حبي الحقيقي بقلم هاجر نور الدين
الوقت أتأخر أوي والجو ساقعة وأنتي مش متقلة وممكن تاخدي برد دا غير إني مش هسمحلك تغيبي من الشغل يومين ورا بعض الشغل كان ممل جدا من غيرك النهاردة بجد والوقت عدا ببطئ رهيب علي عكس كل يوم مش عايزة يعدى.
بصيتله وأنا مش عارفة أرد ولا حتي عارفة أفكر بس حقيقي يمكن الخمس دقايق اللي أتكلم فيهم دول نسيت فيهم اللي حصل بجد ولكن قومت من مكاني وأنا بشكره وكنت لسة همشي ناداني وقال
تعالي هوقفلك تاكسي وأوصلك الأول وبعدين أروح أنا
_لأ مفيش داعي تتعب نفسك أنا هر..
قاطعني وهو بيوقف تاكسي وقال
إركبي يلا عشان مش عايز جدال هوصلك يعني هوصلك مش هسيبك تروحي لوحدك في وقت زي دا أكيد
بصيتله بأستغراب وقولت
_هو كل شوية تقول الوقت الوقت هي الساعه كام يعني
الساعة 11 ونص
رديت پصدمة
_إي!!
يلا أركبي
وصلت البيت نزلت من العربية وهو كان بيودعني بعيونه وأبتسامته اللي أول مرة أشوف أبتسامة صافية وجميلة بالشكل دا فوقت لنفسي وتفكيري وطلعت البيت وبعدها التاكسي إتحرك طلعت فوق وأول ما دخلت الشقة محستش غير بقلم علي وشي بصيتله پصدمة و..
حبي_الحقيقي
يتبع
الجزء التالت هاجر نورالدين
بصتله پصدمة وقولت
_إنت أتجننت!?
بصلي پغضب وقال
أنا اللي إتجننت برضوا?
جايالي في نص الليل مع واحد غريب بيوصلك والعربية متحركتش لحد ما أنتي طلعتي وليكي عين تتكلمي!
بصيتله بسخرية ومرار وقولت
_لأ هو المفروض أنا اللي آخد الخطوة دي وأقولك مين اللي كنت معاها دي وعايز تمضيني علي إي بالظبط
هتكون مين يعني دي عميلة عندنا في الشركة
لهجته أتغيرت وبقي يتكلم بتوتر وڠضب تمثيلي وصوت عالي إلي حدا ما وكمل
ثم أنتي بترقبيني ولا إي?
_عميلة إي وبراقبك إي لأ إنت تنسي خالص إني كنت معاك هبلة وماشية وراك علي عماية لإني خلاص عرفت القذارة بتاعتك وإنك بس مجرد متجوزني وسيلة ل حاجة قولي صحيح ورق إي اللي مستنيني أمضي عليه وبعدها تطلقني وتتجوز السنيورة
_ماترد!!
ولا بفتكر في كدبة جديدة تقولهالي
كملت بعياط وقولت
_حرام عليك يا أخي لييه ليه تعمل فيا كدا دا أنا حبيتك بجد وكنت علي إستعداد إني أعمل آي حاجة عشان أرضيك وعشان تفضل مبسوط
أتكلم پحقد وهدوء مبالغ فيه هدوء مستفز وقال
