سكريبت بحر
ابص بصة علي الاوضة و لو تشوفها قبل و بعد هتحسوا اني رسمت لوحة .
عدا ساعة و نزلت بسرعة احضر الاكل قبل ما يجي
جهزت الاكل علي التسخين و قعدت طول اليوم ف المطبخ بتفرج من شباكه علي الدنيا و حركة الطريق و الناس و اهلي و اخواتي اللي حضنهم وحشني و ريحة بيتي و ريحة حضڼ ماما و بوسة رغد قبل ما انام الهوا كان شديد اوي بما اننا في ديسمبر جه في بالي اخواتي و لبسهم
الو ازيك يا ماما
ازيك يا حبيبتي
وحشتيني بقالك يومين ما اتصلتيش عليا عاملة ايه!
انا كويسة الحمد لله معلش يا ماما الشبكة في الكافيه وحشة اوي
و ايه اللي خلاها وحشة يا بنتي ما انتي بتكلميني علي طول من هناك
اتخنقت من كدبي لا ابدا يا ماما انتي عارفة الشتا بقا و المطر و الشبكة المهم انتي بخير و اخواتي يا ماما اشتريتي لكل واحدة فيهم جاكت ولا لا !
يكلموكي اوي و اليومين دول كانوا هيتجننوا عليكي
الحمد لله امال هما فين
بتوتر هما في دروسهم لما ييجوا هخليهم يكلموكي ..
مالك يا ماما في حاجه مخبيها عني !
لا لا ابدا يا حبيبتي انتي وحشتيني اوي يا موج
عيني دمعت من صوتها اللي كله حزن في اقرب وقت هنزلكم يا ماما المهم خلي بالك من نفسك و من اخواتي و اي حاجه نفسهم فيها هاتيها لهم يا ماما و تقلي في لبسهم وهما خارجين للمدرسة ع اول الشهر هبعتلك المرتب و الحمد لله المدير زوده بما اننا في نهاية السنة هاتوا كل اللي نفسكم فيه .
يارب يا ماما ان شاء الله انا هقفل عشان الشغل و هكلمكم بليل مع السلامة
قفلت بسرعة قبل ما تلاحظ الخنقة اللي ظهرت علي صوتي واللي هيكون بعدها عياط قعدت اعيط و ابص للسما
وحشتني يا بابا وحشتني اوي اتبهدلت اتبهدلت كتير اوي من بعدك و...
مقدرتش اكمل و كنت ببص للسما و بعيط بس كإني بشكي بعيني اللي لساني مش قادر ينطقه قعدت فترة بعيط
اټخضيت و بحركة تلقائية بسرعة مسحت عيني و كنت بحاول اجمع صوتي و بدأت اكلمه و انا مديله ضهري مش عايزة حد يشوفني ضعيفة ايا كان شغلي ايه او قبل اسمي لقب ايه !!
حاض حاضر يا بيه ثواني والاكل هيجهز
ان انتي كويسة
كنت هعيط تاني لما سمعت السؤال لا لا ابدا انا بخير
امال مش بتبصي ليا ليه
.....
اخدت نفس و حاولت متطفلش عليها تمام جهزي الاكل بسرعة
بدأت اتحرك من مكاني اول ما سمعت صوت حركته وهو طالع ع السلم غسلت وشي و حاولت اهدي نفسي و بدأت اسخن الاكل و رحت احطه ع السفرة لقيته قاعد و بيبصلي
اتكسفت و اټخضيت و استغربت في نفس الوقت
كنت بحط الاكل قدامه
انتي ازاي رتبتي الكتب كده
مالها يا بيه وحشة حاجه اتقطعت
ضيعت حاجه
اهدي اهدي انا عجبني شكلهم و انك رتبتيهم علي حسب الحروف والالوان انتي بتعرفي تقرأي او تعرفي انجليزي
و علي قدي فيها شوية
غريبة اوي بس برافو
شكرا يا بيه
بصلي شوية ف اتكسفت و بصيت للارض و طلعت علي المطبخ جري
وقفت اخد نفسي قلبي كان بيدق جامد ازاي بنظرة بيخليني كده
مش علي بعضي ! ازاي !
