حبي الوحيد بقلم سولية نصار

سكريبت 
مريم إياد فاق!! 
فتحت عيني والنوم طار خالص... وأنا بقول بأمل 
صحيح يا رضوي فاق... إياد فاق! 
اه والله فاق 
بكيت من الفرحة وأنا بقولها
طيب طيب أنا جاية فورا... 
قفلت التليفون بسرعة وقمت أخدت شاور ولبست هدومي بسرعة... إياد حبيبي فاق... بعد غيبوبة استمرت لست شهور.. أنا كنت خلاص بنهار من غيره بس اتمسكت بالأمل.... أنا وإياد اتجوزنا من سنة ونص... صحيح هو اغني من عيلتنا بكتير بس عمره ما حسسني بالفرق... كنت عايشة معاه أجمل أيام حياتي.... كنت حاسة إني طايرة ولأن السعادة مبتكملش إياد جوزي عمل حاډثة كبيرة من ست شهور ودخل بسببها في غيبوبة... من وقتها وحياتي وقفت حرفيا... اڼهارت وبكيت وفضلت جمبه في المستشفي لأيام بس مفقدتش الأمل.... 

أخيرا وصلت للمستشفي.. قلبي كان بيدق جامد... أخيرا... أخيرا هنرجع سوا.... أخيرا حبيبي فاق... في طريقي قابلت رضوي صاحبتي وممرضة في المستشفي... كانت الوحيدة اللي ساعدتني في ازمتي دي 
ابتسمت رضوي وقالت 
ما صدقتش لما الدكتور اللي بيشرف عليه قالي انه فاق... كان طالب يكلمك. 
مشيت ناحية أوضة إياد وأنا بقاطعها وبقول 
بعدين بعدين يا رضوي... 
جريت علي أوضة إياد وقلبي طاير من الفرحة.. فتحت الباب واټصدمت باللي شوفته... إياد كان مع نورا بنت عمه وخطيبته السابقة.... ابتسامتي اختفت وحسيت قلبي انكسر.. 
بصلي إياد بحيرة وقال 
انتي مين وازاي تدخلي كده! 
اټصدمت وأنا ببصله... افتكرته بيهزر... ازاي مش عارفني... بس عيونه مكانتش بتهزر باين فعلا عليه الحيرة والتشتت... كنت لسه هرد لما اتكلمت نورا بخبث وقالت 
دي مريم يا حبيبي تبقي الخدامة بتاعتي طلبت منها تجيبلي هدوم. 
بصتلي نورا وقالت
جيبتي الهدوم يا بنت 
بصتلها بذهول... حاسة إني بحلم... لا ده مش حلم ده كابوس مرعب.... قامت نورا من مكانها ومسكت أيدي وخرجتني برة وبعدين قفلت الباب وراها ولسه هتتكلم جه الدكتور وقال مدام مريم انتي وانسة نورا حابب اتكلم معاكم شوية... 
فقدان ذاكرة جزئي!! يعني ايه مش فاهمة! 
قولتها وأنا مصډومة رد الدكتور بهدوء
يعني يا مدام مريم جوزك لما عمل حاډثة فقد ذاكرته بس مش بالكامل هو نسي بس الفترة اللي قابلك واتجوزك فيها.... هو آخر حاجة كان فاكرها أنه كان خاطب آنسة نورا. 
دموعي نزلت وانا ببص لنورا اللي بتبص ليا بإنتصار. 
بصيت للدكتور وإنا بمسح دموعي وبقول 
أكيد في حل يا دكتور ابوس ايديك ساعدني ازاي نرجعه كويس زي الأول. 
للأسف يا مدام دي حاجة مش بإيدي ولا بإيد أي حد دي بإيد ربنا... ربنا إذا أراد ترجعله هترجعله ولو ما اردش مش هترجعله. 
طيب مش ممكن أنا افكره بذكرياتنا سوا. 
بصتله نورا پخوف.. فرد الدكتور 
لا اوعي تعملي كده... بالطريقة دي ھتأذيه.. قولتلك دي حاجة بإيد ربنا. 
مسحت دموعي وأنا بحس الدنيا بتدور بيا... حطيت ايدي علي وشي وقعدت ابكي... ابتسمت نورا وبصت
للدكتور وغمزتله. 
أنا مش هسيب جوزي. 
زعقت مع نورا اللي ماسكة شنطة