اسكريبت مالك و ليلي الفصل الاول 1
دا ولسه ليا 3 شهور عدة هيحاول يدفع فيهم الباقي... متقلقش عليا مش هتجوز واحد زي عماد..
بعد سنتين.
ليلي علي مهلك.. براحه.. ارتاحي ومتفكريش في حاجه.. قدر الله وما شاء فعل..
ندي پبكاء أنا كنت فرحانه اوي اني حامل.. مكملتش شهرين حتي..
ليلي احمدي ربنا أحسن ما كنتي تتعلقي بيه أكتر..
ليلي معلشي ي ندي.. اختبار من ربنا ليكي.. استحملي..
خرجت من أوضتها وسيبتها ترتاح وبعدين روحت للمطبخ اساعد مرات عمي..
منال هي اتصلت بيكي انتي ليه!!
ليلي قالتلي اتصلت بمامتها وتليفونها مقفول وكمان تليفونك مقفول ف اتصلت عليا وجبتك وجيت..
منال مش هتريحي قلبي ي ليلي...
منال وافقي انتي بس ملكيش دعوة بمالك..
ليلي يبقي مش عارف.. الافضل تقوليله وبالنسبة ليا انا مش هتجوز مالك لو حصل اي.. تمام.. انا همشي بقي خليكي مع مرات ابنك.. سلام..
سيبتها ومشيت...
الاول اتجوزت مالك وقلت عشان خاطر بابا ميتحبسش وعشانه هعمل اي حاجه..
و بعدين مالك يطلع متجوز وعايش عادي وبكل بجاحه يقولي هعدل بينكوا..
و بعدين امه تقولي اتجوزية عشان تجيبلنا حته عيل... هو انا الحيطه المايلة بتاعتهم ولا اي...
مفيش اي حد بيحس بيا.. ليه حاسين اني جبل ممكن استحمل ولا اتجرح..
________________________________________
بتفرج علي المسلسل لحد ما لقيت مالك بيرن بصيت للرقم بضيق وبعدين رديت..
مالك ازيك ي ليلي!
ليلي الحمد لله انت أخبارك اي!
مالك بخير الحمد لله.. كنت عاوز اشكرك عشان جيتي لندي لما كانت تعبانه..
ليلي مفيش داعي للشكر.. ألف سلامه عليها وربنا يعوض عليكم ي رب..
اسف اوي والله ي ليلي هي اكيد ضايقتك بس انا قولتلها متفتحش الموضوع دا تاني لا معاكي ولا مع غيرك..
ليلي مالك.. خليك جنب مراتك.. لازم تبقي انت اول حد هي تفكر فيه في موقف زي اللي حصل.. موبايلك ليه مبتردش عليه وقت الشغل افرض حصل حاجه ضروريه معاها مهو الشغل مش أهم منها.. خليك معاها..
ليلي اعتذر ليها هي.. يلا سلام عشان ورايا مسلسل..
مالك سلام..
قعدت اتفرج علي المسلسل وقدامي طبق الفشار بتاعي لحد ما لقيت بابا وماما جايين ورا بعض..
ليلي اي مالكوا!
محمود كنا عاوزين نقولك حاجه..
ليلي قولوا.. في حاجه ولا اي!
عزة فاكرة في فرح اختك من اربع شهور ام أحمد اللي جت سلمت عليكي..
ليلي ااااه.. امم مالها ام احمد ي ماما..
عزة ابنها طالبك للجواز..
ليلي مين احمد!
عزة هيكون مين يعني!
ليلي اه.. طيب ابنها طالبني اعمل اي.. عاوز اي يعني..
محمود ي بت بطلي اللماضة.. ارد ع الراجل اقوله اي!
ليلي بهدوء قوله يجي ي بابا واللي فيه الخير يقدمه ربنا..
عزة بفرحه بجد..
ليلي علفكرا انا موافقتش.. لسه بدري ع الموافقه..
عزة المهم ان المبدأ موجود.
ليلي حاسه اني قاعده علي قلبك ي عزة..
عزة اه الصراحه زهقت منك.. مبتعمليش معايا حاجه ومقضياها اكل طول النهار..
ليلي انا بتهان في بيتك ي حاج..
محمود بضحك الله ي عزة لو متدلعتش في بيت ابوها يعني هتدلع فين!
عزة پغضب عند الست ندي.. كنتي بتعملي اي هناك ي بت..
ليلي كانت تعبانه وملقتش حد غيري تتصل بيه اسيبها..
عزة لا الف سلامه ي حنينه..
ليلي اسكتي ي ماما دي خسړت الجنين..
عزة بجد.. لا حول ولا قوة الا بالله.. مكنتش اعرف..
ليلي زعلانه عليها
