قلب أحب امرأتين ولكن بقلم شروق حسام
انت في الصفحة 1 من 5 صفحات
الجزء الثاني بقلم شروق حسام
روحت اترميت علي الكنبة وببص للسقف مش مستوعبة أي حاجة حصلت كل اللي عايزاه أنام واصحي الاقيني كنت بحلم
لكن فجأة لقيت الباب بيتفتح وأحمد داخل بإبتسامة وفي ايديه شنط كتير
" رهوفة يا قلبي انا جيت يا حبيبتي "
رهف بجمود غير واضح وهو بتقوم من مكانها " حمد الله علي السلامة يا أحمد "
" الحمد لله حصل ايه بقي احكي لي "
أحمد بتنهيدة " مفيش يا ستي كل الحكاية اننا كنا عارفيين انه فرحه النهاردة فهو خلانا احنا نشتغل بدال العمال علي آخر لحظة عشان نسترزق والحمد لله طلعت بقرشيين حلويين وقولت اشبرق بيها عليكي وعلي سما "
رهف ببرود " سما مش هنا عند نورا "
" نورا "
" اه نورا عايزاها معاها النهاردة عشان وحشتها "
أحمد بحنان وهو بيملس علي خدها " مش مشكلة خليها عندها النهاردة وكمان عشان اخد راحتي معاكي عارف ان بقي لنا فترة بنخرج ولا بنقعد مع بعض "
رهف بسخرية " هو فعلا مر اوي كمان الحمد لله على كل حال ربنا يرزقنا ويبقي معانا فلوس "
كملت بحزن مصطنع " بس ساعتها متجوزش عليا زي ما الكل بيعمل "
أحمد بتوتر وهو حاسس انه قلبه هيخرج من مكانه وخاېف انه يتكشف " لا لا طبعا يا روحي مستحيل اعملها انت حياتي ونصي التاني وام بنتي "
" فرفش كده كنت بهزر معاك متبقاش قفوش "
أحمد بتوتر وهو بيبوسها علي خدها " هههههه انا داخل اخد شاور 10 دقايق وهكون خلصت تمام "
رهف بصت له بإبتسامة وشاورت له بايديها بمعني
رهف بقرف وهي بتمسح خدها بقوة " مقرف وكداب الله يأخدك "
قلبها " متدعيش عليه اكيد انتي غلطانة حرام عليكي ده بيحبك "
" اسكت انت انت ايه اللي هيفهمك في الحب والكلام ده وانت طول عمرك ماشي بالمنطق "
العقل بسخرية " اخرس ينفع تخرس طول عمرك غبي وخلتها غبية زيك لو هي حست نفسها غلطانة عينيها مستحيل تكون شافت غلط "
" انت "
رهف بإقتناع " ايوه فعلا اخرس بقي انت غبي وهو ده سبب كل مصايبي هو معاه حق في كل كلمة قالها "
عقلها بسخرية " وهي لما تقوله يا أحمد يا حبيبي انا شوفتك بتتجوز النهاردة اشرح لي ايه اللي حصل وايه اللي انا شوفته ده فاكر كده هيقولها معلش يا حبيبتي ڠصب عني كدبت عليكي وانا مش فقير وكمان خۏنتك واتجوزت عليكي فاكر هيقولوا كده تبقي غلطان هيكدب عليها ويوهمها من جديد وهتفضل طول عمرها مخدوعه "
القلب ورهف بإقتناع " معاك حق "
قطع كلام رهف مع نفسها صوت اشعارات موبايل أحمد اللي سابه مكانه وهو مطمن انها مش هتعرف تفتحه
مسكت رهف الموبايل وجت تشوف ايه اللي مبعوت لقته مغير الباسورد وقافل الاشعارات من علي السطح
" مغير الباسورد لا برافو بس غبي وملحظتش ان حطيت بصمتي وانت مش واخد بالك "
دخلت رهف بصمتها وفي لحظات الموبايل فتح وشافت الرسايل من برا من غير ما تفتحها ودي كانت الصدمة اللي خلتها تتأكد بجد انها مش في حلم وان عقلها كان صح في كل كلمة قالها
