اڼتقام قلبي
عليه وقال طمنى يا دكتور على فهد
الدكتور كل شئ بأيد الله احنا عملنا كل حاجه نقدر عليها بس هو فقد نسبة ډم كبيره جدآ ولحتى الان مش لاقين الفصيله بتاعته وللاسف الشديد دخل فى غيبوبه وهو فى حاله خطره جدآ وهنحطه فى العنايه المركزه تحت الاجهزه والسعات اللى جايه لو عدت بسلام عليه يبقى فى امل فى الحاله انها تتحسن كل اللى فى ايديكم دلوقتى الدعاء ليه عن اذنك
باسم جرى عليه ودموعه نزلت منه على منظر فهد وهو نايم على السرير ومش حاسس بحاجه ومسك ايديه وقال قوم يا فهد انا عارف انك قوى وهتقدر تعدى المرحله دى علشان خاطر كل اللى بيحبوك قوم علشان خاطر مليكه وعلشان خاطر عدى ابنك
باسم وسع السكه وسبهم يعدو وقعد يبص عليهم لحد ما اختفو مسح دموعه وقال لازم اهلو يعرفو وطلع تليفونه واتصل على فارس وانتظر الرد وبعد ثوانى رد فارس عليه
فارس اذيك يا بسوم
باسم بحزن فارس تعال دلوقتى حالا على الغردقه فى مستشفى
باسم فهد عمل حاډثه بعربيته وهو فى المستشفى وحالته خطړ
فارس كان ماسك القهوه فى ايده وقع منه فى الارض وقال ايه
الكلام
اللى انت بتقوله ده لا فهد كويس ومفهوش حاجه قول صح بالله عليك
باسم بدموع اهدا يا فارس فهد محتاجنا كلنا حاوليه علشان يحس بينا ويتمسك بالحياه اكتر
فارس بدموع انا جاى حالا يا باسم وقفل السكه ونزل يجرى ركب عربيته وراح على الغردقه
نزلت من المستشفى وخرجت من الباب بس وقفت تانى
مازن فى ايه تانى
مليكه لالالا كل ما ببعد عن المكان بحس بحد بينادى على اسمى
مازن يا بنتى انتى ملبوسه ولا ايه
مليكه اول مره احس الاحساس ده مش
قادره افهم ايه هو بالظبط بس كل اللى اعرفه ان الاحساس ده متعلق بالمكان ده وشاورت على المستشفى
مليكه لا بجد والله يا مازن احساس غريب فعلا
مازن استعيذى بالله انتى بس ويلا يا ماما ربنا يهديكى
مليكه بصت للمستشفى اوى وكأنها بتحفظ شكلها فى دمغها ومشيت مع مازن وركبت العربيه وراحو على الاسكندريه وبعد وقت طويل وصلت مليكه لعنوان بيتهم
مازن هو ده العنوان
مازن لا مره تانيه ممكن اخد رقم تليفونك علشان لما احب اطمن عليكى
مليكه للاسف تليفونى ضاع ومش لاقيه بس خد رقم اختى مها
مازن ماشى هاتى
مليكه قالت ليه الرقم
مازن اوك انا هسجله عندى وابقى اتصل اطمن عليكى
مليكه ان شاءالله تصبح على خير
مازن وانتى من اهله
ونزلت مليكه ومشى مازن بعربيته
مليكه بصت على البيت من بره ودمعه
مليكه وانتى يا مها وكلكم وحشتونى
فايزه ادخلى يا حبيبتى ريحى شويه
مليكه دخلت وقعدت على الكنبه
فايزه امال فين اللى ما يتسمى جوزك
مليكه بدموع انا طلبت منه الطلاق وسبته ومشيت
مها اوعى يكون مد ايده عليكى
مليكه بلعكس كان حنين اوعى معايه ومفكرش
ولا مره يضربنى ولايمد ايده عليا وابتسمت ابتسامه خفيفه
الكل بص لبعضه
مى لما هو حنين اوى كده طلبتى الطلاق منه ليه ولا نفسك تاخدى لقب مطلقه قولتى اطلق منه
مليكه ها لا انا مش بحبه وعايزه اطلق منه
فايزه اهدى يا حبيبتى واللى انتى عايزه هيتنفذ
مليكه دموعها نزلت منها وقالت انا مستحيل اعيش لو للحظه معاه يا ماما انا عايزه اطلق منه فى اسرع وقت
فايزه ماشى يا حبيبتى ادخلى اوضك ريحى جسمك شويه ونامى
مليكه وقفت وقالت تصبحو على خير
