كوري في الشركة

بصلى باب الاسانسير فتح وكيم وقف من مكانه واتحرك ناحيتى بصيت بصه اخيره للاسانسير و رجعت بصيت لكيم فقررت اقف واستناه وظز فى التاخير الواحد هيشوف الحلويات دى كل يوم كدا اكيد لاا .
قرب عليا ومد ايده برسميه وقال صباح الخير عزيزتى .
مديت ايدى وسلمت وقولت صباح الخير سيد كيم .
ابتسم ليا وقال شكلك نسيتى طلبك .
ابتسمت بغباء لثوانى وبسرعه افتكرت وابتسمت باشراقه كبيره وانا بقول Selfie .
ابتسم ليا طلعت تليفونى و وقفت جنبه بس فى مسافه بينا واخدت السيلفى اتكلمت وقولت احلى سيلفى اخدته فى حياتى والله .
ابتسم وقال طب ممكن اتصور معاكى تانى بس ب My Phone.

اتكلمت باستغراب ليه يعنى .
هز كتفه وقال Just One .
ابتسمت وقولت okey.
ودعته بعد ما اخد رقمى وجريت على شغلى اللى كان فيه من شويه .
لقيت مستر جاسم قدامى وبيبص ليا پغضب .
وقفت علشان ابرر موقفى فشاور ليا على مكتبى .
جريت على مكتبى وخلصت شغلى وبعد وقت جيه ميعاد خروجنا من الشركه فلقيت مستر جاسم جاى عليا وبيقول انتى هتقعدى ساعتين كمان لانك اتاخرتى .
جايه اتكلم قاطعنى پحده وقال بدون نقاش .
دعيت عليه بكل الدعاوى اللى انا عرفاها ورنيت على بابا عرفته انى هتاخر وكملت شغل بملل .
روحت عملت نسكافيه علشان افوق شويه اتفجات بكيم فى الممر واقف فروحت اعمل ليا النسكافيه ورجعت علشان ادخل المكتب لقيته لسه واقف فروحت وقولت خير مروحتش ليه لحد دلوقت .
الټفت ليا وقال بابتسامه كالعاده فى بس شويه شغل هنا هخلصهم مع المدير بتاعكوا وامشى .
ربنا معاك انا راجعه المكتب باى .
استنى انتى ايه اللى مخليكى هنا لدلوقت .
مفيش تعتبر ان دا عقاپ عن تاخير الصبح .
امم انا اسف لو كنت سبب دا .
لا دا مش بسببك دا بسبب الغلس جاسم .
مد ايده ومسد على خدى بلطف وقال طب ياله ارجعى مكتبك .
شيلت ايده من على خدى وجايه اتكلم لقيت جاسم واقف وقال اسف سيد كيم بس انا ونغم ورانا شغل لسه فى المكتب عن اذنك .
شدنى من ايدى ودخل المكتب وقفل الباب وقال پغضب يعنى الصبح واقفه معاه وبتتصورى كمان ودلوقت حط ايده على خدك فاضل ايه تانى .
اتكلمت بعصبيه وانت دخلك اى وبعدين انا شيلت ايده وكنت لسه هزعقله لقيتك قطعت الكلام وشدتنى وراك. 
من هنا ورايح مفيش وقوف مع الزفت اللى اسمه كيم دا تانى انتى فاهمه.
لا مش فاهمه وهعمل اللى انا عايزاه انت هنا مديرى فى الشغل و بس وياريت تفهم دا كويس.
بعصبيه بس انا مش