سهر ليلة العيد

يا جماعة انا حصل معايا حاجة اغرب من الخيال .
اولا اعرفكم بنفسي انا اسمي شادي ٢ سنة " وطبعا ده مش اسمي الحقيقي ".
السنة اللي فاتت قبل العيد اهلي قالولي انهم هيسافروا عند اقاربنا في بلدنا يقضوا العيد هناك وطلبوا مني اسافر معاهم لكن انا رفضت .
وفعلا يوم الوقفة والدي ووالدتي اخدوا اخواتي وسافروا بلدنا كلهم .

وبقيت انا في البيت لوحدي وقولت هتبقي فرصة اعيش بحريتي كام يوم  بدون تحكمات اخرج براحتي وارجع براحتي واقعد من اصحابي براحتي .
اتصلت باصحابي واتفقنا نتقابل نسهر مع بعض في ليلة العيد .
دخلت اخدت شاور ولبست وظبطت نفسي ونزلت من البيت .
اصحابي متعودين يشربوا وكده وانا مليش في الحاجات دي ولما صمموا انهم يشربوا وانا اعترضت زعلنا مع بعض وسبتهم ومشيت لوحدي .
دلوقتي انا بقيت لوحدي وهقضي سهرة ليلة العيد لوحدي وكمان ايام العيد كلها !!!
فكرت اسهر ازاي قولت اتمشي شوية وافكر وانا ماشي .
وانا بتمشي شوفت محل ايس كريم وعليه زحمة قولت اجيب ايس كريم يسليني وانا بتمشي .
واثناء وقوفي مستني دوري شوفت بنت جاية ناحية المحل كانت جميلة اوي حلوة اخر حاجة !!!! 
وهي بتقرب ناحيتي هي لاحظت اني ببصلها فابتسمت .
اول ما شوفت ابتسامتها فرحت اوي !! وفرحت اكتر لما لقيتها جاية تقف جنبي تشتري ايس كريم !!
وبدأت كلام معها وفي ثواني كنت بعزمتها علي الايس كريم وخرجنا مع بعض من المحل !!!
خرجنا واتمشينا مع بعض شوية وسألتها عن اسمها واتكلمنا شوية وبعدها قالتلي انها تعبت من المشي .
سألتها هتسهري مع مين النهاردة
 هسهر لوحدي .
باباكي ومامتك واخواتك فين
مسافرين وسبوني في البيت لوحدي .
ضحكت وقولتلها وانا كمان .
بصت لي وضحكت !!
قولتلها يبقي نسهر مع بعض .
ماشي نسهر مع بعض بس هنسهر فين
قولتلها ايه رأيك تيجي تسهري معايا في البيت
قالتلي لأ اخاڤ اروح عندك تعالي انت اسهر معايا في بيتي .
كنت مش مصدق اللي انا سمعته قولها ماشي يلا بينا .
وقفنا تاكسي وبعد اقل من ربع ساعة كنا بننزل من التاكسي قريب من