حواديت الطب الشرعي بقلم حبيبة ياسر

چثة كانت عايشة من ساعة بالظبط مفيهاش اعضاء! حتى الډم مش موجود!
غمض عينه وقال بتوتر
كنت متأكد
بصيتله باستغراب فحكالي كل اللي حصل بعد ما الراجل ماټ ولما سألته ليه خبى عني كانت إجابته
مكنتش عايز أأثر على حكمك أنا كنت متأكد إن في حاجة غلط بس مكنتش عايز أصدقها ولا اصدق الدكتور
كنت في حالة متمناهاش لألد اعدائي تايهة بين اني اكمل تشريح أو أوقف وأمشي لكن حالة مراد كانت صعبة وكمان الفضول مكانش سايبني في حالي رجعت اوجه نظري على الچثة بهدوء إتهيألي انها بتتحرك! لحظة هي باصالي ازاي!
كانت عيون الچثة خارجة لبرة بشكل يرعب جاحظة ومبحلقة فيا
قربت علشان أقفل عيونه لكن قبل ما اتحرك أي خطوة الإضاءة بدأت ترعش بشكل مرعب الباب أتقفل فجأة ومع صوت الباب صړخت انا ومراد بأعلى صوت!
لكن مكانش في حد بينجدنا كإن محدش سامعنا أصلا!
حاولت أتمالك أعصابي وأجرب أقرب مرة تانية لكن المرة دي النور قطع خالص جريت على كشاف وفتحته حسيت ان الچثة كانت بتتحرك حركة ملحوظة انا فعلا شوفتها
دي مش أول مرة اشوف چثة بتتحرك دايما بيتهيألي حاجات زي كدة وبرغم اني عارفة ان المرة دي مش تهيئات إلا اني كدبت نفسي ورجعت أمسك المشرط علشان أكمل تشريح لازم أفهم إيه حكاية الچثة دي
قربت عليها إيد فيها كشاف وإيد فيها المشرط وورايا مراد بيحاول يهدي نفسه من التوتر بتاعه
أول ما وقفت قدام السرير حسيت بحاجة غريبة قبضة قلب مش طبيعية في حاجة جوايا بتقولي أجري متكمليش
لكن انا عاندت بصيت لعيون الچثة اللي متثبتة عليا بلعت ريقي پخوف لكن مهتمتش وفي اللحظة دي..
الچثة فعلا اتحركت!
مسكت إيدي بقوة المشرط وقع من ايدي كانت بتضغط على ايدي جامد
وانا كنت پصرخ لكن مش من الألم انا پصرخ من رهبة الموقف!
يعني إيه چثة مفيهاش اعضاء ولا ډم ماسكة ايدي بالقوة دي!
طب دة لو حلم هيخلص امتى
في اللحظة دي سمعت الراجل بيتمتم بكلام مش مفهوم كنت خاېفة جدا مسك المشرط وحطه على رقبتي الكشاف وقع في الأرض أتطفى وبقت المشرحة ضلمة كاحلة!
بصيت على مراد اللي كنت بحاول استنجد بيه لقيت عينه اتحولت لعيون الچثة لحظة دة.. دة بيقول نفس الكلام اللي بيقوله الراجل!
اڼهارت من العياط جسمي بدأ يرتعش واعصابي فكت وقبل ما يغمى عليا سمعت الراجل بيقول
لو أتكلمت هتتأذي أبعد عن طريقي وإلا هاخد روحها.
٢
وايه اللي حصل بعدها
فوقت تاني يوم لقيتني في بيتنا كإن مفيش حاجة حصلت جريت على المستشفى سألت واحد واحد بس محدش يعرف حاجة عن اللي حصل دخلت اوضة المشرحة مكانش في اي دليل يثبت ان كان في چثة هنا أصلا! لكن انا شوفت المشرط اللي كان محطوط على رقبتي مرمي تحت السرير كمان الكشاف اللي اتكسر في الأرض موجود كل دي دلايل لكن مفيش منها فايدة لإن محدش كان موجود معايا..
سألتني بهدوء
مراد
جاوبتها وانا دموعي بتزيد
دورت عليه كتير اوي روحتله على مكتبه دورت على عنوان بيته أرقام موبايله لكن مفيش فايدة كإن ملوش أثر لغاية ما جيبتيلي خبر ۏفاته
سرحت ثانيتين لكن فجأة أفتكرت الجواب اللي وصلني منه بصينا لبعض فجأة بترقب أنا ومرام حسيت ان كل حاجة دلوقتي متوقفة على الجواب دة كإن فيه التفسير لكل اللي بيحصل فتحته وبدأت اقرأ.. الكلام كان صعب إني أستحمله كان الكلام المكتوب تاني أكبر صدمة في حياتي
بعد صدمة الچثة..
يتبع..
حواديت الطب الشرعي
أنا عالم ولست چثة أنا