سوداء وخلفه سيارته المزينة بالورود كان مبتسما بسعادة قلبه يخفق
بقوة حياته أخيرا استقرت مع حبيبته وقد اتصلت به والدة هنا لتخبره ان هنا تستجيب جيدا للعلاج وهذا اراحه كثيرا فكم يتمنى ان تبدأ حياتها من جديد بعيد عنه هو وزوجته 
فجأة اصابت دقات قلبه الجنون وهي تخرج من البناية فغر فاهه بقوة وهو ينظر الى جمالها بدت اجمل ما راته عينيه 
مراد 
جاهزة تعيشي ليلة احلامك !
هزت رأسها بحماسة ثم ولجت للسيارة 
اشار مراد لتقى ليودعها وقال
متنسيش الساعة تمانية تيجي القاعة ماشي !
هزت هنا رأسها ليستقل هو السيارة ويغادر 
أمام قصر البارون 
توقفت سيارة مراد لتتوسع عيني منار پصدمة وهي تقول
انت هتعمل ايه هنا !
فوتوسيشن 
قالها مبتسما وهو يخرجها وقد جهز هو كل شئ مسبقا 
بعد عدة صور قد اخذها المصور الفوتوغرافي لهما استقلا السيارة واخذا يدوران بها قليلا حتى حل المساء 
في احد القاعات الفاخرة 
كانت منار تتأبط ذراعي زوجها وما ان دخلت حتى ألقى عليهما الورود من كل جهة كانت منار تنظر حولها بدهشة وهي ترى العديد من المدعويين منهم شقيقها سالم يقول 
مبروك يا حبيبتي 
لتجد صابرين قائلة بحب
انا عارفة أنك صعب تسامحيني وان اللي عملته في حقك وحش بس والله ندمت انت جوهرة يا منار مراد الوحيد من اخواته اللي اختار عدل علي اتجوز مچنونة وآسر مطلقة انت اللي فيهم والله يا منور 
امي مش وقته الكلام ده خلاص 
قالها
مراد بضيق لتنظر إليه صابرين متجهمة وتقول
الله يا مراد بفضفض من غلي اخوك آسر رافع ضغطي من أول ما جه الفرح وهو لازق في مراته ومش راضي يسيبها وابوك واقف هنا وهتجيله جلطة بسببه والله ما حد ھيموتنا غير اخوك آسر ده 
خلاص يا امي عدوا الليلة عشان خاطري 
قالها مراد
بتعب لتهز صابرين رأسها وتبتعد 
تقي قالت 
افرحي النهاردة يومك انت اللي كسبتي يا منار 
انتهى الزفاف وقاد هو السيارة بها 
فتح باب الشقة ليدخل وهو ومراته 
انا مش قادرة اصدق أنك عملتلي فرح كبير زي كده وانا مخلفة منك اتنين 
ويا ستي كل
سنة اعملك فرح لو عايزة أنا عندي كام منار 
انا بحبك أنا يا مراد 
وانا كمان بحبك 
بعد يومين 
في الغردقة 
كانت تقف منار امام البحر وهي تغمض عينيها وتبتسم المچنون صمم ان يأخذها بشهر العسل وكان يريد ترك البنات مع والدته ولكنها رفضت بصرامة لذلك اخذهما معه 
ابتسمت منار وهي تعترف انها تعيش الآن اجمل ايام حياتها فمراد لا يتردد ابدا في اظهار حبه بطريقة تجعله تطير فوق السحاب انه ناجح للغاية في تغذية انوثتها في اشعارها انها الأجمل على وجه الأرض وهي انثي والانثي تعشق من يدلل انوثتها يهتم بتلك التفاصيل الصغيرة هي انثي تعشق الاهتمام وتتيم بالتفاصيل 
فين البنات!ناموا أخيرا يالا بقا عشان نقعد ونستمتع بجمال الليل على
الشاطئ ده أنا واخد شاليه بعيد عن الناس مخصوص عشان أقعد معاكي براحتي 
ابتسمت منار وقالت
هتقولي شعر !
تؤ هغنيلك 
قالها مبتسما 
عبست وقالت
هتغني لمين !
يبدأ في الغناء 
أنا وهي عايشين في فيلم السيما
الصورة ال والألوان جميلة
متمردين ع الفاضي بدون قضية
بندوس بنزين جامد جامد جامد عشان نهرب من الدنيا ديه
أنا وهي جينا في وقت غير الوقت
وعشان كده مقضينها سوا شد وخبط
بنهرب من نفسنا بنجري ولسة بنخاف
وفي حياة جوانا لسه ما عيشناهاش
معاكي بنسى أنا مين
بحس إن أنا James Dean
عربية cabriolet موديل ستين
وإيديكي مرفوعة في الهوا
شعرك بيطير
معاكي بنسى أنا مين
بحس إن أنا James Dean
عربية cabriolet موديل ستين
وإيديكي مرفوعة في الهوا
شعرك بيطير
انهى الأغنية و هو يقول 
ياريت حبك ليا مينتهيش 
وياريت حبك ليا مينتهيش 
مستحيل هفضل أحبك لحد ما أموت ده وعد 
تمت