رنا وأحمد
مقلب صح
بصلي والدموع بتلمع في عنيه.... اهدي يارنا... حبيبي المهم انك بخير
فضلت اصوت واشيل الاسلاك الي متوصله في ايدي...... هي السبب والله هما السبب هي لو كانت لحقتني بسرعه كانوا كانوا حتى لحقوه بس بس هي هي قالتلي ياعاميه كدا توسخي الهدوم ومهتمتش بيا وانا قدام عيونها بمۏت من الوقعه ...ابني ابني انا عايزه ابني هما السبب والله وامك وامك دي بردوا لو كانت عندها رحمه حتى كانت صعبت عليها من الصبح كل شويه اعملي وسوي وطبيخ وغسيل ونشير وكنس ومسح اااه منكو لله يابعداااا اااه
بس امه زعقت فيها..... انتي مش متربيه يابت والله بقا بتدعي عليا وانت ياسيد الرجاله ساكت والله انا الي غلطانه اني سيبت حتتي وبيتي وعبرت واحده مش متربيه زيها يالا يابت ياحنان
..
عدا اسبوع وانا قافله عليا شقتي ومليش دعوه بحد ومعتش بنزل بس تلقيح شغال كل ما اجي انشر وكأنهم مستنين اي فرصه يحرقولي دمي فيها.. سكت لحد ما احمد يجي من الشغل واحكيله حقيقي معتش قادره
احمد بعصبيه.... انتي الي واحده مستهتره
بصتله پصدمه وانا مش مصدقه وداني ونظراته كانت جامده وخاليه خالص من مشاعر الحب الي بيبصلهالي كل مره اي حصله..... انا ياأحمد
ايوا
انتي وبقولك لاخر مره يارنا طلعي حنان مرات اخويا من دماغك بقا متخليش غيرتك تعميكي
سبته ودخلت اوضتي بهدوء بس جويا كسره فظيعه
...
قولتلك اتجوز عليها دي واحده متمرده مدلعه صدقني مش هتتعدل غير لما تتجوز عليها يابني اسمع مني مش هيكسر الست الي ست زيها
احمد پخوف.... بس هي ممكن تعوز تطلق
بدات امه تفرح انها قدرت تلين دماغه شويه وتخليه يسمع كلامها
..
كنت واقفه على السلم سامعه كلامهم مزعلتش منها قد مازعلت من احمد جوزي الي واقف يسمعلها على الاقل كان يقولها مينفعش كدا ياامي بحبها اي حد يسكتها بس معنى انه يسمع منها ويسيبها تكمل دا انه بيفكر في كلامها دموعي نزلت وانا قلبي حساه كانه بيتعصر من الالم... وانا الي كنت ناويه انزل اطيب خاطرها بكلمه بس ماشي وربنا لاخد حقي تالت ومتلت وحقي ابني كمان
افتحي ياختي يالا لمي هدومك وعلى بيت اهلك ابني انا هجبله عروسه ست ستك
كټفت ايدي وانا ببصلها ببرود.... هيتردلك في بنتك ان شاء الله
وبعدين بصيت على سلفتي.... وانتي كفايه دعايا عليكي بالليل في قيام الليل على الي عملتيه فيا وفي ابني وربنا مبيضيعش حق مظلوم ابدا
ضړبتها بالقلم.... امي متجيش على لسان واحده حربايه زيك
حماتي شدتني عنها وزقتني.... ابعدي عنها يابت انتي مهياش قدك ... ربنا على الظالم الي زيك
ضحكت جامد..... انا الي ظالمه اممم وانتوا اي ملايكه عارفه انا مش مستغربه انك بتادفعي عنها مانتوا زي بعض حرابيئ الډم بيحن بردوا خلصت كلامي لقيتهم هجموا علينا وبيضربوني ومحاولتش حتى ادافع عني عشان ببساطه انا عايزه كدا دي خطتي اصلا
..