" حبيبي روحت "
" انت فين "
" مش بترد ليه "
" وحشتني "
" هو كان لازم تمشي النهاردة احلي يوم في حياتنا ومستنيونه من زمان "
" حمودي ايه رأيك نروح اسبوع عسل كده واتحجج بأي حجة عايزة اشوفك واشبع منك مش لازم الشغل في الوقت ده أنا عايزة أبقي أهم واحدة في حياتك أهم حتي من الشغل بتاعك "
" شكلك نمت يابيبي تصبح علي خير واحلامك تبقي أنا "
رهف قفلت الموبايل وحطته مكانها وكلمت نفسها بسخرية " يااا بيضحك عليا من زمان لا وكمان مسميها نصي التاني ههه لا وبيقولي انتي نصي التاني كداب وطلعت انا المغفلة "
أحمد من وراها بإستغراب " فيه ايه يا حبيبتي سرحان في إيه "
" مفيش يلا ناكل "
" تمام "
بعد فترة كانوا خلصوا أكل وكل ده رهف كانت بتراقب باتسامة اللي شاقة وشه وهو بيبص في الموبايل رهف قامت و خلصت تنظيف ودخلت نامت علي السرير من غير اي كلمة وهو راح وراها وجيه يحضنها بعدت عنه بقرف
أحمد پصدمة " رهف انتي بجد قرفانه مني "
رهف بحزن وخجل مزيف " مش كده يا حمودي انا بس تعبانة شوية انت عارف بقي مش لازم اقول "
أحمد بتنهيدة " طالما كده سماح مش مشكلة "
كمل بقلق " معدتك وجعاكي حاجة وجعاكي اجيب لك مسكن "
" لا مش عايزة حاجة غير ان أنام "
أحمد فتح ايده الاتنين بحب " تعالي نامي في حضڼي "
رهف بقرف خفي " حاضر "
رهف نامت في حضنه وقالت بهمس غير واضح " كتك القرف في شكلك الحمد لله جت في الوقت ده "
" أحمد "
" امممم "
" أنا عايزة اشتغل "
" نامي يا حبيبتي مفيش شغل "
رهف بدلع وهي حاسة بإشمئزاز " لو سمحت وافق يا بيبي "
أحمد بنوم " ماشي يا حبيبتي اعملي اللي انتي عايزاه "
" ربنا يخليك ليا يا أحمد "
" ويخليكي ليا يا رهفي "
رهف جواها " الله ياخدك "
أحمد راح في النوم بسرعة من التعب
ورهف بعدت عنه وفضلت صاحية بتفكر في أول خطوة هتعملها عشان ټنتقم منه وبعدين تطرده برا حياتها
قلب أحب امراتين و لكن
شروق حسام
الجزء الثالث بقلم شروق حسام
عدي شهر ورهف بدأت تشتغل خدامة في فيلا جوزها وكل ما تروح الشغل تسيب بنتها مع نورا وكل ده وأحمد عارف انها بتشتغل بس هو مش عرف هي بتشتغل ايه هو مش باله غير جاسمين اللي واكلة عقله وشاغلة كل تفكيره وهو عايز يقضي معاها أكبر وقت ممكن قبل ما يرجع تاني لرهف لأنه بيعشقها لا هو بيعشقهم هم الاتنين وعايز يقضي أكبر قدر ممكن مع كل واحدة فيهم
" وردة يااا وردة "
" نعم ياست هانم تؤمري بحاجة "
فيروز والدة أحمد بتكبر " حضري 5 فناجين قهوة وهاتي شوكليت عشان الضيوف "
" حاضر يا هانم تؤمري بحاجة تانية "
فيروز بتكبر وهي بتشاور لها بايديها انها تمشي " يا خدامة روحي كملي شغلك "
بصت لفيروز بهدوء وسابتها وراحت تحضر اللي طلبته منها
" يا الله ايه العيلة دي بجد محدش فيهم
