حبي الحقيقي بقلم هاجر نور الدين
انت في الصفحة 1 من 4 صفحات
الجزء التاني هاجر نورالدين
صدمة إحتلتني بعد ماسمعت الكلام دا قفل معاها وأنا فضلت واقفة مكاني من الصدمة مش قادرة أتحرك أو أواجهه دلوقتي كتمت صوت شهقاتي وصوت عياطي وفضلت قاعدة في الأرض ورا الباب لحد ما سمعت صوت باب الأوضة بيتفتح وخرج منه وهو لابس ومتشيك آخر حاجة وحرفيا بقالي كتير أوي مشوفتهوش كدا وفرحان بالطريقة دي كإنه..كإنه رايح يتجوز أصلا طلع من باب الشقة بعد ما لبس ساعته وجهز نفسه وهو بيدندن لأغنية رومانسية من غير تفكير قومت بسرعة غيرت ولبست اي حاجة من هدومي قدامي في الدولاب ونزلت وراه ركبت أول تاكسي وكان هو لسة متحرك بعربيته فضلت ماشية وراه لحد ما نزل في مطعم وأنا دخلت وراه وقعدت في تربيزة بعيده عنه ب تربيزتين وكنت شايفاه وهو أول ماراح عندها إبتسم ومسك إيديها باسها بكل حنية!!
_كل دا تأخير ياحبيبي بقالي ربع ساعة قاعدة مستنياك ولا يكون البت الفلاحة اللي إنت متجوزها دي هي اللي عطلتك عني
ضحك!!
ضحك وقال
ياحبيبتي أفتكريلنا حاجة حلوة هي مكنتش في البيت أصلا دي حاجة خنقة بجد والواحد ماهيصدق يخلص منها خلاص
_علي رأيك مش عارفة إنت مستحملها إزاي أصلا
سيبك بقي من السيرة الزفت دي وخلينا فيكي إنتي ياروح قلبي وحشتيني أوي
كنت قاعدة سامعة كل دا وأنا قلبي بيوجعني وحابسة دموعي بالعافية ولكني مقدرتش وخانوني كام دمعة مسحتهم بسرعة عشان محدش ياخد باله مني حاسة كأن حد بيعصر في قلبي من دون رحمة بس مسكت نفسي لإنه مش وقته ولا مكانه اللي هنهار فيه سمعتها إتكلمت وقالت
خلاص ياروحي هانت أوي وقربت أمضيها علي العقود وأخلص منها بقي
_الحكاية دي طولت أوي ياحسين بجد إنت بقالك 5 شهور بعيد عني وفي حضڼ واحدة تاني أرتاح إزاي أنا دلوقتي يعني مانا بغير عليك برضوا ياحبيبي
أتكلم وقال بإبتسانة وهو بيمسك إيديها
إنفعلت شوية وقالت
_لأ ياحبيبي أمسك نفسك كدا وأستحملها اليومين دول مجاتش عليهم مش بعد كل اللي عاملناه دا وتيجي تبوظه علي أخر تكة يعني
معاكي حق عموما خلاص هي كلها كام يوم بس ويبقي معايا كل حاجة ووقتها بس هنبقي مع بعض ومحدش هيقدر يضايقنا ياحبيبة قلبي
مقدرتش أسمع أكتر من كدا لإني إنهارت وقومت من مكاني بسرعة بقيت ماشية في الشارع وأنا حرفيا قلبي بيتقطع من الۏجع اللي فيه