كنا واقفين قدام الظابط وانا شيفاهم الاتنين بيعيطوا وانا مبتسمه اه موجوعه من ضربهم بس كله يهون عشان اخد حقي منهم تالت ومتلت
اتكلم الظابط.... ناويه على محضر ولا تتصافوا
بصيت لحماتي الي بتبصلي برجاء محبسهاش هي وسلفتي قلبي وجعني عليها هي ست كبيره بردوا والحبس وحش بس فجاه اتفكرت الي عملوه فيا وفي ابني بردوا الي ملهوش ذنب وقولتله بقوه..... لايباشا عايزه اعمل محضره اعتداء واظن انت جيت وشوفتهم بعينك وشوفتهم وهما بيعتدوا عليا وعايزيني يطردوني من شقتي
فجأه دخل احمد وعيونه بتطق شرار..... بقا عايزه ټحبسي امي ياااااارناااااااا
3
... بقا عايزه ټحبسي امي ياااااارناااااااا
رنا بقوه مصطنعه.... ايوا يا احمد... اي هتعمل اي
احمد بعصبيه..... دا انا امۏتك فيها
رنا ببرود.... اكتب عندك ياحضرت الظابط فيه بلاغ بيهددني وقدام سيادتك كمان
احمد اټجنن من قوتها الي اول مره تظهر له..... لا انتي اټجننتي خالص يارنا على الاخر.... واخدها بعصبيه على جنب.... قدامك دقيقه تنهي فيها المهزله دي احسنلك يارنا
رنا بعصبيه..... سيب ايدي ومش متنازله عن حقي انا بقولك اهو
احمد بعصبيه..... وربنا فيها طلاقك
رنا ببرود.... انت حر.. انت الخسران اصلا وسابته ومشيت وقعدت قدام الظابط تكمل في الاجراءات.
بقلمي بسمله بدوي
..
دخلت شقتي وانا فرحتي مش سيعاني اول حاجه عملتها اخدت شاور ولبست بيجامه ستان وفردت شعري وحطيت ميكب وعملت نسكافيهي وشغلت فيلم كوميدي وقعدت نص ساعه ولقيت باب الشقه بيترزع رزع ودخل احمد بعصبيه..... بقااااا انتي ياااا هانم قاعده هنا ولا على بالي وبتضحكي كمان وامي مرميه في السچن ياااااابجااااحتك ياشيخه ياابجاحتك
بصتله ببرود وانا بكمل شرب الناسكافيه باستمتاع..... ولسا هو انا كدا عملت حاجه... دا انا لسا كدا مأخدتش حقي
اټهجم عليا ولسا هيضربني مسكت ايده ببرود..... صدقني دا مش في صالحك خالص
نفض ايده من ايدي بعصبيه..... ناويه على اي
ضحكت ببرود.... كل خير ياروح قلبي.... هاخد حقي ال انت معرفتش تجبهولي
بصلي والدموع بتلمع في عنيه وهو بيحاول يداريها..... عمري ما اعرف اقسي عليها يارنا... دي مهما كانت امي
صړخت بانفعال في وشه..... امي امي اميييييي ايييي وانا اي ياشيخ انا ايييييييي...
احمد بصوت مجروح..... انتي حبيبتي ومراتي بس
صړخت فيه ببكا...... مش باااااين... انا مش
بقولك تعالى على امك انا بقول اعدل قول الحق... والي واجعني انك شايفني مش مقصره صح ولا بكذب قول انا بتبلا عليها انا مقصره في حاجه دا انا حتى مابيديش ربع اهميتها لبيتي.. انها تتغير مابتتغيرش وفوق كل دا بتبخ سمها فيك وبتحاول تكرهك فيا ليه اذيتها في اي.. تعرف انا كان ممكن اسامح والله بجد كنت هسامحها عشاني بس حق ابني عمري ما انساه ابدا ولا عمري هتراجع عنه وهاااخده يعني حقه
احمد بضعف..... انتي ليه مش حاسه بيا انا..
كملت بحسره ودموع.... انت ضعيف ومتستاهلش حبي ليك يااحمد والله.... يا بن امك ههه
احمد بصلها بحزن وسابها ومشا
مشا من هنا ودخلي اخو جوزي بغل...... انا مش احمد ياارنا انتي زي الشاطره تيجي معايا تتنازلي عن المحضر بدل وعزه جلاله الله اډفنك هنا
ضحكت باستفزاز.... لو راجل اعملها وصدقني انت كمان هحبسك وبالقانون ولو قربت مني بس او عملت فيا حاجه هتلاقي البوليس فوق دماغك وهتروح لمامي ومحروستك ياحرام شكلهم وحشوك باين عايز تجرب ياسامح
سامح بغل.... ماشي ماشي انتي الي بدأتي يارنا خلي بالك زعلي وحش اوي
هزيت كتفي ببرود.... كان غيرك اشطر... اعلى مافي خيلك اركبه يالا بقا هوينا
بصلها بغل ومشى
اول ما مشى قلعت قناع اللامبالاه وعيطت بحرقه.... انا مش قاسيه بس لو سكت هياكلوني سكت كتير اوي والله وسامحت اكتر وكله عشانك ياأحمد وانت اثبتلي اني ولا