الكل وانتى من اهله
ودخلت مليكه اوضتها واترمت على السرير وافتكرت منظر فهد مع مروه حطت ايديها على وشها وقعدت ټعيط لحد ما نامت
مليكه مليكه
مليكه مين بينادى
انا محتاجك تعالى ليا متبعديش عنى
مليكه ا ا انت مين انا مش شيفاك الدنيا طلمه ومش قادره اشوف حاجه
بصى فى قلبك وانتى هتشوفينى علشان انا عايش فيه انا مقدرش اعيش من غيرك يا مليكه تعالى ليا ادينى دافع للحياه ادينى الامل اللى ارجع علشانه انقذينى من الڠرق يا مليكه
مليكه ط ط طب انا مش قادر اوصلك
مدى ايدك هتحسى بيا
مليكه مدت ايديها ولمسته وقالت فهد وقامت مفزوعه من نومها
قعدت على السرير واخدت نفسها بصعوبه وحطت ايديها على قلبها وحست ان هو ۏجعها اوى وقالت
مليكه هو انا ليه حاسه ان فى حاجه وحشه حصلت مش قادره اشيل الاحساس ده من قلبى وفى الوقت ده اذان الفجر اذن قامت من على سريرها دخلت الحمام اتوضت وخرجت ادت فرضها ومسكت المصحف وقعدت تقراه فيه
فى الغردقه
وصل فارس المستشفى ونزل يجرى سأل على اوضت فهد والاستقبال قاله على مكان العنايه طلع يجرى لاقى باسم قاعد على الارض وساند ضهره على الحيطه ومرجع راسه لوراه وعمال يعيط
فارس باسم فهد حصله حاجه
باسم مسح دموعه بسرعه ووقف وقال لا ان شاءالله مش هيحصل حاجه وهيقوم ويرجع لينا بالسلامه
فارس اترم فى باسم وعيط وقال فهد يا باسم ده بالنسبه ليا مش بس اخويه الكبير لا بالنسبه ليا اخويه وابويه وصاحبى ده انا لما كنت اغلط وانا صغير واخاڤ كان هو اللى يروح لبابا ويقوله ان هو اللى عمل الغلط ده كان هو بياخد البهدله والزعيق بدالى لو كنت اعيط كان يجى يجرى عليا ويمسح دموعى ويحاول يعمل اى حاجه تفرحنى فهد شاف كتير فى صغره رغم كده اتحمل المسئوليه لوحده علشان انا اكمل تعليمى لان كان
بابا مرض وكان لازم حد يمسك شغله اتخلى عن كل احلامه فى سبيل يشوفنى انا مبسوط لو حصل حاجه لفهد انا ھموت يا باسم
باسم فهد قوى وهيقدر يعدى المحنه دى وهيرجع احسن من الاول كمان
فارس يارب يا باسم يارب
وفى الوقت ده جه ليهم ظابط
الظابط مين هنا تبع حالة فهد فريد المنشاوى
فارس انا اخوه
الظابط ممكن بطاقتك
فارس ثوانى طلعها وادها للظابط
الظابط اخدها منه وبص فيها وادها تانى لفارس
فارس خير فى حاجه
الظابط انا جاى هنا بشأن الحاډثه بتاعت اخوك لان بعد الفحص اكتشفنا ان الحاډثه بفعل فاعل وان حد لعب فى فرامل العربيه علشان فهد المنشاوى ېموت
باسم وفارس پصدمه ايه
باسم طب حضرتك معرفتوش مين عمل كده
الظابط ماانا هنا علشان اسألكم هل فهد المنشاوى ليه اعداء
باسم اكيد فهد رجل اعمال كبير وليه اكيد اعداء بيكرهو
الظابط طب بتشك فى حد معين يكون ليه يد فى الموضوع
باسم لا معتقدش لان كل اللى بيحصل بيبقى فى الشغل لكن متوصلش معاهم للقتل خالص
الظابط طب هو متجوز
باسم ايوه
الظابط طب فى مشاكل ما بنهم
باسم ها ل ل لا ليه
الظابط ممكن تعمل كده بدافع الاڼتقام او حاجه
باسم لالالا مراته طيبه مستحيل تعمل كده
الظابط طب انا همشى دلوقتى ولو افتكرت حاجه ممكن تيجى تبلغنى بيها حتى لو صغيره ممكن يكون طرف خيط فى القضيه نقدر نوصلو منه للى عمل كده
باسم حاضر
ظابط مشى شويه
باسم افتكر حاجه مهما قال حضرت الظابط فى حاجه مهما عايز اقولها ليك
