اختفاء ابني

كاملة
فات عشرة ايام على أختفاء ابني الوحيد اللي عمره 6 سنين انا فاكره ليلتها كويس اوي كنا سهرانين بره عند جيرانا 
في حفلة عيد ميلاد بنتهم يومها ابني قالي انه عاوز ينام
طلبت منه يستني شوية ونرجع البيت لكنه اصر ينام 
رجعت بيه على البيت ونيمته في سريره طلب مني 
أحكيله حدوته قبل النوم مش الليلة يا حبيبي لازم ارجع الحفلة عشان متأخرش
سبته ورجعت الحفل وكمان السهرة لغاية الساعه 11 بالليل 
ورجعت ع البيت واكتشفت ان ابني أختفى
جوزي كان في الشغل بتاعه أتصلت بيه وجه جري 
system codeadautoadsوقالي ايه اللي حصل قولتله رجعت من الحفل لقيت 

ابننا أختفى ودورت عليه في كل حته في البيت 
وملوش أثر
خرجنا ندور عليه في محيط المنطقة وبعدها 
وسعنا دائرة البحث في الغابة اللي على أطراف البلده
وانضمت لينا الشرطه وعدد كبير من سكان البلده 
قلبنا الغابة شبر شبر مفيش شجر او حجر الا ودورنا 
وراه ولكن ابني توماس زي ما تكون الأرض أنشقت وبلعته
فات يوم ورا التاني وكان الأمل في اننا نلاقيه بيضعف
لغاية ما اتفقد الأمل نهائي في العثور عليه
لكن كان جوايا شعور انه حي وانه لسه في فرصه 
system codeadautoadsلكن امتى وازاي وفين ممكن ألاقيه مش عارفه
حالة حزن كبيرة خيمت على البيت وبقيت مش طايقه
جوزي ولا اي حد ولا حتى نفسي توماس كان مش ابني وبس دا كان النفس اللي بتنفسه
ولد شقي وجميل وكله حيوية ونشاط دايما
بيحب يستكشف الاشياء والاماكن وانا ياما 
كنت بزعل منه بسبب شقاوته وبحذره انه ميبعدش عن البيت عشان ميصبوش مكروه
جوزي مكانش متأثر زيي بفراق ابننا
ومسألة انفصالي عنه اصبحت أمر وشيك
بسبب عصبيته المفرطة ودلوقتي 
لا مبالاته بأختفاء ابننا وبيقول انه عملنا اللي علينا
system codeadautoadsوالموضوع في ايد الشرطه دلوقت
احنا لسه ناقلين البيت دا جديد من سنة 
كنا عايشين في مدينه تانية لكن نظرا لظروف عمل جوزي أضطرينا ننقل للسكن هنا الحقيقه البلدة هادية جدا
وأهلها ناس طيبين ومعتقدش أن ابني ممكن يكون 
اتخطف او مكروه أصابه من سكان المنطقة لأني من خلال تعاملي معاهم السنه دي أكتشفت انهم طبيين وودودين جدا
في حاجة غريبة كنت بلاحظها في المطبخ
ساعات بلاقي اكل ناقص من التلاجه 
بس بقول لنفسي انه وهم واني متأثرة بفراق ابني
ومحكتش الموضوع دا لجوزي
في ليلة كنت نايمه في سريري وسمعت صوت 
الباب اتفتح تحت اعتقدت انه جوزي رجع من الشغل 
ولما نزلت تحت لقيت توماس واقف عند الباب
مصدقتش نفسي وجريت عليه بسرعه واخدته في حضڼي
وفضلت ابوس فيه وأنا بعيط وبقوله وحشتني أوي يا توم
وحشني حضنك وصوتك كنت فين يا حبيبي
بعد ثواني الباب اتفتح وجوزي دخل استغرب اما شافني 
لاني كنت حاضنه الهوا وتوماس أختفى من بين ايديا
حكيت لزوجي اللي حصل مصدقنيش طبعا ورغم اني حلفت له انه كان معايا وفي حضڼي وأني لمسته وضميته
وشميت ريحته طب هو فين راح فين وليه أختفى