لاجلي يفعل بقلم هاجر نور الدين

تيجي وبرضا الطرفين طبيعي قدامكم كلكم هوافق أهلي ومش هحرجهم ولا هحرجكم برضوا وبعدين هعمل اللي أنا عايزه وهساعدك ونجيب كل حاجة نقدر عليها سوا.
بصيتله بجنب عيني بهدوء وقولت بعد توتر من التفكير
أيوا ومقولتش الكلام دا وقتها ليه وعارضتهم
بصلي برفعة حاجب وقال وهو بيتنهد پغضب
_ مش عايز غباء يا نغم بالله عليك ما قولت مش هحرج أهلي وهوافقهم وفيما بعد هجيب اللي إتتفقنا عليه الأول يعني بمعنى أوضح يا نغم مالكيش دعوة بكلام أهلي هو أنا اللي هجيب ولا هما ساعة برضوا الدهب يا نغم إتتفقوا هيجيبوا كذا وأنا وافقتهم وجبتلك فوق الإتفاق بكتير حصل مني ولا محصلش
سكتت شوية وبعدين قولت بهدوء
حصل يا حسام بس برضوا مينفعش كل مرة يغيروا كلامهم بنبرة لوي الدراع دي.
إتكلم بعد ما إتحرك قدام شوية وضغط على عينيه وقال
_ ياستي لوي دراع لوي رجل أنا ميهمنيش كل المظاهر اللي مالهاش لازمة دي أنا كل اللي هاممني إنت وحياتنا وبس مبتعرفيش تكبري دماغك وتروقي شوية زيي اللي يتكلم يتكلم واللي يقول يقول أهم حاجة إحنا وبس مبتعرفيش تعدي الدنيا
فضلت ساكتة وأنا بفكر ومش عارفة أرد أقول إي لحد ما هو إتكلم من تاني وقال
_ ممكن متشيليش هم آي حاجة بعد إذنك يا نغم ومتدخليش نفسك في آي حاجة أنا شاريك يا ستي وهعمل عشانك آي حاجة حتى لو أهلك قالوا هاخدك بشنطة هدومك بس ياستي حتى دي عايزك مش غيرها راضية ياستي
في الحقيقة إبتسمت على جملته اللي لمست قلبي واللي ممكن تحسس البنت إن قد إي فعلا هي مرغوب فيها إتكلمت وأنا بمثل ملامح الڠضب والتقل
أيوا بس خلاص أنا نهيت كل حاجة بيني وبينك وبابا عارف بالموضوع دا حتى خليته يوصلك الدهب وحتى إنت مسألتش بعدها.
قولت أخر جملة وأنا بصاله پغضب حقيقي وعتاب وهو ضحك وقال
_ أه ما نسيت أقولك إني قولت لوالدك سيبك منها دي دماغها مهوية والدهب معاه أنا مخدتش حاجة وسيبتك عشان تهدي خالص وعشان يبقى برضوا عقاپ ليك عشان مش آي حاجة تقولي نسيب بعض لإنها مش بالساهل يا نغم.
بصيتله پصدمة حقيقية ولكن حسيت بسعادة جوايا رهيبة وإني الحمدلله مش زي ما كنت بقول طول الأيام اللي فاتت إن حبي ليه في الأرض وإني إختارت غلط كل مرة بيثبتلي إن إختياري ليه الحاجة الوحيدة الصح في حياتي إتكلم وهو بيقوم وقال وهو بيغمزلي
_ يلا بينا عشان أوصلم وتطلعي تلبسي الدبلة متقلعيهاش تاني عشان المرة الجاية ممكن أقلع راسك من جسمك لو حصلت تاني مرة.
بصيتله پغضب مصتنع وأنا بقوم وقولت
بابا ليا كلام معاه لما أوصل عشان يخبي عليا.
ميل شوية جنب ودني وقال
_ أه صح ما هو والدك قالي كنت بټعيطي إزاي بعد الهوليلة اللي عملتيها دي.
بصيتله بإحراج وقولت بسرعة
محصلش.
غمزلي وقال بإبتسامة
_ حصل.
مشيت بعدها معاه وهو جبلي غزل البنات وآيس كريم وكمان جابلي بلورة فيها راقصة باليه وولد وكانت بتدور وتصدر موسيقى جميلة جدا ودافية بقدر حب الشخص اللي جايبها مهما كانت إختياراتي بتخذلني مرة ورا مرة حسام بيثبتلي إن هو الإختيار الوحيد اللي عمري ما هندم عليه.
هاجر_نورالدين
لأجلي_يفعل
تمت