ظابط اه طبعآ اتفضل
باسم حكى ليه اللى حصل ما بين فهد وجيسيون
ظابط ده الكلام ده مهم اوى وممكن يكون هو اللى عمل كده
فارس ياريت يا حضرت الظابط تجيب حق اخويه من اللى عمل فيه كده
الظابط ان شاءالله فى اسرع وقت وهبلغكم بالجديد
فارس ان
شاءالله
ومشى الظابط
فارس يا ولاد ده شغل ماڤيا
ودينى لو هما لاكون واكلهم بسنانى
باسم اهدا بس يا فهد وسيب الحكومه تشوف شغلها وهما هيقدرو يرجعو حق فهد منه
فارس يارب يا باسم
اشرقت شمس صباح يوم جديد بنورها الساطع فى سماء الاسكندريه لتداعب بخيوطها الصفراء اوضت مليكه
كانت مليكه قعده ومسكه المصحف بتقراه فيه بصت على الشباك لاقت النهار طلع صدقت بالله العظيم وقامت دخلت الحمام اخدت شاور واتوضت وخرجت لبست هدومها وادت فرضها ووقفت قدام المرايا تسرح شعرها وافتكرت المره اللى كانت بتسرح شعرها وفهد قعد
يتفرج عليها ابتسمت ابتسامه
خفيفه ودموعها نزلت منها وفى الوقت ده دخلت عليها مها
مليكه مسحت دموعها بسرعه
مها صاحيه من بدرى
مليكه نمت اول الليل وصحيت الفجر ومعرفتش انام تانى صليت وقعد اقراه فى المصحف
مها تقبل الله منك ياحبيبتى ومسكتها من ايديها وقالت تعالى يا مليكه اقعدى
مليكه قعدت على السرير قصاد مها وقالت خير يا مها
مها انا مرضتش اسألك امبارح ايه اللى حصل علشان كان شكلك تعبان خالص ممكن بقى تقولى ايه اللى حصل ما بينك وبين فهد
مليكه دموعها نزلت منها وسكتت
مها اهدى يا
مليكه انا مش بسألك علشان تعيطى بس انا عرفاكى لما تكون فى حاجه
مزعلاكى
مليكه فهد يا مها
كان بيخونى مع مرات اخوه
مها پصدمه نهار اسود مع مرات اخوه
مليكه بدموع ايوه
مها طب هو اهانك ولا چرحك بكلمه
مليكه هو فى اهانه اكبر من كده يا مها جوزى خانى
مها طب وانتى زعلانه ليه ما انتى عارفه ان هو بتاع بنات من قبل ما تتجوزيه وبعدين يهمك فى ايه يخونك او لا هو انتى حبتيه
مليكه ل ل لا طبعآ مش بحبه بس الخيانه اكتر حاجه ټجرح الوحده
مها تجرحها لما تكون بتحبه وفارق معاها
مليكه مها م م ماانتى عارفه اللى فيها وازاى اتجوزته
مها انتى بتحاولى تقنعينى بكده ولا بتقنعى نفسك مليكه انتى بتحبيه وده واضح اوى فى عنيكى وكمية الۏجع اللى فى قلبك من خيانته ليكى ان هو لمس واحده غيرك
مليكه ل ل لا يا مها ا ا .انا بكرهو
مها حتى دى واضح اوى كدبك فيها مش قادره تقنعى نفسك وتقنعينى انك پتكرهي فهد
مليكه
مها كملت كلامها وقالت يا مليكه لو انتى بتحبيه بجد روحى لجوزك وشوفى انتى قصرتى فى ايه من اتجاهه ايه السبب اللى خلاه يبص بره ويخونك اتكلمى معاه افهمي وخلى يفهمك واتمسكو ببعض العمر قصير مش حمل ضياع يوم واحد وانتو بعاد عن بعض مش هيتعوض صدقينى
مليكه ده واحد خاېن يا مها خانى بقولك شوفته بعينى بأى حق الراجل يخون مراته تحت مسمى ان هى مقصره فى حقه طب ليه ميحطوش نفسهم مكانا يعنى هما يرضوها على نفسهم ان احنا نخونهم ونقول اصل هما مقصرين فى حقنا ليه مش بيبصو ان هما بينزلو شغلهم
بس لكن الست تشتغل وتحمل وتولد وتربى وتخلى بالها من بيتها وعيالها وشغلها وفى اخر الليل مطلوب تكون لبسه ومحضره نفسها ليه فى مقابل بس ان هما مايخونوش لا يا مها الست زى الراجل ويمكن اكتر كمان فياريت بلاش كلمة مقصره فى
