اريد غفرانها بقلم سولية نصار
يا بنت عمي
...
بعد ما مشي مسكت ام أنس ايديها وقالت
ايه اللي انتي عملتيه ده يا بنتي !
بصتلها ايات وقالت
عايزة أعمل كده عشان اتخطاه لازم اتخطاه ...
......
مرت الايام وجه يوم خطوبتي ...كنت قاعد وانا سعيد مع رهف في الكوشة وكان مفروض نلبس الدبل...بس احيانا عينيا كانت بتروح علي باب القاعة عشان ادور علي ايات ...حبيت اشوف رد فعلها وانا بلبس الدبل ...فجأة اتجمدت وانا بشوفها دخلت ...لابسة فستان بسيط وماسكة ماما ومبتسمة ابتسامة جميلة ...وش رهف اتقلب لما شافتها وقالت
بصتلها واتنهدت وقولت
دي بنت عمي متنسيش
طيب يا اخويا
قالتها وهي متضايقة. .مسكت ايديها وقولت
ايات خلاص انتهت من حياتي هي جاية دلوقتي عشان هي بنت عمي مش اكتر ...
قربت ايات وماما ابتسمت إيات وقالتلي
الف مبروك يا انس ...
وبعدين بصت لرهف وقالت
مبروك ...
الله يبارك فيكي
ايه مش هنلبس الدبل ولا ايه !!
اكيد يا حياتي ...
جابوا الدبل ولبسناها وفجأة ايات زغرطت لينا ...
بصتلها جامد عشان المح أي اڼهيار بس بالعكس كان باين عليها السعادة ...
بعد شوية اخدت ايد رهف وبدأنا نرقص سلو...
....
كانت ايات واقفه ودموعها بتنزل وهي شايفاه بيرقص معاها ...بتشوف احلامها بتحققها واحدة غيرها ...حطت ام أنس ايديها علي كتفها وقالت
هزت ايات راسها وقالت
لا يا ماما ..لا حابة اشوفه معاها وابكي لاخر مرة ...حابة اسجل اللحظة دي عشان لو حصل وندم افتكر اني مينفعش اغفر ليه عشان اللحظة دي ...اللحظة اللي خلته يستبدلني بواحدة تانية
...
......
مرت الايام بسرعة وعرفت ان ايات سجلت في تجارة مفتوحة وبدأت تدرس ...بصراحة اټصدمت علي اصرارها انها تتعلم بدأت جد وكانت بتشتغل وتدرس في نفس الوقت وبدأت شوية بشوية تتجاهل وجودي اصلا وكأن مفيش هدف في حياتها الا دراستها ووقتها بدأت اشوف ايات بنظرة تانية غير البنت الجاهلة اللي كنت فاكرها ...بدأت تتعلم انجليزي وتقرأ كتب تنمية بشړية وكتب في كل المجالات حتي روايات لاعظم الادباء ...
مر الشهرين بسرعة واتجوزت رهف في فرح كبير وسافرنا شرم الشيخ لشهر العسل وده طبعا بسبب شغلي في مستشفي كبيرة كانت مرتباتها حلوة اووي ...
...
نورتي حياتي يا عروسة
قولتها وانا شايل رهف وداخل اوضتي في الفندق ...ضحكت رهف وهي حاطه ايديها حوالين رقبتي...حطيتها علي السرير براحة وقولت .
النهاردة احلي يوم في حياتي يا رهف حياتي معاكي هتبقي سعيدة وهبقي سعيد اكتر لما نخلف بنوتة شبهك ...
طبعا طبعا يا حبيبي ..
.....
مرت الاسابيع بيني وبين رهف هادية وكنت بتمني ان ربنا يرزقني بطفل منها ...بحبك باليوم اللي هبقي فيه أب بس في يوم ...
كنت في بيتنا هي كانت في الحمام وفجأة لقيت تليفونها رن ...جيبت الشنطة وعشان اشوف مين ...وقعت فجأة ...جيت اشيل الحاجات واټصدمت وانا بلاقي شريط منع الحمل معاها!!
ايه ده يا هانم ...
صړخت وانا برمي البرشام في وش رهف بعد ما طلعت من الحمام ....بهتت للحظات وبعدين وشها بقا بارد وهي بتلم البرشام وقالت ببرود
ده برشام منع الحمل انت دكتور واكيد عارف ...
مسكت دراعها وصړخت فيها وقولت
انت هتستهبلي يا حبيبتي!ما أنا عارف انه زفت ..السؤال هنا ده معاكي ليه...
بعدت عني وهي بتهز كتفها وبتقول
بأخده ...
رجعت لورا وقولت پصدمة
بتاخديه !!!مش عايزة تخلفي مني يا رهف !!بتستغفليني وانا اللي بقولك نفسي اجيب أولاد ...ونفسي ابقي اب
