زوجة زوجي بقلم سوليه نصار

اللي پتبكي وقولت 
عارفة يا زوز عملتلك حفلة كبيرة اووي ....جيبتلك الشنطة اللي كان نفسك فيها ...يوم ما بصيتي عليها عرفت انك عايزاها ...عشان كده اتفقت مع صاحبة المحل انها تحجزهالي
شروق كفاية 
قالتها ببكا ..
انتي بتقتليني بالطريقة دي ...ابوس ايدك كفاية
مسحت دموعي وقولت بضحك 
تحت بيقولوا ان انتي ونادر متجوزين...دوول مجانين ومضحكين اووي ...ميعرفوش انك اختي ومستحيل ټخونيني ...انتي عارفة انا اشك في نادر انه يتجوز عليا ...بس انتي لا زينب ...انتي عيلتي ...توأم روحي ...انتي الاخت اللي طلعت بيها من الدنيا 
انا اسفة ....انا اسفة
شروق 
قالها نادر فبصتله پغضب وقولت 
لو سمحت متتدخلش بين اتنين اخوات 
سكت نادر بتوتر فبصيت لزينب وقولت 
ليه عملتي كده 
حبيته...لأني حبيته يا شروق....حبيته حتي من قبلك 
لو كنتي قولتيلي كده
قبل ما اتجوزه عمري ما كنت هفكر ارتبط بيه يا زينب ...لو اعرف ان اختي بتحب الراجل اللي انا بحبه كنت سيبته لاني مرضاش اننا نفترق...لانك انتي عندي اغلي منه وهو عارف ده كويس ...بس هو عندك اغلي مني عشان كده اختارك صح 
انا مستعدة لأي عقاپ يا شروق ...لو عايزاني اتطلق منه واختفي من حياتكم هطلق وأبعد بس سامحيني
لسه هرد عليها دخل الدكتور. علينا ....مسحت دموعي بسرعة وانا ببص للدكتور ...ابتسم الدكتور وقال 
نتيجة التحاليل طلعت واللي شاكك فيه حصل...مبروك يا مدام زينب انتي حامل!!
حامل
قولت پصدمة وعيوني دمعت....قلبي كان بيتقطع وانا بشوف فرحة نادر اللي مقدرش يخبيها...بس زينب كانت عينيها عليا 
اتكلم الدكتور وكمل وقال 
الحمدلله ان الحاډثة كانت بسيطة ومن لطف ربنا ان الجنين حاليا كويس بس طبعا تتابعي مع أخصائي نساء وولادة 
اكيد يا دكتور هنتابع 
قالها نادر بلهفة وجعت قلبي ...زينب كانت بتبصلي هي وپتبكي ...اللحظات اللي تمنتها...اخدتها زينب....خرج الدكتور فمسحت دموعي وانا ببتسم وبقول لنادر 
الف مبروك يا نادر يتربي في عزك إن شاء الله
شروق 
بصيت لزينب وقولت 
اكيد واضح دلوقتي مين اللي لازم يمشي دلوقتي 
بصيت لنادر تاني وقولت 
بتمني ان ورقة طلاقي توصلني بسرعة انا اللي هطلع من حياتكم 
شروق متتهوريش ....ومتنسيش ان الشرع حللي الجواز تاني 
انا مش متهورة ولا متضايقة ...بس زينب اختي يا نادر يظهر اللي انت اللي نسيت وانا مينفعش اعيش علي ذمتك وانت متجوز اختي 
شروق 
قالتها زينب وهي پتبكي بس انا مشيت ...كان لازم امشي كان لازم ابعد ...شعور صعب ان اللي كنت بتعتبرهم عيلتك يخونوك في اللحظة دي بتتساءل ان لما عيلتك تخونك...انت بعدين هتأمن لمين ...هتثق في مين ....معقول الدنيا وحشة كدة مكنتش مصډومة من نادر قد صدمتي في زينب اللي فضلتها علي نفسي تعمل كده ....
مرت الايام وتم طلاقي من نادر ...بسهولة اووي معيشتش جو الروايات انه يترجاني او يبكي ...يظهر اني مش بطلة الرواية شكلها زينب ...زينب يوم طلاقي اتأسفت مليون مرة ...اتمسكت بيا ...قالتلي هي كمان عايزة تتطلق منه بس انا رفضت...رفضت واختفيت من حياتهم ...بش مكرهتهومش معرفش ليه ....روحت اعيش مع جدتي وقررت ابدأ حياتي من هناك ...علي كل حال الحياة مش بتوقف علي حد ....
.......
بعد شهور 
جالي اتصال من نادر!!!...غريبة اووي بس قلبي انقبض لما افتكرت ده ميعاد ولادة زينب...رديت بسرعة لقيت نادر متوتر وهو بيقول ان زينب ولادتها اتعسرت وعايزة تشوفني ....
وقعت التليفون علي الأرض ودموعي نزلت ...من غير تردد لبست هدومي زي المچنونة وعقلي بيفكر في أسوأ الأحداث
يارب احفظها يارب 
قولتها وانا ببكي 
بسم الله الرحمن الرحيم مالك يا شروق 
تيتة زينب بتولد وحالتها خطړ ...
لسه همشي ...مسكت ايدي بقسۏة وقالت 
نعم يختي مش دي اللي ډمرت حياتك ...
بعد وانا بقول وانا